ايه الحل

[asmaa love ahmed]

انابحب واحد المهم انى بكلمه وبيكلمنى بس ساعات كتير بحس انه بيحبنى وساعات كتيرلا مش عارفة بحس انه لما بيكون محتاج منى حاجة بيكلمنى وانى على طول انااللى باتصل عليه وساعات يقولى طيب خمس دقائق وهاكلمك وبعدين يقفل الموبايل وتانى يوم يقولى سورى الموبايل فصل شحن اقوله عادى خلاص المهم من يومين بيسالنى عن واحدقريبى هو اكبر منى بسنة هواصلاتعبان بيقولى روحتى زورتيه قولتله ايوة زعل منى وقالى مش قولتيلى ليه وهو اصلاماكنش بيكلمنى بقالة يومين قولتلة انااسفةبس كان لازم اروح ليه المهم قالى خلاص اقفلى دلوقتى علشان عايز انام قولتله مش تزعل منى قالى خلاص قولتةخلاص باى ومن يومها برن عليه مش بيرد اسفة للاطاله بس قولوا لى اتصرف ازاى

[رحيل القمر]

بصى ياقمرررررررررر انا شايفه انك مغلطتيش لكل اللى بيعملو دة وطول ماهوة شايفك
مدلوئه كدا وكل حاجه اسفه من غير ماتعملى حاجه ويعملك كدا وبردو تتصلى ليه حق يتمرع
و انتى كدا بتيجى على كرامتك اوى ولو فضلتى على كدا هتتبهدلى عشان هوة كدا مش بيقدرك
الحل
(اذا اردت شيئا بشد اطلق صراحه فان عاد لك فهو ملكا لك وان لم يعد فهو ليس من البدايه لك
متتصليش خاااااااااااااااااااااااا الص عشان كرامتك وشوفيه هيتصل ولا لاء زى ماهو انسان ليه حقوق لازم يعرف ان عليه واجبات
ومينفعش ووقت ميحتاجك يجيلك ووقت ميحتجلكيش يبعد خدى موقف وفكرى ف كلامى ولازم تكونى مقتنعه بكل حاجه هتعمليها)

[المستشار محمد]

السلام عليكم

شوفى يافندم

المواجهة احسن حل يعنى ايه بيحبك لو بيحبك يتقدملك

قوليله انت مش بتتصل بيا ليه ومش مهتم بيا طيب بتحبنى ازاى

ولو بتحبنى تتقدملى

اسف لو راى يزعل حضرتك

تحياتى بالتوفيق

معالى المستشار

[رحيل القمر]

المستشار معلش عندى تعليق على رئيك
بس مينفعش بنت تقول لولد اتقدملى
صعب شويه
انتى ممكن تقوليله انا مش هعرف او مش هقدر استمر ف الوضع دة لانه مضايقنى وتاعبنى نفسيا
لو بيحبك هيعمل عشانك حاجه لو لاء يبئه بيباى
دة لو رد او كلمك يعنى

[المستشار محمد]

السلام عليكم

رحيل القمر انا اسف يافندم

بس انا مش قصدى انها تقوله كده اقصد تعرفه انه لو بيحبها بجد يتقدملها فهمتينى ازاى
\
واسف جدا لو غلطت فى المعنى سامحينى واسمحيلى يافندم

تحياتى

معالى المستشار

[رحيل القمر]

لا من غير اسف ديه مناقشه مش مستاهله
بس حبيت اوضح حاجه صغيرة
كمان اعتقد الموضوع دة لازم يبئه فيه شويه من الحياء
وربنا يوفق الجميع

[المستشار محمد]

السلام عليكم

طبعا يافندم واساسا البنت مينفعش باى حال من الاحوال تقول للشاب كده

بس اقصد ازاى يعنى انها تحسسه حتى ان هو ده الحب

لكن كده بجد مش حب

اللى بيحب بيضحى بجد وبيتمسك بحبيته لو حس بس مجرد احساس ان فيه حد بيفكر فيها

مش ناوى كمان يتقدملها

يارب يكرمها ويصلحلها الحال يارب العالمين

اسف للازعاج

معالى المستشار

[رحيل القمر]

طبعا كل كلامك مظبوت وهيه لازم تفهم دة صح وتعمله
فكرى كويس ف ل اللى قولناة عشان متندميش على حاجه بايدك تغيريها وانا عارفه مهما قولنا
مش هتعملى غير اللى بتسمعيه من نفسك ودماغك بتقولهولك فكرى

[حب العمر]

بجد انا رايى فى موضوعك ده ممكن يزعلك بس لازم اقوله
انا رايى ان اللى بيحب ما يقدرش يعيش يوم ولا ساعة ولا دقيقة حتى من غير ما يطمن على حبيبه ويعرف هو فين ومع مين وبيعمل ايه ولو فى ظروف صعبة اجبرته على انه مايكلمكيش لما ييجى يكلمك تانى هتحسى من صوته بشوق وحنين ولهفة
لو ده حصل انت اللى هتتمنى انه مرة ما يكلمكيش عشان نفسك تسمعى وحشتينى اما تبقى حساها اوى
صدقينى ومن غير زعل انا حاسة انه هو مش بيحبك
بس برده هديله فرصة سيبيه كام يوم ما تتصليش خالص ولا حتى ترنى وشوفى لما يكلمك ايه الاحساس اللى هيوصلك
اتمنى ما تضايقيش من كلامى لان اكتشافك للحقيقة دلوقتى احسن بجد من بعدين عشان ساعتها الجرح هيبقى صعب
واتمنى انك تكونى استفدتى منى ولو بكلمة وربنا يطمننا عليكى يا قمر

[asmaa love ahmed]

بجد انابشكر رحيل القمر وسيادة المستشار وحب العمرعلى النصائح الغالية عليا وانى اوعدكم انى اعمل بيها وبجد انا مقتنعة جدا بكلام حضراتكم لان الانسان لازم يشور فى الامور اللى مش ممكن ياخد قرار فيها بنفسه واسفة اذا كنت ازعجتكم