عارف إنت إيه بالنسبة ليا ...؟؟

[نور الحرف]

إهداء : إلى شريك حياتى وتوأم روحى أحمد الله على سلامتك
رب لا يحرمنى منك


عارف
إنت إيه بالنسبة ليَّا
غير إنك حبيبى
ونور عينيَّا
***
إنت همسة روحى
لما تجينى بفْرح
أنت نبضة ف قلبى
حتى ولوْ بتجرح
إنت كل حاجة
ليَّا ف دنيتى
وكل شوق جوايا
نوَّر سكِّتى
عرفت إنت إيه
بالنسبة ليَّا
غير إنك حبيبى
ونور عينيَّا
***
إنت كلمة حب
صحِّيت بيها شوقى
لما تيجى بحبك
وتضلِّل شروقى
لمسة منك طبطبة
على كتفى " رُوقِى "
بلقى نفسى قريبة
من نفسى ديَّا
عرفت إنت إيه
بالنسبة ليَّا
غير إنك حبيبى
ونور عينيَّا

***
إنت كل الطيبة
وإنت كل حنانى
كإن هيا الدنيا دى
إتوجدت عشانى
وأما أشوف بسمة
عينيك مدوِّبانى
بشكر ربنا
على نِعَمُه ديَّا
عرفت إنت إيه
بالنسبة ليَّا
غير إنك حبيبى
ونور عينيَّا
***

إنت كل الدنيا
وإنت كل المُنَى
يا حبيب أيامى
وحبيبى أنا
لو غبت عنك ثانية
ألاقيها سنة
ولو فضلت عمرى
جنبك مش هايكفِّى ليا
عرفت إنت إيه
بالنسبة ليَّا
غير إنك حياتى
ونور عينيَّا

***
مع حبى &
نور العيون
10/11/2010

[&!! Who's care&]

حمد الله على سلامته
يانور الحرف
ربنا مايحرمكم من بعض ابدااااااااااااااااا
ويديم عليكم السعادة
كلماتك جميلة واحساسك راقى
فى رعاية الله

[رضا محمود]

ألف حمدالله بسلامة زوجك ياأخت نور....جعله الله في ميزان حسناته...وعفى عنا وعنه وعن أمتنا جميعاً..

وان شاء الله هيكون ردي بشيئ يناسب هذه المناسبة السعيدة..
نورتي الكافيه ...تقبلي تحياااااااااااااااتي..

[محمد أبراهيم]

سأسأل
القمر وأتركه
يجاوب

وسأسأل ساعتي
لما كلما
التقينا
تتوقف فيها
العقارب

يانجمه بالأعالى
تلمع
اى
العمل تراه
ينفع
وضعتك بمرأتى
وهجا
لتكونى لى
من النبض
اسرع
فلم تتركى لى
عذرا
الا عيونا
تدمع
تطفئيني حاضرا
وتتشبثى بالماضى
يكفينى مالديك
فان
تبسمت شفتاك
اشرقت
لي الدنيا
وأعتصر حزنا
إن ادمعت
مقلتيك
فلك
العمر ياتي
طوعا
فقلبى سلمته بين
يديك
الرائعه
نور العيون
الفاضله
نور الحرف
الأديبه
ماما نور
سحر من الطبيعه
أنت
طرزت المعاني
بعناقيد تميز
فدائما
تجعلين من البوح
صورا ناطقه
نقف
نتأملها بصمت
ودهشه
رحلت همومى مع
أول سطر
عالم أخر قادنى
إليه حرفك
لطالما
اشتد حر الشوق
فاصاب
القلب منه
احتراق
هكذا التمنى
شجره
ننتظر منها
اخضرار الاوراق
فأبى قلمى التصديق
فهو وصفحتك
كان صديق
على دروب
الهوى نتعذب
وكل قصة تضيف
لنا رفيق
فتنتني
فغدوت بهواك
مفتون
ولو تسالني نبضا
فوق نبضي
فاي نبض لايعادل
نبضك الحنون
حقا
أستمتعت بكل لحظة
أعيش فيها
داخل محارة
قلبك
لأحصل على
لؤلؤة مشاعرك
فالسطر يبارزني
أن أبحر فيه
لان
رئتي تتنفس
هنا
فى رحله جميله
على قارب
حرفك
وهو يقودنا
لعشق كبير
تخلل السطر
وانسابت به
الصفحات
رومانسيه جميله
حقا
طرحها نبضك هنا
كنت معك
فكم احب
غناءك
واحب رصفك
ومجارتك
روعة كلماتك يقف
أمامها قلمي
ساكن
لا يستطيع أن يكتب
ما يوازيها
فيفضل الصمت
لقد اختصرت
بحروفك
لغة العاشقين جميعا
وصغت منها
ايقاعات عذبة
بالمشاعر
اعجز عن ايفائك
حقك
امام هذه
الاحاسيس
المبهرة التي اضافت
على اسمكـ بريقا
لا يوصف
سعيد جداً بوجودي
داخل صفحتك
عطر حرفك اطل
بالصفحه
رسم ابتسامه
كانت كل الرقه
مرور زاهي باناقه القمر
فحاكت اناملك
الكلمات
فكانت السطور
بغاية الدقه
خالص
أحترامي وتقديري
تقبلي
مني احترامى
ومودتى
حقا ما أجمله اهداء
والف الف سلامه
لتوأم روحك
وحمدالله على سلامته
وهميئا له
حروفك
ومشاعرك
ادامها الله عليكم
واتمها
بالسعاده والهناء
وكل عام وانتما بخير

[رضا محمود]

لو غبت عنك ثانية
ألاقيها سنة
ولو فضلت عمرى
جنبك مش هايكفِّى ليا
عرفت إنت إيه
بالنسبة ليَّا
غير إنك حياتى
ونور عينيَّا........

ألف حمدالله بسلامتك...
ياللّي واحشاني ابتسامتك..
ياللّي جوة القلب ساكن..
وبرموش العين رسمتك..
كل شيئ منك واحشني..
بس كان خوفي حايشني..
اني أبكي ما بين ايديك..
كنت بسهر ليلي كله..
أدعي رب الكون واقوله..
يبقى جنبك..ويعافيك..
ياحبيبي..انت عارف..
انت بالنسبالي ايه..
انت حاسس..انت شايف..
قلبي حبك قد ايه..
زي موج البحر حبك..
اتخلق..علشان يعيش..
حب أقوى من الظروف..
حب مابيعرفشي خوف..
حب باقي ...ما ينتهيش..
والحياه من غير وجودك..جنب مني..ماتساويش..

ألف مليون سلامة علي زوجك ياأخت نور....وحمدالله بسلامته....ودي هديتي المتواضعة بمناسبة شفائه علي خير..

[نور الحرف]

حمد الله على سلامته
يانور الحرف
ربنا مايحرمكم من بعض ابدااااااااااااااااا
ويديم عليكم السعادة
كلماتك جميلة واحساسك راقى
فى رعاية الله

غاليتى/ أسيرة بلا قيود
سلمك الله من كل سوء
صدقاً دعواتكم كانت لى نعم العون فى شدتى
فاستجاب الله لهالأنها دعوات صادقة
لا عدمت مودتكم أبداً
تقبلى كل الود من قلب النور
نور العيون

[نور الحرف]

الرد من الأخ /رضا محمود
ألف حمدالله بسلامة زوجك ياأخت نور....جعله الله في ميزان حسناته...وعفى عنا وعنه وعن أمتنا جميعاً..

ألف حمدالله بسلامتك...
ياللّي واحشاني ابتسامتك..
ياللّي جوة القلب ساكن..
وبرموش العين رسمتك..
كل شيئ منك واحشني..
بس كان خوفي حايشني..
اني أبكي ما بين ايديك..
كنت بسهر ليلي كله..
أدعي رب الكون واقوله..
يبقى جنبك..ويعافيك..
ياحبيبي..انت عارف..
انت بالنسبالي ايه..
انت حاسس..انت شايف..
قلبي حبك قد ايه..
زي موج البحر حبك..
اتخلق..علشان يعيش..
حب أقوى من الظروف..
حب مابيعرفشي خوف..
حب باقي ...ما ينتهيش..
والحياه من غير وجودك..جنب مني..ماتساويش..
****
ألف مليون سلامة علي زوجك ياأخت نور....وحمدالله بسلامته....ودي هديتي المتواضعة بمناسبة شفائه علي خير..
*****
جزاك الله خيراً أخى الفاضل/ رضا محمود وبارك الله فيك
وأشكرك على الهدية الجميلة والتى اسعدتنا معا
تمنياتنا لك بكامل الصحة والعافية
ودمت متميزاً دائماً
تقبل الود من قلب النور
نور العيون