الطفلة آيه ....انا مصريه

[طيف عابر]

الطفلة آيه

هي طفلة مصريه تبلغ من العمر خمس سنوات شاء القدر والظروف لآية ان تولد في الاردن وان لا ترى مصر للآن الا انها رغم ذلك تعشق مصر ... فكما يبدو ان عشق مصر يجري في دماء المصريين وليس شرطاً ان يشربوا من نيلها ليعشقوها فعشقها يتوارثه ابنائها بالجينات ومن دماء الاباء والامهات الذين مهما ساءهم حال مصر فانهم ابداً لا يتخلون عن عشقها فالعشيقه الاولى لاي رجل مصري هي مصر ...فلا تحاولي ايتها المصريه ان تحتلى المرتبه الاولى في قلبه





صدفة التقيت آيه وحالما عرفت انها مصريه رغبت في الحديث معها ذلك انني اعلم مما قرأت وسمعت ان الطفل المصري لديه قدرة على الكلام والحوار تفوق اقرانه من باقي الدول العربيه فقلت لنفسي اجرب واتأكد....


وهكذا سرتُ نحو آيه وبادرتها بالسؤال ....

==ازيك آيه ؟عامله ايه
=الحمدلله
==آيه انتِ منين
=من مصر
==وبتحبي مصر ولا الاردن اكتر
=مصر
==ليه
=لانها بلدى وبابا بحبها
==وبابا بحبها ليه
=عشان تيتة وسيدو هناك
==طيب اوك على كده لازم تحبي الاردن اكتر عشان ماما وبابا هنا
=لا انا بحب مصر اكتر وخلاص بئة
==اوك اوك متزعليش بكرة نزوجك اردنى وتبقي اردنيه
=لا انا مش هتجوز اردنى
== ليه بس
=عشان انا مصريه ومش اردنيه

انا ضحكت طبعا
==اوك بلاش مع انى جايبالك عريس قمر

وآيه ضحكت وسالتنى
=انتى بتتكلمى كده ليه
==قلتلها كده ازاى يعنى
=زينا
==وانتو مين بئة

سكتت آية

==قلتلها آه قصدك اهل مصر
انا بتكلم كده عشان تفهمينى

=لا انا بفهم اردنى كويس برضه

==طيب يا عسل حاضر نتكلم اردنى
ناويه تروحى مصر آيه

=ايوة ان شاء الله بابا السنه دى هياخدنى هناك بس هنرجع هنا

==ان شاء الله آيه وانتى نفسك ترجعى هون ولا تبقي هناك
=انا نفسي افضل هناك واجى هنا اشوف صحابي بس

==ان شاء الله آيه بتروحى مصر وبتيجى تزورينا ومش تنسينا

=لا مش هنساكم

واقتربت مني لتعطينى قبله جميله وصادقه وبريئة حضنت آيه وكنت مضطرة اغادر ووعدتنى آيه بزيارة هى واهلها ل عندي



آيه بملامحها المصريه الجميله بصراحة سحرتنى وخلتنى احبها واتعلق فيها رغم بساطة والدها ووالدتها ورغم صعوبة ظروفها الا انها معتزة بنفسها جدااااااااا وانا حسيت انى امامها عاجزة عن الحوار مع طفل




القضيه المطروحة




0000
بعد قليل و على هامش الموضوع ساضع القضايا التاليه لاناقشها



وضع المصريين في الاردن

اسباب هجرة المصريين للاردن
الاردن حضن دافيء لكل المصريين
هل يحقق المصري طموحه في عيش كريم في الاردن؟

اراكم ان شاء الله

طيـــــــــــــــــــــــ ــــــــــف

[أحمد عمر]

حوارك مع ايه شدى للدرجه ان تصور ان الموضوع عن ايه نفسهاوما خيلت العبقريه ف تحويل الحوار من مجرد لقاء عابر بطفله الى قضيه يتم فتحها ومناقشتها وبخاصه ان مست ما يقرب نصف مليون مصرى يزيد او يقل ..
ع كلا احبب ان يكون حضورى باكرا لمحاوله القراءه ومتابعه ومناقشه القضيه..
بارك الله فيك

[علي مدكور]

شكراً يا طيف على الحوار الجميل ده...
بس المشكلة دلوقتي مش في الإردن او مصر
بالنسبة للشباب المصري دلوقتي عموماً مجرد ما بتيجي فرصة سفر بيمسك فيها
لأن العيشه هنا صعبه حتى على الطبقات المتوسطة مش الضعيفه!..

بس في الآخر بردو بنحب مصر ..

[اسيرة الغربه]

حوار رائع جدااااااا ياطيف

بجد الله يعين ايه ويصبرها في بعدها عن مصر

[طيف عابر]

حوارك مع ايه شدى للدرجه ان تصور ان الموضوع عن ايه نفسهاوما خيلت العبقريه ف تحويل الحوار من مجرد لقاء عابر بطفله الى قضيه يتم فتحها ومناقشتها وبخاصه ان مست ما يقرب نصف مليون مصرى يزيد او يقل ..
ع كلا احبب ان يكون حضورى باكرا لمحاوله القراءه ومتابعه ومناقشه القضيه..
بارك الله فيك

الف شكر احمد على المرور والاهتمام واتمنى يكون لك رجعه حتى نتناقش بابعاد القضيه
تسلم يا رب
والله يخليك

[طيف عابر]

شكراً يا طيف على الحوار الجميل ده...
بس المشكلة دلوقتي مش في الإردن او مصر
بالنسبة للشباب المصري دلوقتي عموماً مجرد ما بتيجي فرصة سفر بيمسك فيها
لأن العيشه هنا صعبه حتى على الطبقات المتوسطة مش الضعيفه!..

بس في الآخر بردو بنحب مصر ..

الف شكر لمرورك واهتمامك علي
واكيد مش بس في الاردن لكن انا اخترت الاردن لانى بعرف اكتر عن الوضع فيها
تسلم علي واكيد اكيد بتحبوها وهى بتحبكم

[طيف عابر]

حوار رائع جدااااااا ياطيف

بجد الله يعين ايه ويصبرها في بعدها عن مصر

تسلمى اسيرة يا رب والف شكر لمرورك
يا قمر
والله يعين الجميع

[العوامى]

فلا تحاولي ايتها المصريه ان تحتلى المرتبه الاولى في قلبه

فعلاً ياطيف
حب مصر بيجرى فى دمائنا مهما يحصل منها أو من أهلها
وتبقى مصر دائماً وأبداً الحضن الدافئ لأولادها وقصادها من إخواننا العرب
أما بالنسبة للبلد اللى المصرى بيهاجر ليها سواء كانت الأردن أو غير الأردن
بيحس فيها بالراحة بعد عثوره على مكان للنوم أولاً ثم مطعم ليأكل ثانياً
وبعد كدة كله يهون فى بلد الغربة
أوعى حد يزعل منى لوكنت قلت كلمة مش قصدى أقولها

[طيف عابر]

فعلاً ياطيف
حب مصر بيجرى فى دمائنا مهما يحصل منها أو من أهلها
وتبقى مصر دائماً وأبداً الحضن الدافئ لأولادها وقصادها من إخواننا العرب
أما بالنسبة للبلد اللى المصرى بيهاجر ليها سواء كانت الأردن أو غير الأردن
بيحس فيها بالراحة بعد عثوره على مكان للنوم أولاً ثم مطعم ليأكل ثانياً
وبعد كدة كله يهون فى بلد الغربة
أوعى حد يزعل منى لوكنت قلت كلمة مش قصدى أقولها

شكرا كتير عوامى ويبارك بقلبك وما حد بيزعل من حد مهما كان السبب
ومفيش شيء بكلامك بيزعل
ابدا
وتسلم على الاهتمام والرد

تابعنا بالنقاش

[MoOoRa]

هي فعلا قصة جميله جدا

-------------------
أنا آسف على المقولة دي بس أعمل إيه هى المناسبه للكلام ده
((يا ناس دي سياسه الدوله
الشعب المصرى لو شبع حيدور على السياسه لاكن لو جاع يفكر فى اكل العيش بدل ما يفكر فى الحكم والسياسه عرفتوا دلوقتي سبب الهجرة ))

مشكور طيوف

--------------
فالشعب بتاعنا بيريح نفسه ويختار راحه باله ويسافر بره لأي مكان وخلاص


بس في الآخر بردو بنحب مصر ..