عايزه اى حد يقرا التوبيك يقول مبروك

[هبه اتش]

عارفه ياقمر
هو الخسران
والله مايستاهل دمعه واحده من دموعك تنزل عليه
وبجد لازم تبصي للامام وتفكري في نفسك وبس
محدش هاينفعك
على فكره انا كمان هابقى في نفس مكانك بس بعد 6 شهور
ولا فارق معايا لاني اول مابعدنا طلعته من قلبي
هو الموضوع هايبقى صعب عليكي شويه
بس لازم تبقى عندك اراده
اسمعي كمان:
لازم تقطعي علاقتك بيه وحتى مكالمات الموبايل دي امنعيها
هو كدا بيجرحك واحده واحده
وبعدين بيكلمك ليه هو عشان يقولك حاجه زي كدا؟
دا انسان مايستاهلش انك تضيعي لحظه من وقتك في النظر اليه
صدقيني لازم تفوقي لنفسك وهو هاياخد جزائه

ولا تعبريه

ومبروك ليكي لانك خلصتي منه دا حد مايستاهلكيش

[asmaa love ahmed]

الف مليون مبروك ليكى انتى ياقمر وبجد انا فرحانة انك خلصتى من واحد كان مايستاهل ابدا انه حتى يشوفك بس مش يكلمك كمان ده هو كان فى ايده هدية جميلة بس للاسف ضاعت منه وبارادته لانى اناحاسه انك طيبة ورقيقة جدا واحب اعرفك انه هيندم فيما بعد واسفه للاطالة تقبلى مرورى

[amaal t]

حاسه فيكي معلش ربنا يصبرك

[مووووش]

بصي يا حب العمر
انا على اد ما زعلت من اللي كتبتيه
على أد ما فرحت لنقطة اعتقد اغلب الناس مخادوش بالهم منها
انتي بتحبيه وهو اكيد كان بيحبك
لكن ظروف معينة حصلت جعلتكوا مدخلتوش في علاقة ارتباط جدي اللي هيا الزواج
دايما زي ما بيقولوا الزواج قسمة ونصيب
وانتي نصيبك مش معاه
لكن اكيد مع حد ان شاء الله يكون أفضل
وتحبيه أكتر منه
إوعي تقولي الحب الأول مش بيتعوض
لأ الحب بسهولة جدا بييجي لما تلاقي الشخص اللي تفهميه ويفهمك ويقدرك ويحب شخصك
وده ان شاء الله ربنا هيكرمك بيه
النقطة اللي فرحتني انك لسه على اتصال بيه وعلاقتكوا مش انتهت بزعل
وطالما ده موجود فده عامل كويس يخليكي تنسي بسرعه
ادعيله ربنا يهنيه ويوعدك بإنسان كويس وأفضل
ونصيحة مني
متفكريش فيه تاني
علشان الحياة مش بتتوقف على شخص واحد
تقبلي تحياتي

[حب العمر]

ميرسيه اوى يا هبه اتش
وبجد انا متشكرة على احساسك بيا
وربنا معاكى الفترة الجاية

[حب العمر]

ميرسيه جدا يا اسماع على ردك وكلامك الجميل ده
وربنا معاكى يا حبيبتى فى مشكلتك ويا ريت تطمنينى عليكى

[حب العمر]

ميرسيه جدا ياamaal t
وشكرا لاحساسك ومرورك الذى عطر صفحتى

[حب العمر]

ميرسيه جدا يا مووش على ردك
عايزة اقولك انى ما اعتقدش انى ناوية احب تانى مش احب حد لدرجة انها توصل انى احبه اكتر من الشخص اللى انا حبيته لانى عمر ما فى حد كان قريب منى زى حبيبى ولا انا استحالة هكرر التجربة ده تانى
وكمان انا مش لسه على اتصال بيه ولا حاجة بعد ما كتب كتابه بس بجد بتمنى اسمع صوته اللى كان ما بيفارقنيش

[حب العمر]

انا اسفة جدا يا معالى المستشار لانى ما قدرتش اغير توقيعى لان ده لسه احساسى اللى ما اعتقدش انه هيتغير بسرعة كده

[العاشقة المجروحة]

لا حول ولا قوة الا بالله
بصى انا هقولك الف مليون مبروك من قلبى
لانك خلصتى من واحد زى ده
وان شاء الله ربنا هيوفقك مع اللى يستاهلك وتستاهليه
وتاكدى ان اللى راح ميستاهلش اننا نبكى عليه لانه
مش من حقنا من البداية ولا احنا من حقه
وانا متأكدة انك هتتخطى كل ده باذن الله