بيقولوا عليّا شاعر..

[رضا محمود]

بيقولوا عليّا شاعر...
بتحكّم في المشاعر..
من كُتر ماقولتها....
بيقولوا عليّا قادر....
علي كل جراحي ..قادر..
وبداري الفرحة فيها.....وكأنّي رسمتها..
وبكايا واحساساتي...
أكبر كدبة في حياتي...
حرفين من كلمة حلوة..... بايديّة كتبتها..
وسطور عمري اللي راحوا..
ودموع قلبي وجراحوا....
بانسجهم من خيالي......بحروف دونّتها..
بيقولوا عليا شاعر....
بتحكم في المشاعر...
من كُتر ماقولتها.....
أيام عمري الجميلة....
مرّت في عيوني ليلة..
مأخدتش منها حاجة....اكتر ماادّيتلها..
ووصفت جراحي فيها...
بحاضرها...وبماضيها..
ملقيتش ثواني فيها....اتمني ارجعلها..
ولا ذكرى في يوم تاخدني...
واتمنى تبات في حضني..
واحلم لو يوم تيجيني....أو يرجع وقتها..
انا مهما تشوف عينيّة...
وتحس الشوق ايديّة..
واوصف احساس هوايا ...واتحكّم في الكلام..
لسة الحب في عينيّة...
أصعب احساس عليّا..
احساس مجروح بيصرخ....بيحايل في الآلآم..
لكن ..دايماً بغنّي....
مهما الاحساس فتنّي..
وافرح لو قالوا عنّي......كدبة وصدقتها..

بقلم....رضا محمود

[حرف مشتعل]

بوركت الانامل التى تسكب الجمال

دامت احرفك المبدعه

[رضا محمود]

بوركت الانامل التى تسكب الجمال

دامت احرفك المبدعه

عزيزتي...الغالية....
بل بورك هذا الحرف المتوهج ..المشتعل الذي يترجمه قلمك المبدع علي صفحتي المتواضعة...بكلمات غاية في البساطة لكنها عميقة عمق الروح في الجسد..
أسعدني مرورك العاطر....
تقبلي ودي وتقديري..

[العاشقة المجروحة]

الشاعر انسان بيحس وبيحب
وبيفرح وبينجرح وبيحزن زى اى حد وبيترجم
مشاعره فى كتاباته وبيسردها على الملاء
وده افرق بينه وبين اى حد تانى
وحشتنى بجد كلماتك ووحشنى اسلوبك
يسلم احساسك
وتسلم روحك الجميلة دى
تقبل تحياتى

[هبه اتش]

مااروع كلماتك
دمت متألق اخي رضا
تقبل تحياتي العطره

[رضا محمود]

الشاعر انسان بيحس وبيحب
وبيفرح وبينجرح وبيحزن زى اى حد وبيترجم
مشاعره فى كتاباته وبيسردها على الملاء
وده افرق بينه وبين اى حد تانى
وحشتنى بجد كلماتك ووحشنى اسلوبك
يسلم احساسك
وتسلم روحك الجميلة دى
تقبل تحياتى

الله......طيب بعد الكلام الجميل ده...هاقول انا ايه دلوقت؟؟؟

ياأرق من رأت عيني من البشر....لا أدرى..كثيراً ما أتخيلك كالطفلة بقلبك الطاهر النقي..وروحك العذبة ..وخفة ظلك ..ورشاقتك في الكلمات والتعبير..و كانك نسمة من الجنة فيها كل السحر والعذوبة...او فراااشة بريّة تتخايل بألوانها الراائعة...التي تسحر العقول وتخطف القلوب..
ولا تكتمل سعادتي أبداً علي كل مشاركة أنشرها..الاّ
اذا أشرقت صفحتي بنور كلماتك ...وارتوت من فيض احساسك الرااقي..
تقبلي مني أسمى أمنياتي لك بالسعادة والحب الصادق

[رضا محمود]

مااروع كلماتك
دمت متألق اخي رضا
تقبل تحياتي العطره

اختي الغالية....

هبه اتش

لي الشرف ان يمر عبيرك الفواح من خلال مشاركتي المتواضعة...ليزيدها سحراً وبريقاً في كل العيون..
يسلم احساسك..ورقة تعبيرك...
تقبلي تحيااااااااااااااتي..

[دره]

الله الله الله
دوما تبهرنا باروع ما يسطر
تحيه خاصه لجمال اسلوبك

[رضا محمود]

الله الله الله
دوما تبهرنا باروع ما يسطر
تحيه خاصه لجمال اسلوبك

ربنا يخليكيي يارب ياأسماء...
وبجد انتي وحشتينا جدا....ونورتي كلامي البسيط المتواضع..الذي لا يكون له طعم ولا يسمع له صدى الاّ بمروركم العاطر...
تقبلي تحياتي العاطرة

[هيما الطاير]

بيقولو علية شاعر
استهلال جميل لكلمات اْجمل من شاعر المنتدى المتاْلق
دام لنا قلمك واحساسك الراقى
تقبل مرورى