عايزه اى حد يقرا التوبيك يقول مبروك

[حب العمر]

بجد ميرسيه جدا يا jokata
عايزة اقولك انه فعلا ما ضحاش باى حاجة عشانى حياته كلها مشيت زى ما هى
انا ولاول مرة احس انه عمره ما حبنى
اكيد ده وهم انا كنت عايشاه بس الحمد لله انى فوقت

[حب العمر]

انا متشكرة جدا يا DREAM
بس فين كلمة مبروك
والله انا عارفة ان هو اختار حياته مع واحدة تانية خلاص
بس على فكرة انا خلاص فكرة الحب تانى ده ما بقيتش فى دماغى الا للزوج مش خطيبى كمان
وربنا يوفقك فى ظروفك يا قمر

[Ṃỏ7äṃΣď Ụ-ĐęṾĭ Ĺş]

اختى الغاليه
مبروك ليكى مش ليه
هو اللى خسر مش انتى
تانى حاجه انا عارف انه صعبان عليكى نفسك
بس مهما كان فكرى ولو لحظه ان ده شخص باعك
والحمد لله انك مكملتيش معاه لانه كان هيبيعك بعدين
ارضى اختى بنصيبك
وربنا يعوضك خير بأذن الله

[حب العمر]

ميرسيه جدا جدا جدا يا معالى المستشار
عايزة اقولك انى فعلا ارتاحت بعد الليلة ده ما انتهت لان خلاص مع نهاية الليلة كانت نهاية لكل احلامى فيه
انا فعلا ما بقيتش افكر فيه اقصد افكر فى احلامى معاه
كل اللى فاضل الذكريات يعنى رايه مثلا فى حاجة كلامه ليا فى موضوع معين كده يعنى لكن افكر فيه ده حاجة اصلا خلاص بقيت حرام عليه ما فيش غير مراته بس اللى من حقها كده
على فكرة انا عمرى ما هبكى تانى عليه يمكن انا بكيت اليوم ده لان كان لسه كتب الكتاب ما حصلش انما بمجرد انتهاء اليوم خلاص جفت كل الدموع
على فكرة انا مش زعلانة خالص من حضرتك اكيد كلكم زعلتم عشانى
انا والله كتبت التوبيك اصلا عشان كنت مخنوقة ومحتاجة اخواتى يسمعونى ويحسوا بيا

[حب العمر]

ميرسيه جدا يا حرف مشتعل على ردك الجميل
اكيد انا هعيش لنفسى زى ما هو عاش لنفسه
واكيد عمرى ما هبكى عليه تانى لانه فعلا باعنى وباعنى بالرخيص اوى بجد اكيد هو عمره فى حياته ما حبنى
والله انا مش زعلانة منك يا قمر انا عارفة ان كلكم خايفين عليا

[احمد حسين]

هذه هي الحياة

[حب العمر]

ميرسيه جدا يا عمار طه2009
كل سنة وانت طيب
ان شاء الله ده هتكون اخر احزانى وفعلا الحياة مش بتقف على حد وانا متاكدة ان هو الخسران بكل المقاييس لان مراته استحالة هتحبه زى ما انا حبيته مهما حصل كفاية انها ما تعرفش اى حاجة عن حياته ولا عن حب حياته اللى هى خطيبته الاولى ولا تعرف حتى اى حاجة عن حياته اليومية
اكيد هى فترة فى حياتى خلاص انتهت واكيد انا نسيتها وان شاء الله هعيش حياتى
باذن الله هاخد بالى من نفسى ومن مذاكرتى ومستقبلى كمان بس عمرى ما هحب تانى الاللزوج فقط

[حب العمر]

ميرسيه يا محمد جدا على الرد واكيد مبروك ليا انا على انى خلاص نسيته
اكيد هفكر ان ده شخص باعنى والحمد لله انى ما كملتش معاه
ان شاء الله هرضى بنصيبى

[حب العمر]

ميرسيه جدا يا احمد حسين لردك ومرورك الذى عطر صفحتى
واكيد هذه هى الحياة

[المستشار محمد]

السلام عليكم

حب العمر

طالما اطمنا عليكى والحمد لله بقيتى تمام ورجعتى زى الفل زى زمان ويارب دايما

انا ليا طلب بعد اذنك طبعا يافندم اذا سمحتيلى حضرتك يعنى

غيرى بقى توقيعك ده اللى هو


كنت بحبك اوى وانت عارف
وللاسف اصريت تضيعنى من ايديك


عايزك تكتبى حاجة احس ان حب العمر بيها بجد نست كل حاجة زعلتها فى يوم من الأيام ورجعتى زى زمان

يارب تبقى دايما بخير ونطمن عليكى ياحب العمر دايما وتبقى اسعد زوجة فى الدنيا ان شاء الله

تحياتى يافندم لحضرتك ولشخصك الكريم

ولو احتجتى اى حاجة فى اى وقت حاضرين على راسى من فوق وانا تحت امرك شخصيا

معالى المستشار