قهوتنا على الانترنت
ابحث عن :  
النتائج 1 إلى 8 من 8
  1. #1

    افتراضي نصائحي للمخطوبين <<<للبنات>>>

    آنستي العزيزة.. لو ربنا فك عقدتك.. واتخطبتي

    .. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه

    .. إلى مثوااااه الأخير في قفص النسانيس.. قصدي قفص الزوجية السعيد..

    أجمل ما في الخطوبة العزومات الرومانسية..

    على أحلى محلات أكل ف البلد.. واللي عمرك مانتي شايفاها بعد الجواز.

    . المهم نصائحي لك عند أي عزومة مع ختيبك.. قلنا رقَّه ... .

    1- الأول لازم تعرفي إن الشوكة والسكينة بيتمسكوا من إيديهم من الطرف

    يعني مش م الوسط ولا م البوز زي الخنجر ولا من فوق طبعًااا

    -------------------------------------------------------------------------------------------------------------

    2-العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري

    .. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.

    . قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

    --------------------------------------------------------------------------------------------------------------------------------

    3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص..

    ومن غير ماتقعدي تنفخي فيها.. زي القهوجي اللي بينفخ ف الحجر للزبون..

    وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..

    بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

    -----------------------------------------------------------------------------------------------------------------------------------------------

    4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.

    . إوعي.. الرز بالشوكة.. وكأنك بتبوسيه مش بتاكليه..

    ---------------------------------------------------------------------------------------------------------------------

    5- المكرونة.. الاسباكتي.. برضه بالشوكة.. تتلف على طرف الشوكة..

    لحد ما تخلص وبعدين تحطيها ف بؤك من سكات.. مش تشفطي المكرونة عود عود..

    -----------------------------------------------------------------------------------------------------------------------

    6-السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص

    .. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة

    بالشوكة والسكينة وحطيها ف جنب الطبق وكملي أكل النص التاني..

    وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

    ---------------------------------------------------------------------------------------------------------------------------

    7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.

    . آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟

    وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت

    -----------------------------------------------------------------------------------------------------------------------------

    8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ.

    ..بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

    -------------------------------------------------------------------------------------------------------------------------------

    9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة..

    وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي

    ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-..

    وتقولي له مش ممكن.. أنا عمري ما اتفجعت كدة..

    أنا أودامي أسبوع.. هابطل أكل فيه.....

    وبعدين تمسكي الفوطة اللي دايمًا موجودة ع التربيزة من غير لازمة..

    وتبوسيها.. آل يعني بتمسحي بؤك..

    وبعدين تستأذني منه لدخول التواليت لإصلاح ماكياجك.. وتخشي التواليت وتطلعي من شنطة إيديك.

    لفة الفول والطعمية اللي جايباها معاكي..



    وبالهنا والشفااااااااا

  2. #2
    تاريخ التسجيل
    16 - 6 - 2009
    ساكن في
    EgYpt = CaiRo
    العمر
    31
    المشاركات
    5,114
    النوع : انثيEgypt الفريق المفضل  : الاهلي

    افتراضي

    ههههههههههههههههههههههههه ههههههههههه
    وانتى مين قلك ان احنا مش بنعمل كدة حتى من قبل الخطوبة
    " طبعا فشر وكذب "
    يااااااااااااااه ده الواحد هيتشل عقبال ما يعمل الحاجات دى
    بصى انا هاعمل بطبعتى عجبه عجبه مش عجبه هاخليه يعجبه غصب عنه
    ميرسى يا حبى على التوبيك الجميل ده



    Pray For Me Plz
    دعوة وحدة مش كفاية


    البحث على جميع مواضيع العضو HoBa HoBa

  3. #3

    افتراضي

    اقتباس المشاركة الأصلية كتبت بواسطة HoBa HoBa مشاهدة المشاركة
    ههههههههههههههههههههههههه ههههههههههه
    وانتى مين قلك ان احنا مش بنعمل كدة حتى من قبل الخطوبة
    " طبعا فشر وكذب "
    يااااااااااااااه ده الواحد هيتشل عقبال ما يعمل الحاجات دى
    بصى انا هاعمل بطبعتى عجبه عجبه مش عجبه هاخليه يعجبه غصب عنه
    ميرسى يا حبى على التوبيك الجميل ده

    ههههههههههههههههههههههههه هههه

    هو غصب بقى مش كده

    ههههههههه

    ربنا يكرمك يا حبيبتى بأبن الحلال اللى يسعدك ويأخدك على طبعتك

    منورة التوبيك يا هوبا

    انبسط بمرورك


    وكل عام وانتى بألف خير

  4. #4

    افتراضي


  5. #5

    افتراضي

    اقتباس المشاركة الأصلية كتبت بواسطة لولو الشقيه مشاهدة المشاركة
    ميرسي ليكى انتى يا حبيبتى
    نورتى التوبيك
    دمتى بود

  6. #6

    افتراضي

    - الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.

    . آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟

    وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت

    ههههههههههههههههههه

    عالى اوى يا جوجو

    هو فى كده

    لا بجد الطف الكائنات

    تخشي التواليت وتطلعي من شنطة إيديك.

    لفة الفول والطعمية اللي جايباها معاكي..


    ومما زادنى فخراً و تيهاً *** وكدت بأخمصى أطأ الثريا
    دخولى تحت قولك يا عبادى ** و أن صيرت أحمداً لى نبياً


    البحث على جميع مواضيع العضو ابو تريكه

  7. #7

    افتراضي

    اقتباس المشاركة الأصلية كتبت بواسطة ابو تريكه مشاهدة المشاركة
    - الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.

    . آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟

    وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت

    ههههههههههههههههههه

    عالى اوى يا جوجو

    هو فى كده

    لا بجد الطف الكائنات

    تخشي التواليت وتطلعي من شنطة إيديك.

    لفة الفول والطعمية اللي جايباها معاكي..


    ههههههههههههههه
    حسة بسخرية مش عارفة ليه
    عموما ردك نور الصفحة يا حودا
    جزاك الله خيرا على ردك
    دت بود

  8. #8
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    نبض
    حرفك وحديث
    كلماتك
    هو الرافد لاي
    صفحه
    كانه عيد الاعياد
    يترك في المساحه
    فرحه
    فالياسمين تفتح بعطر بحروفك

    تحيه
    لك لروعه تواصلك ونقاء ودقه اسلوبك

    وسحر قلمك وروعه
    الفكره


 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©