بيقولوا عليّا شاعر..

[رضا محمود]

ليه دايما تبقى ساكت وتقاوم دمعتك راضى بحيرتك ونارك ومودّع ضحكتك مايقولوا عليك ويحكوا قول انك لسه شاعر ايه بس مسكّتك؟

معرفشي ليه..؟؟ رغم انّي بعشق الابتسام.. أنا ليه بيعصرني الألمْ..؟؟ وبرغم شوقي للكلامْ.. الصمت ليه بيلفّني.. بيضمّني..وياخدني ف بحور السُكات.. أندم على العًمر اللّي فات.. أرجع واعيش الذكريات.. معرفشي ليه..؟؟

[جمال الكون]

دائما كلماتك يااستذ رضا كلها نور ومعانى
ميرسى على التوبيك الرائع ده

[رضا محمود]

دائما كلماتك يااستذ رضا كلها نور ومعانى
ميرسى على التوبيك الرائع ده

ربنا يكرمك يارب ويبارك فيكي..
وكل سنة وحضرتك وكل حبايبك بألف خير وصحة...وسلمولي على مصر علشان وحشتني أوي..

تحيااااتي والورود..

[محسن البدراوى]

معزوفه جميله جداً
راقت لى
سلمت يداك
شعرت باننى ببستان من المعانى
ولحن راقى مغرد
لا عدمنا تواجدك
وجميل احساسك
ارى فيك الشعور الرقيق
فلا تحرمنا المزيد
دومت بألق
لك منى اطيب الامنيات
وبالتوفيق

[اميره بلا وطن]

معرفشي ليه..؟؟ رغم انّي بعشق الابتسام.. أنا ليه بيعصرني الألمْ..؟؟ وبرغم شوقي للكلامْ.. الصمت ليه بيلفّني.. بيضمّني..وياخدني ف بحور السُكات.. أندم على العًمر اللّي فات.. أرجع واعيش الذكريات.. معرفشي ليه..؟؟

عارف انت ليه؟
دا لان شعرك غيّرك
خلاك تحس انك حزين رغم ان كله مقدرك
حزنه البسيط جواك ولكن استحالة هيكسرك
عارف انت ليه؟
لإن صوت الشعر رافض فكرة انه هيخسرك
وعشان كده -إحساسه لسه محيّرك

[محسن البدراوى]

بيقولوا عليّا شاعر...
بتحكّم في المشاعر..
من كُتر ماقولتها....
بيقولوا عليّا قادر....
علي كل جراحي ..قادر..
وبداري الفرحة فيها.....وكأنّي رسمتها..
وبكايا واحساساتي...
أكبر كدبة في حياتي...
حرفين من كلمة حلوة..... بايديّة كتبتها..
وسطور عمري اللي راحوا..
ودموع قلبي وجراحوا....
بانسجهم من خيالي......بحروف دونّتها..
بيقولوا عليا شاعر....
بتحكم في المشاعر...
من كُتر ماقولتها.....
أيام عمري الجميلة....
مرّت في عيوني ليلة..
مأخدتش منها حاجة....اكتر ماادّيتلها..
ووصفت جراحي فيها...
بحاضرها...وبماضيها..
ملقيتش ثواني فيها....اتمني ارجعلها..
ولا ذكرى في يوم تاخدني...
واتمنى تبات في حضني..
واحلم لو يوم تيجيني....أو يرجع وقتها..
انا مهما تشوف عينيّة...
وتحس الشوق ايديّة..
واوصف احساس هوايا ...واتحكّم في الكلام..
لسة الحب في عينيّة...
أصعب احساس عليّا..
احساس مجروح بيصرخ....بيحايل في الآلآم..
لكن ..دايماً بغنّي....
مهما الاحساس فتنّي..
وافرح لو قالوا عنّي......كدبة وصدقتها..

بقلم....رضا محمود

لو قالو عليك شاعر
قلهم الشعر دا طينى
جسمى وتكوينى
بتحكم كتير اوقات
يملا فراغ الذات
لاكن شعورى بيه
يتحكم فى ماضيا
اكتب كتير اوراق
اجمع حروف وكلام
اشكى الوجع والأه
فتنور لياليا
شموع قايده بضلوعى
بكتبها بملو طوعى
احساس جميل اخاذ
وشعور مجاز لو جاز
بيطوف ف احلامى
فالاقاها قدامى
مرسومه ف البرواز
انسج حروفها معانى
واكتب سطورها اغانى
فتنور الفكره
قلمى قلم ولاد
بيخطط الاشواق
وسنين ويا فراق
اشكيلوا احزانى
يضحكلى من تانى
ويقلى اكتب بوح
بالسر والمعنى
فالغربه ليك وناس
ولحرفك انا حساس
وسلاحك القناص
لوحد قلك شاعر
قلوا الشعور فياض
والنبع لسه غزير
بيملا ف الاوراق