عايزه اى حد يقرا التوبيك يقول مبروك

[حب العمر]

عايزاكم تباركولى كلكم
حبيبى خلاص كتب كتابه امبارح تانى يوم من ايام العيد
المصيبة انه هو بيقولى انا هكتب بكره بيقولى ده بكره كتب كتابى بيقولى عقبالك
هو ليه قالى اصلا على اليوم
عامة انا اول مرة احس انى نفسى ربنا يسعده مع مراته لانى حاسه انه هو وهو بيتجوزها عارف انها عمرها ما هتفهمه
بتمناله بجد الحياة السعيدة
بس بجد انا قضيت يوم من اسوء ايام حياتى ما اتخيلش انى هعيش زى اليوم ده تانى
انا بجد اول ما قفلت معاه كنت حاسة ان روحى بتروح منى والله كنت حاسة انى مش قادرة اخد نفسى
تخيلو والله بكيت 11ساعة متواصل الحاجة الوحيدة اللى خلتنى ابطل بكاء ان اصحابى جولى وصمموا يخرجونى برة البيت
بجد انا من اول ما المغرب اذن وعرفت ان ميعاد كتب الكتاب قرب حسيت برعشة فى جسمى عمرى ما حسيتها قبل كده والله كنت هكلمه واقوله بلاش
انا اسفة على الاطالة بس بجد كنت محتاجة حد يسمعنى

[دره]

مبروك ده على كلامك
بس انا حساكى ملغبطه اوى
بس ربنا يريح بالك

[jokata]

اولاً انا هقولك مبروك
لانه ميستهلكيش واعرفى ان نصيبكم متكنوش لبعض والله اعلم بما لا يعلمه البشر
حاولى تعيشى حياتك الدنيا مليانة ازمات
حاولى تكون دى اخر ازمة والحمد لله عمرى فيها ازمة واحدة ولكنها جعلتنى اقوى مما كنت
وبصراحة الى بيحب بجد بيضحى بكل حاجة عشان الحبيب ومتهيقلى ان حبيبك مضحاش بحاجة خالص
ربنا يوفقق وتكملى طريقك بنجاح

[~DREAM~]

حبيبتى انا قولتلك قبل كدة
هو شخص اختار حياتو مع واحدة غيرك وعاش الواقع
انا عارفة انو صعب بس انتى لازم انتى كمان تعيشى الواقع وتنجحى فى حياتك
لسة الحياة قدامك حتقبلى الاحسن والى انتى تحبى اكتر من اى حد
والحياة قدامك وحتعيشى حياتك وحتحبى وحتكرهى
وبجد انا بدعيلك ربنا يكرمك فى حياتك علشان
انا حاسة بيكى اوى وبالانتى حساة لانى مريت وبمر بمرحلة صعبة فى حياتى برضو
بس ربنا يوفقك حبيبة قلبى وصدقينى ربنا حيعوضك خير
تحياتى وكل تقديرى وحبى
DREAM

[المستشار محمد]

السلام عليكم

حب العمر مبروك

من قلبى بقول الفين مبروك

تحياتى ليكى ربنا يحميكى يارب

على فكرة اتى هترتاحى اوى بعد كده

عارفة هو الخسران مش انتى

فكرى كويس

معالى المستشار

[المستشار محمد]

السلام عليكم

حب العمر

عايزك تبكى كمان 11 ساعة عليه

ولو قدرتى تبكى يوم كامل يبقى زى الفل

اعقلى بقى وفوقى لنفسك
تعرفى ولا لا
سلام

[المستشار محمد]

السلام عليكم

متزعليش منى

انا اتخنقت اوى عشانكواللى انتى فيه

بسبجد فوقى بقى وبصى لحياتك ومستقبلك

كلنا انجرحنا بس نحاول حتى نعيش بقى

حرام بجد

تحياتى ياحب العمر

معالى المستشار

[حرف مشتعل]

عنجد كلامك تبكى 11 ساعه على واحد باعك واختار غيرك
امتى هتتعلمى عيشى لنفسك زى ماعاش هو لنفسه
فين حياتك
خساره دمعاتك تنزل عشان شخص ما يستاهل وخصوصا وانتى عارف ان البكاء ما هيرجع شىء
سورى لو كلامى زعلك .بس من ضيقتى من اللى انتى بتسويه فى روحك
ودمتى للفرح عنوان حبى ويارب تكون اخر احزانك

[عمارطه2009]

حب العمر كل سنه وانتي طيبه وعيد سعيد عليكي وانشاله تكون اخر الاحزان ليكي وانا قولت قبل كدة الحياة مش بتقف علي حد واكيد هو الخسران والحياة لازم تستمر رغم كل الاحزان
هي فترة بس من حياتك وهتنسي وتعيشي حياتك وتبدأي من جديد مع انسان يحبك بجد ويخاف عليكي
خلي بالك من نفسك وركزي في دراستك ومستقبلك وربنا معاكي
وعيد سعيد عليكي

[حب العمر]

بجد ميرسيه يا اسلامى حياتى على الرد خصوصا كلمة مبروك
وعايزة اقولك ان انا خلاص ما بقيتش ملغبطة ولا حاجة انا والحمد لله بمجرد اليوم ما انتهى انا خلاص رجعت لحالتى الطبيعية بتعة زمان قبل ما احب او اقابل الانسان ده
خلاص الحمد لله الانسان لازم يبقى واقعى ويبطل بكاء على حاجة راحت واستحالة ترجع