دلوقتي راجع تعتذر..؟؟؟

[رضا محمود]

لما عرف انه غلط في حقها وجرحها ..راح وهوة شايل ذنوبه علي كتافه حمل أثقل من الجبال..وراح يعتذر...فما كان منها..الاّ ان نظرت اليه بعيون باكية ..وقااااااااااالت..

دلوقتي راجع تعتذر..؟؟؟؟
تشكي ظروفك والقدر..؟؟
طبعك غريب..امرك عجيب..
ولا شوفت زيك في البشر..
جرح المشاعر لعبتك..
والقرب منك شيئ خطر..
كسرت قلبي بقسوتك..
وكسبت ايه لما انكسر..
هانت عليك العشرة ليه؟؟
أنا يعني كنت عملت ايه؟؟
يابو قلب أقوى من الحجر..
راجع تعيد الذكريات...؟؟
بتصحي شيئ جوايا مات..؟؟
دار الزمان والوقت فات..
كل اللي كان...راح وانتهى..
انا كنت ليك ..وما بين ايديك..
كان فين حنانك وقتها..؟؟؟
لا عرفت طعم الحب ايه..
ولا كلمة حلوة سمعتها..
ضاعت سنيني معاك هدر..
وبرضه راااجع تعتذر؟؟؟

بقلم....رضا محمود

[دره]

وهو هيرد

ايوه راجع اعتزر
وبتمنى تسامحينى
ومن قلبى وحشتينى
اللى ظلم واللى جرح
قلب فى الدنيا اتجرح
وراجعالك
وبقولك من قلبى سامحينى
سامحى قلب ليكى عاش
ولما سافر و اتظلم
لكيى ظلم
وبحق حبى وحنينى
اتمنى تسامحينى

سامحنى على الكلام الركيك
بس قصده رائعه بجد
خالص تقديرى

[رضا محمود]

وهو هيرد

ايوه راجع اعتزر
وبتمنى تسامحينى
ومن قلبى وحشتينى
اللى ظلم واللى جرح
قلب فى الدنيا اتجرح
وراجعالك
وبقولك من قلبى سامحينى
سامحى قلب ليكى عاش
ولما سافر و اتظلم
لكيى ظلم
وبحق حبى وحنينى
اتمنى تسامحينى

سامحنى على الكلام الركيك
بس قصده رائعه بجد
خالص تقديرى

ألهبتي المشاعر ..وايقظتي الاحساس...طيب ايه رأيك لو رد عليها وقالها....

حاولت ابعد...

حاولت ابعد.....ومقدرتش...
سجنت الذكرى جوايا...
وقولت يومين.... وهيعدّوا..
ويمكن بكرا... أو بعده...
يموت احساسي بهواكي....ويقدر قلبي ينساكي..
لقتني اشتقتلك أكتر.....
وبحلم بيكي وبفكّر.....
في أي طريقة تجمعنا....
ومهما ظروفنا تمنعنا...
أعدّي الصعب واوصلك...
وآديني رجعتلك تاني.....بنفس الحب واللهفة..
كلام الشوق علي لساني...
ولو سامعاني أو شايفة..
تلاقي مشاعري سابقاني...
مشاعر صادقة..مش زايفة..
بحبـــــــــــك.....
بحبك حتي وانا عارف....
بأن طريقنا مش واحد..
ومهما هربت من حبك.....
بنرجع تاني نتعاااهد..
لأني حاولت كاااااااام مرة.....ومقدرتش..

مع تحياااااتي...رضا محمود

[jokata]

بجد قصيدة حلوة ومليئة بالاحساس الصادق
تسلم ايدك
تقبل مرورى البسيط

[رضا محمود]

بجد قصيدة حلوة ومليئة بالاحساس الصادق
تسلم ايدك
تقبل مرورى البسيط

يافندم ..حضرتك نورتي وشرفتي ..كلامي البسيط المتواضع...
ربنا يقدرني واكون عند حسن ظنكم ياااااااااارب...
شكراً لمرورك العاطر..

[العاشقة المجروحة]

أحزانى منك كسرانى
ومفيش بعدك كلام تانى
وبقولك ابعد وانسانى
ومتجيش فى يوم تترجانى
انا عمرى مهقبل اعتذار
من قلب كان جرحه مرار
كان حبه نار وجرحه نار
مبقاش بإيدى الإختيار
مبقاش فى قلبى مكان لهواك
وعمر دمعه ماترجاك
ده بس نادم انه لقاك
مبقاش يفيد الاعتذار
وقبولى ليه اصعب قرار

سيدى أعذر بوح قلمى
فهذا نتاج نزيف قلمك
الساحر
فتقبل تحياتى ومرورى

[رضا محمود]

أحزانى منك كسرانى
ومفيش بعدك كلام تانى
وبقولك ابعد وانسانى
ومتجيش فى يوم تترجانى
انا عمرى مهقبل اعتذار
من قلب كان جرحه مرار
كان حبه نار وجرحه نار
مبقاش بإيدى الإختيار
مبقاش فى قلبى مكان لهواك
وعمر دمعه ماترجاك
ده بس نادم انه لقاك
مبقاش يفيد الاعتذار
وقبولى ليه اصعب قرار

سيدى أعذر بوح قلمى
فهذا نتاج نزيف قلمك
الساحر
فتقبل تحياتى ومرورى

كدة كدة.....ماشي ياأرق احساس...
طيب خدي دي بقا..واستحمليها..(..علي فكرة...دي مجرد رد من سياق الحوار...)
ماتستاهليش

ماتستاهليش دموع العين
ولا لحظة أعيشها حزين
ما تستاهليش أعيش ندمان
واضيّع عمري شوق وحنين
خدعتيني... وصدقتك
مشيت ورا قلبي وعشقتك
وف الآخر يكون ردك
تقولي هواك ما يلزمنيش
واقولك ايه؟؟؟؟؟
ما تستاهليــــش....

اوعي تزعلي....انتي غالية عندي أوي والله....بس انا برد علي كلماتك...

[العاشقة المجروحة]

كدة كدة.....ماشي ياأرق احساس...
طيب خدي دي بقا..واستحمليها..(..علي فكرة...دي مجرد رد من سياق الحوار...)
ماتستاهليش

ماتستاهليش دموع العين
ولا لحظة أعيشها حزين
ما تستاهليش أعيش ندمان
واضيّع عمري شوق وحنين
خدعتيني... وصدقتك
مشيت ورا قلبي وعشقتك
وف الآخر يكون ردك
تقولي هواك ما يلزمنيش
واقولك ايه؟؟؟؟؟
ما تستاهليــــش....

اوعي تزعلي....انتي غالية عندي أوي والله....بس انا برد علي كلماتك...

هههههههههههههههههههه
ماااااااااااشى مش زعلانة بس اسمحلى أرد عليك

ويعنى انت اللى تستاهل؟؟؟؟
مابعت هوانا بالساهل
وعايز ترجعلى
وبالساهل اقولك
حبيبى انا مسمحاك
وأنسى جراحى وألامى
وألملم كل احزانى
وأرجع ليك من تانى
ياعم ابعد انا نسياك
ومش عايزاك
خلاص مبقتش تستاهل

هى شكلها كدة قلبت خناقة بعد مكان رايح يعتذر
ههههههههههههههههههه

[رضا محمود]

هههههههههههههههههههه
ماااااااااااشى مش زعلانة بس اسمحلى أرد عليك

ويعنى انت اللى تستاهل؟؟؟؟
مابعت هوانا بالساهل
وعايز ترجعلى
وبالساهل اقولك
حبيبى انا مسمحاك
وأنسى جراحى وألامى
وألملم كل احزانى
وأرجع ليك من تانى
ياعم ابعد انا نسياك
ومش عايزاك
خلاص مبقتش تستاهل

هى شكلها كدة قلبت خناقة بعد مكان رايح يعتذر
ههههههههههههههههههه

هههههههههههههه...طيب اعمل ايه في خفة دمك دي...
بس انا قبلت التحدي.....وهاقولك...خدي دي بقا..(وده برضه رد من خلال سياق الحوار ...)طالما عاوزانا نتخانق..ههههههههه

مش راجعلك......حتي لو مقدرتش انسي...مش راجعلك..
لو فرشتي كل خطوة من طريقي بالشموع..
لو ناديتي بأعلى صوتك....تطلبي مني الرجوع..
حتي لو تبكي عيونك....ألف بحر من الدموع..
عارفة لو قلبي يسامحك....هاقتله بين الضلوع..
مش راجعلك...
راجعة تاني..توعديني بالسعادة ألف وعد؟؟....
ترسميلي من خيالك...حب عمره ماشافه حد؟؟
ارحمي نفسك كفاية.....مستحيل هتلاقي رد..
قولتهالك م البداية....احنا مش هنكون لبعض...
مش راجعلك..
لو قضيتي العمر كله ف انتظااار....
لو نجوم الليل ..هيحضنها النهار..
لو تتوه الشمس أو تنسى المدار..
حتي لو هيخروني ..بين حياتي..وبينك انتي.....
مش هفكر في اختيار..
ولأني رافض اعيش في دنيا انتي فيها....
قربي منك... يبقى معناه انتحاااااااااار..
مش راجعلك....


مع أرق وأعذب تحيااااااتي...واسف والله علي الرد...(طبعا دي مساجلة شعرية بيني وبينك...وحنا قبلنا التحدي..)

[هيما الطاير]

رضا
ايه الاْلق والجمال والروعة دى
بجد جميل جدا ورائع
تسلم ايديك ياحبيبى