امريكا اتجننت يا جدعان !!!!!!!!!!!!!!!!!!

[ايسل]

ليه كده يا امريكا ليه تعصبى البشوات بتوعنا ازاى تغلطى الغلطه دى انتى اتجننتى

تدخلى فى شؤن مصر الداخليه يالهوووووووووووى ياخراشى يا دهوتى

فى خط احمر يا حبيبتى يا امريكا اومال ايه فكراها سيبه تقولى نعادى حماس نقولك حاضر

تقولى نكره الشعب المصرى فى حزب الله نقولك حاضر ناخد فى سكتنا ايران وانتشار

المذهب الشيعى ونطلع المهللين بتوعنا يشتموا ويهتفوا ضد الهلال الشيعى نقولك ماشى تقوليلنا نحاصر غزه ونقطع عنهم الاكل والنفس بردوا حاضر نبنى جدار العار نبنيه ومالو

تقولى ممنوع قطع الغاز على اسرائيل من عينينا لكن تقولى مراقبين على الانتخابات

بس استوب ولا كلمه ولا همسه ممنوع يا قمر

ترالالالالالالا ترالالالالالالالا وهنا نتذكر كرامة مصر لن نسمح لاحد بالتدخل فى شؤننا

غير مسموح وهوبا فى لحظه هنقلب عليكى الشعب وهنفرشلك الملايه اومال ايه

هنفكرك ونقولك عايزه ايه يا امريكا روحى شوفى اللى عملتيه فى العراق وفى افغانستان

واسرائيل اللى بتدلعيها وسجن ابو غريب ياحبيبتى اوعى تنسى ها نكمل ونقول كمان

ولا تلمى نفسك اصلك مش عارفه انتى وقعتى فى حاره سد لمى نفسك احسنلك

ومتدخليش فى الانتخابات الا الانتخابات

فهمتى ولا نقول كمان متهيألى فهمتى

يلا نفوتك بالعافيه يا امريكا يا قمر انتى

[عفريت أفندى]

كرامة مصر و شئونها الداخليه بتظهر لما النظام بيحتاجها

لكن لما الشعب يحتاجها >>>>> لا حياة لمن تنادى

و هتيفة النظام و المنتفعين و أصحاب المصالح أصواتهم تملى كل مكان

إذاعه تليفزيون صحافه و بيرددوا جمله واحده ( التدخل فى شئون مصر الداخليه )

و صبااااااااااح الخير يا مصر

تسلمى على طرحك للموضوع و توضيح الأمور يا ايسل

[الحريه]

غير مسموح وهوبا فى لحظه هنقلب عليكى الشعب وهنفرشلك الملايه اومال ايه

كنا فرشنالهم الملايه
عشان نفرشها لامريكا

كرامة مصر و شئونها الداخليه بتظهر لما النظام بيحتاجها
تمام كده

شكرا ايسل ع الموضوع

[ايسل]

إذاعه تليفزيون صحافه و بيرددوا جمله واحده ( التدخل فى شئون مصر الداخليه )

تحس ايه بقى يا وليد انهم افتكروا فجأه كرامة مصر وأذ فجأتا كده والله حاجه تضحك

تسلم حكيم لمرورك وردك

[ايسل]

كنا فرشنالهم الملايه
عشان نفرشها لامريكا

مش احنا يا حريه اللى هنفرش الملايه لامريكا وثم هى فين الملايه اللى هنفرشها هما خلو حيلتنا حاجه انا اقصد على الهتيفه وكتاب السلطان ومذيعين الملك وسياسين مالهمش فى السياسه اصلا هما اللى هيفرشوا لامريكا الملايه وقت ما يحبوا يقلبوا الشعب عليها فى ثوانى
يدوسوا على الوتر الحساس عند المصريين كرامة مصر غير كده تلاقيهم سكتم بكتم

نورتينى الحريه حبيبة قلبى

[دره]

ههههههههههههه
بصراحه بقى مش عارفه اقول ايه من كتر الضحك
تسلمى يا ايسل

[ايسل]

ههههههههههههه
بصراحه بقى مش عارفه اقول ايه من كتر الضحك
تسلمى يا ايسل

اه والنبى يا اسماء يا اختى حاجه تفطس من الضحك
فاكرنا هبل
شكرا لمرورك سومه حبيبتى

[هشام اللول1]

واحنا بردوا بنصدق المسلسلات دي
امريكا لو عايزه تتدخل في موضوع الانتخابات
هتتدخل .. تقدر تضغط علي حبايبا المسئولين
بقطع المعونات عنهما
ورفع الحمايه ليهم

انتي نسيتي يا ايسل ان امريكا هي الوصي
علي مصر وكل الدول العربيه
لما حبايبا المسئولين يتخلصوا ويحرروا نفسهم
من فرض الولاء والطاعه لامريكا وقته
يقدروا يقولوا لامريكا لا

وهي امريكا مش يخصه التزوير في الانتخابات
امريكا شغاااااااااااله مع اي نظام
اهم حاجه النظام اللي جاي يقدم فروض الولاء والطاعه له

شكرا علي الموضوع يا ايسل
وبلاش نصدق المسلسلات العربيه القديمه دي




بارك الله فيكي وحفظك ورعاكي
دمتي بخير وسعاده وصحه وراحه بال