قهوتنا على الانترنت
ابحث عن :  
النتائج 1 إلى 3 من 3
  1. افتراضي احتراق الانسان الذاتي......Spontaneous human combustion........ايه بقى الحكايه ؟؟؟




    بس هوه ده بقى الموضوع اللي بتكلم عنه...........يعني ايه بقى احتراق ذاتي ؟؟
    و ايه هيا الحكايه ؟؟ ازاي احتراق ؟؟ و ازاي ذاتي ؟؟ و يعني ايه اصلا ذاتي ؟؟
    و هل الحكايه خطر اوي كده ؟؟




    تعالو نعرف




    الاحتراق الذاتي معناه و بكل بساطه




    ان جسم الانسان يحترق ذاتيا من الداخل بدون وجود اي مصدر خارجي للحراره و هوه ده معني ذاتي



    الحريق ده بيتميز انه بيحول الجسم لرماد في دقائق معدوده و بيسيب بس شويه عظام و بقايا من الاطراف ......يعني بتفضل ف الاخر الايدين او الرجلين ف االغالب




    زي ما الصوره بتبين




    يعني بالبلدي و من غير كلام مكلكع



    حريق ولعته منه فيه........ههههههههههههههههه



    تبقى قاعد كده لا بيك و لا عليك تولع يا معلم و تشعلل



    هههههههههههههههههه




    طبعا انا بهزر ........بحاول بس ابسط الحكايه خااااااالص




    الحكايه اكيد مش بالبساطه دي



    يعني ده مش هيحصل .....مش هتبقى قاعد كده و فجاه تولع كده




    على فكره الاحتراق الذاتي ده لغز جااااااامد جدااااااا و محير يمكن اكتر من حاجات كتير مشهوره



    و احتار العلماء بجد ف تفسيره و لحد الان مفيش راي مرجح فيه بشكل قاطع




    لكن الشيئ الاكيد انه مش بيحصل ببساطه كده




    و بيحصل تحت ظروف خاصه ونادره جدا.............هوضحها لاحقا




    فكره الاحتراق الذاتي اساسا ظهرت للوجود من خلال العثور على وقائع و حوادث احتراق كتير عجيبه جدا ملهاش تفسير منطقي



    من هنا طلع العلماء بالمصطلح ده




    ازاي بيحصل بقى الحريق ده ؟؟ وايه مميزاته ؟؟ و مببراته ؟؟




    ده اللي هنشوفه سوا في الحبه الجايين




    لكن الاول .............العجيب ف الحكايه دي ان و لا واقعه من حوادث الاحتراق اللي حملت شبهه الذاتيه كان عليها شهود او تسجيلات.......او حتي نجا اصحابها عشان يحكو الي حصل



    الواقعه الوحيده المسجله و اللي نجت صاحبتها عشان تحكيها




    تم بالبحث و الدراسه التاكيد على انها مكنتش احتراق ذاتي و تم بالفعل العثور على تفسير منطقي و علمي ليها




    الحادثه كانت لسيده من بروكسل اسمها اديل..........فجاه لقت شعله خارجه من جيبها و حست بنار جامده بتحرق رجلها




    بالبحث و الدراسه اتعرف بعد كده ان جيبها كان فيه اجسام تحمل بقايا عنصر الصوديوم و كان فيه منديل مبلل




    و من خواص الصوديوم الكيميائيه انه باختلاطه بالماء بيشتعل و يصدر شرار




    يعني ف الاخر تبقى لنا وقائع و حوادث بلا شهود .........تاركه خلفها اطنان من علامات الاستفهام




    لكن العلماء برضه مسابوش الحكايه كده



    درسو كل الوقائع و الحوادث



    و فحصو كل حاجه فيها



    و خرجو في الاخر بعدد من التفسيرات




    التفسير الاول




    ف القرن السابع عشر باوروبا.......شخص الاطباء الاحتراق الذاتي و عللوه بشرب الكحول



    لكن التفسير ده غير صحيح اطلاقا



    في الحقيقه انه كان بهدف تخويف الناس عشان يقللو من شرب الكحول مش اكتر



    لكن بالتجربه و البحث تبين ان لو فيه حاجه اتغمست في الكحول و احترقت فهيا هتتحرق من الخارج لانها محتاجه للاكسجين الي موجود ف الخارجه لكنها هتبقى سليمه من الداخل



    يبقى حتى لو كان الانسان شرب كحول عمره ما هيتحرق لانه محتاج لاكسجين اللي يبقى موجود خارج جسم الانسان بوفره




    التفسير الثاني



    ظهر من خلال الفيزياء النظريه و بالبحث فيما حدث في هيروشيما بعد القاء القنبله النوويه



    تم التوصل الي انه ممكن ان الجسم يجف تماما من الماء و يتحول لرماد لو اتعرض لطاقه هائله جدا قادره على فعل هذا



    و تتواجد هذه الطاقه في جسيمه صغيره جدا .........اصغر من الذره اسمها بايروترون



    الجسيمه دي تنطلق عبر الكون من غير ما تتشاف لانها صغيره جداااااا




    و هذه الجسيمه لو اخترقت الجسم هيبقى ليها ردود فعل عديده تطلق كميات هائله من الطاقه قادره على تحويل الجسم لرماد جاف



    لكن للاسف النظريه ديه محدش قدر يثبتها او يثبت وجود الجسيمه دي



    يعني برضه كل ده افتراضات نظريه مش اكتر بل ان العديد من العلماء قالو ان الجسيمه دي اسطوره لا اساس لها من الصحه و انها محض خيال




    التفسير الثالث




    خرج بيه عالم يوناني.........بيقول ان مصدر الطاقه ف الجسم هوه عباره عن سلسله من التفاعلات النوويه داخل خلايا الجسم



    و في بعض الاحيان ممكن تخرج التفاعلات دي عن السيطره و تطلق طاقه هائله تؤدي للاحتراق



    ازاي بقى بتخرج التفاعلات دي عن السيطره ؟؟



    تمكن العالم ده من التوصل لمثال بسيط اوي



    اخد مقياسه ف البحث هوه نسبه البوتاسيوم ف الدم لانه بينتج نتيجه تفاعل انصهاري ف خلايا الدم



    العالم ده عرض نفسه لتيار كهربي من شانه انه يزيد من كميه الانصهار دي



    و بالفعل عمل تحليل للدم واكتشف ان فعلا نسبه البوتاسيوم ارتفعت من 3.7 الي 3.8 بعد التعرض للتيار الكهربي




    طبعا التجربه دي بسيطه اوي



    لكنها بتثبت المبدا



    انه باي وسيله كانت ؟؟ لو خرجت التفاعلات النوويه ف الخلايا عن السيطره ممكن تطلق طاقه هائله




    التفسير الرابع




    هيا ظاهره مناخيه كانت محل جدل و سخريه لوقت طوويل جدااااااااا و هيا ظاهره نادره جدااااااااا



    لكن تمكن بعض العلماء من اثبات صحتها و القول بانها هيا من المحتمل ان تكون سبب حوادث الحريق الغامضه



    الظاهره دي هيا عباره عن كرات مكهربه طائره تتحدي الجاذبيه و تختفي كما تختفي فقاقيع الصابون تنتج نتيجه حدوث البرق




    الكرات دي بتنتج نتيجه تكور البلازما الناتجه من حراره البرق العادي




    يا جماعه التفسير ده عباره عن نظريه افتراضيه ما زالت محل بحث و دراسه عشان محدش يقولي ايه التخريف ده ؟؟ برق ايه ؟؟ و كرات و بلازما ايه ؟؟




    الحكايه دي لسه العلماء بيعملو عليها تجارب و كل الي وصلوله هوه انهم قدرو يكونو كرات صغيره مش بتعيش اكتر م دقيقه واحده و تختفي




    لكن بيفرضو ان" الكرات التي تبرق" دي ممكن تكون هيا السبب ف اللي بيحصل ف حوادث الاحتراق العجيبه



    لانها بتبقى مصدر طاقه رهيب



    و ف حالات نادره جدا تم مشاهده بالفعل كرات البرق دي



    يعني مش عشان اول مره نسمع عن حاجه تبقى خرافات او وهم



    ممكن تبقى هيا موجوده بس احنا منعرفش...........شئ وارد جدا




    التفسير الخامس و الاخير



    انا عارف ان كتييييير منكم و يمكن كلكم بيعتبر كل اللي فات ده عباره عن هذيان و تخريف



    و انا معاكم ع فكره



    بس و الله ده مش كلامي.........هقول المصدر اللي جايب منه الكلام ده يبقى ايه ف الاخر



    لكن مش معني اني بنقل الكلام ابقى مقتنع بيه



    لا



    لكن اخر تفسير ده هوه اهم واحد و اللي اتفق الكل على انه بالفعل سبب منطقي و معقول جدا



    يعني اللي كان بيقول عليا مخرف او بهذي.......يستني بس لما يسمع التفسير ده



    الحكايه ببساطه تتلخص في "مفعول الفتيل"



    يعني ايه بقى ؟؟



    طبعا كلنا عارفين الشمع ؟؟



    عباره عن فتيل طويل مغروس في عامود من الشمع



    الفتيل بيشتعل و الشمع بيحافظ ع الشعل دي لفتره طويله جدا



    صح ؟؟



    تخيل بقى ان جسم الانسان ممكن يبقى زي الشمعه ؟؟



    ازاااااي ؟؟



    الهدوم اللي بيلبسها الانسان بتبقى زي الفتيل ........و دهون جسمه بتحل محل الشمع



    يبقى لو حصل اي حريق او شراره و كان فيه سبب يمنعك انك تحس بالحريق ده-مغمي عليك مثلا- هفضل تتحرق و النار تاكل في الدهن و توصل للحم كمان زي الشمعه بلظبط



    بس ايه المشكله بقى ف التفسير ده ؟؟



    انه محتاج ثلاث عوامل عشان يقدر يفسر الحرائق الغريبه دي



    اول عامل .......مصدر الحراره



    تاني عامل..........هوه انا مش هحس لو ايدي اتحرقت مثلا ؟؟ او حته ف جسمي ولعت ؟؟ و هفضل سايبها لحد ما اموت محروق ؟؟



    تالت عامل .........طب هو لو فرضنا و اول عاملين حصلو........معقول الحريق يقدر ياكل الجسم كله كده حتي العضم ؟؟



    هنا نيجي بقى للظروف النادره جدا اللي قلت هوضحها لاحقا



    في كتير من الحوادث و بالبحث و التحري




    تبين ان الضحايا كانو كلهم بيشتركو ف صفات معينه



    مدخنين........و كبار ف السن بما يعني ان عندهم هشاشه عظام



    يعني ايه بقى ؟؟



    التدخين اعتقد سبب قوي ينفع كمصدر للحراره



    و هشاشه العظام سبب مقنع ايضا لان الحريق يقدر ياكل حني العضم



    طب و تاني عامل ؟



    الاحتراق من اهم نواتجه غاز اول اكسيد الكربون



    و هو غاز سام بيسبب فقدان الوعي و احيانا بينتج بسرعه جدا ف ظروف معينه للحريق



    يعني و من الاخر ؟؟



    عشان تحصل حادثه حريق غامضه زي اللي بنحكي عنهم ؟



    لازم تبقى



    1-مدخن



    2-كبير ف السن و عندك هشاشه ف العظام



    3-وحيد



    يعني عمرك ما هتلاقي مثلا لعيب كوره بيولع لوحده ف الملعب ؟؟



    عمرك ما هتبقى قاعد في وسط اهلك و فجاه كده تولع



    هوه ده اللي قصدته ف الاول ان الحكايه مش مخيفه اوي كده ومش بالبساطه دي



    و بتتطلب ظروف خاصه جدااااااااااا



    بس ؟؟



    هيا دي حكايه الاحتراق الذاتي



    بس حاجه مهمه اخيره



    كل اللي فات ده اجتهادات علماء مش اكتر



    يعني ممكن يبقى فيه سبب خفي احنا منعرفوش



    و ممكن تبقى الحكايه مخيفه فعلا............بس جهلنا بيها مخلينا مطمنين للي توصلنا ليه و انه الحكايه بسيطه



    كل الاحتمالات وارده...........و بقـــــوه



    ملحوظه


    التوبيك ده انا مش ناقله من اي موقع عالنت او حاجه............التوبيك ده انا مفرغه من فيلم وثائقي عندي بيتكلم عن الاحتراق الذاتي .........حتي اغلب الصور واخدها من الفيلم نفسه مباشره



    ارجو انه يكون عجبكم

    و مستني .........تفاعلكم معايا

  2. افتراضي

    موضوعك جميل جداااااااااااا
    ومجهودك فية رائع قدرت توصل من الفيلم الوثائقى الابحاث على مر السنين فى دقيقتين
    انا عمرى بصراحة ما سمعت عن الاحتراق الذاتى دة
    بس انا بحب المعلومات العلمية المثيرة للدراسة
    مجهود عظيم وبارك الله فيك
    سلمت يداك

  3. #3
    تاريخ التسجيل
    13 - 4 - 2010
    ساكن في
    القاهره
    العمر
    43
    المشاركات
    32,826
    النوع : ذكر Egypt

    افتراضي

    سلمت
    هذه الايادي
    على المجهود
    والمعلومه الرائعه
    العذبه
    دمت بوافر الصحة
    والعافية

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ***قـصـة إنسان HUMAN story ***
    بواسطة rodi في المنتدى قصص وحكايات وروايات
    مشاركات: 12
    آخر مشاركة: 18 - 3 - 2012, 08:01 AM
  2. متي يبكي القلب؟؟؟
    بواسطة lenasalman في المنتدى كلام في الحب
    مشاركات: 6
    آخر مشاركة: 21 - 3 - 2011, 02:30 AM
  3. سيدتي !! ماذا تريد ؟؟؟
    بواسطة محيى زقزوق في المنتدى ابداعات اعضاء مصراوي كافيه
    مشاركات: 51
    آخر مشاركة: 2 - 12 - 2010, 06:34 PM
  4. دلوقتي راجع تعتذر..؟؟؟
    بواسطة رضا محمود في المنتدى ابداعات اعضاء مصراوي كافيه
    مشاركات: 28
    آخر مشاركة: 28 - 11 - 2010, 10:54 PM
  5. استقامتي .. أين أنتي ؟؟؟
    بواسطة طيف عابر في المنتدى طيف عابر
    مشاركات: 17
    آخر مشاركة: 31 - 8 - 2010, 11:15 AM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©