اولا انا اتبسطت جدا من طريقة كلام اية البنوتة دى لانها بتثبت ان الشعب المصرى شعب جامد بالفطرة بس انا احب اقول حاجة فى الاول قبل ما اناقش الموضوع اما انتى بتقولى كدة على اية امال لو قعدتى مع اسراء بنت عمتى هتقولى ايه ( دى 6 سنين بس ممكن تجنن بلد)
المهم ذكاء لا متناهى منك على راى احمد عمر انك حولتى الموضوع لمناقشة زى دى
المهم اننا هرد على النقط اللى انتى طرحتيها
طب اكمل بعدين
انا اسف انا مكملتش كلامى عشان كان معايا شغل مهم
المهم
دلوقتى النقط اللى انتى اثرتيها فى الموضوع بتاعك ده اقدر اقوللك ان مش شرط الاردن بس لان الفكرة ان الشاب مبيدورش هو هيسافر فين ولا هيشتغل ايه كل اللى بيفكر فيه انه ازاى يكبر بسرعة وازاى يعمل فلوس يجهز نفسه او يامن اهله للزمن وده مش عيب
طيب نيجى نفكر ايه اللى ممكن يخلى الشباب تفكر بالطريقة دى
انا مش عاوز اعدد الاسباب لكن اقدر اشرحللك:
البلد يا طيف اتقفلت على ناس محددة بمعنى ان بقى فيه عناصر ومراكز قوى لا تسمح باى حال من الاحوال ان حد جديد يطلع يقاسمهم كمان ان التعليم هنا اصبح بلا اى فائدة
بمعنى ان الواحد بيفكر انه هيشتغل بالمؤهل بتاعه لكن ده مبيحصلش الا نادرا
دى حاجة الحاجة التانية تعالى دلوقتى ناخد الشاب اللى بيتخرج مرحلة مرحلة
اولا بعد التخرج اول حاجة بيفكر فيها الجيش هيدخل ولا لا هنفترض انه دخل بيطلع بعدها بسنة او اتنين المهم يبدا يفك هيشتغل ايه ولما الدنيا تتقفل قدامه بيشتغل اى حاجة ايا كانت المهم بعد فترة يلاقى نفسه زهق من الشغل مش وضعه بيحصل معاه حاجة تضايقه
بيلاقى ناس قليلة المستوى بتتحكم فيه وهكذا
طب يبدا يفكر ايه البديل ؟
لا يلاقى امامه الا ان يبحث عن فرصة سفر انتى كدة فهمتى
بس استنى انا عاوز الفت نظرك لحاجة ان مش كل الشباب كدة لان فيه ناس بتتمسك باى امل اضافة الى الطموح الجامد اللى بيبقى مسيطر عليه
يعنى مثلا ( معلش هو دده مش موضوعنا )
عندك مثلا انا اتخرجت السنة اللى فاتت من حقوق القاهرة المهم انا معافى من الخدمة العسكرية طب اشتغل بالمؤهل مش هينفع وحتى لو نفع العائد المادى زفت
المهم انا بميل جدا للسفر والتغيير ومبتكسفش من شغل
المهم انا اشتغلت فى مطعم لفترة كنت شغال فيها دليفرى
المهم بدات ازهق من الناس اللى كنت بتعامل معاهم عرفت ناس جامدة المهم ولانى طويل الامل وبعد طول بحث سيبت المطعم واشتغلت فى مكتب محامى برضه وحش اشتغلت مصور برضه لا
الى ان استقر بى المقام ( لك الحمد يا رب ) فى شركة استثمار انا مسئول العلاقات العامة ودى شركة كبيرة طب انا وصلت للمكان ده ازى اولا ده توفيق من ربنا ثانيا رضى ابى وامى عنى ثالثا انى بحاول ومبزهقش ومبتكسفش من شغل ولانى صبوووووووووووور
بس ده اللى انا عاوز اقوله للشباب حتة الصبر وعدم الاستعجال دى مهمة جدا اضافة الى السعى والاهم عدم البعد عن الله
بس ده اللى انا ممكن اقوله
عامة تسلمى مواضيعك كلها جامدة وهادفة وانا مبسوط بمعرفتى بيكى ولك من الورد جنينة
بســــــــــــــ الصواف ـــــــــــــام
تسلم بسام على صراحتك ونقاشك الرائع والف شكر لك بسبب ادراجك تجربتك كمثال
طبعا المشكلة موجودة في معظم البلدان العربيه و متل ما انت قلت مش بس للاردن وكمان دول تانيه ومن الاردن للسعودية وهكذا
انما فعلا يبقى الانتماء والحب للبلد الاصلي حتى وان ابتعد الشخص عنه بسبب الحاجة
اتمنى الله يوفقك برضه في عملك كمان وكمان
حتى تحقق طموحك واحلامك
شفتي بنت عندها خمس سنين بس كفاء وسيطره ورجول تحيا مصر
اكيد حب مصر يجرى فى دمنا كلنا بس لاسف الظروف فى مصر ما بتساعد الشباب ولذلك اى حد بيسافر لما تتيح له فرصة عمل
وشكررررا على الموضوع المتميز
تسلمى حنين على مرورك واهلا وسهلا ومرحبا بتواجدك معنا على الكافيه
لكل انسان ان يحلم بان يعيش فى وطنه بلده ولاكن توجد نوعيه اخرى يرون ان السفر والعيش فى دوله اخرى افضل ويرجع ذلك الى ضيق سعة العيش وعدم توافر فرص العمل
الذين يشاهدون الموضوع الآن: 1 (0 من الأعضاء و 1 زائر)