مرتاحة بعدى

[المستشار محمد]

مرتاحه بعدى..


مع اللى بعدى..


معقول قابلتى حب قدى..


وعرفتى تدى..


وعرفتى تاخدى..


وعرفتى تبقى مش بتاعتى..


رضيت عينيكى تشوف وتبص..


وافقت ايديكى تحس بلمس..


قدر عليكى بشوية همس..


أنا كنت فاكرك ليا وبس..


ماتنكريش..بقى ليكى غيرى..


خلينى أعيش..مرتاح ضميرى..


أنا علمت مشاعرك تعشق..


وتدوق حبى لحد ماتغرق..


قلبك بعد خصامى ماصدق..


أول قلب نداه ..أتعلق..


نسى أيامى وأحلى غرام..


ساب الماضى وجرى قدام..


باعنى عشان حبة أوهام..


وأنا متعلق ف الاحلام..


أتحبيتى وأنا موجود..


ورضيتى بكلام ووعود..


قلبك وافق يدى عهود..


موتينى.. وأنا موجود..


حبك قدى..


وعرف يدى..


سحب ازاى ايدك من ايدى..


يملك قلبى..


يعرف حبى..


ازاى ممكن بعدى تحبى..


قولى أنا بحلم..قولى كابوس..


عايشه بحبك..ومخونتوش..


قولى حبك..مانسيتهوش..


قولى التانى.. ماحبتهوش..


كدبه أخيره كمان بالمره..


تسعد قلبى لآخر مره..


ويموت على وهمه بأخلاصك..


وأنتى بعدى....تبقى حره..

[العاشقة المجروحة]

اللى يعمل كدة يبقى اكيد محسش
محبش معرفش يعنى ايه حب واشتياق
ربنا يسامح القلوب القاسية
سلمت يداك معالى المستشار

[المستشار محمد]

السلام عليكم

تسلمى يارب يافندم

على ردودك على مواضيعى الجميلة الرائعة

تحياتى لزوقك

المستشار محمد

[اسماء حمدى]

الله الله الله اللــــــــــــــــــــــ ــــــــــــــــه
بجد روعة
بجد تحفة
بجد عجبتنى مووووووووووووت
تسلم يا معالى المستشار
اكيد دى من حد موجوع قووووووووووووى
كان اللهه فى عونة

[المستشار محمد]

السلام عليكم

تسلمى انتى يافندم لزوقك الجميل فى الرد عليا

موجوع دى كلمة شوية على احساسى اللى فى قلبى

الحمد لله رب العالمين هى الدنيا كده اسماء

تحياتى يافندم لزوقك وردك عليا

معالى المستشار

[حرف مشتعل]

كلمات رائعه تدمع العين
تنحنى الكلمات اروعتها
خالص ودى

[حب العمر]

بجد انا حاسة بكل كلمة حضرتك كتبتها وعارفة اد ايه انت موجوع ومخنوق ربنا معاك
بس لازم تحاول تنشغل شوية فى اى حاجة لازم حاجة تخليك تنسى
واوعى تفكر انك تنسى حب بحب لان ده اكيد هيبقى ظلم للبنت التانية الا اذا كان حب بجد
بجد البنت اللى تعمل كده ما تستاهلش
الانسان اللى يتخلى عن حد محتاجاله ما يستاهلش نبكى عليه