أولا بارك الله فيك يا أحمد عمــر
ثانيا أنا ليا تعليق علي القصــة دي
دين الإسلام هو ديـن حنيف .. و هو دين يســر
و كلنــا عارفيين كده، و مع تغيــر الزمن و تطور الأحداث
لازم إحنا كمسلمين إننا نواكب التطورات بس في حدود دينا الحنيف
الأخ اللي بيحكي القصــة .. بالصراحة معرض الموضوع حبتينأنا من رأيي الخاص يعني .. إن ده أسلوب غلط في غلط
( عدم النظر للشخص المتحدث معي حتي لو كانت مرأة )
لان فعلا بعد الأسلوب ده .. حيتقال علينا أكتر من اللي البنت قالته
هو طبعا كلام الأخ اللي بيحكي و اللي شرح ازاي المرأة في دين الإسلام فعلا واخدة احترامها جدا
و احنا كمسلمين بنحترم طبعا المرأة
بس مش بالصورة اللي هو كان مصورها دي
مش معني كده انه ميبصش للي بيكلمه أي كان
دا طبعا سوء فهم فظيع و إن دي فظاظة من الشخص ده
أنا شايف إن الموضوع حلو جدا و الحمد لله
في أمريكان كتير جدا جدا بيخشوا الاسلام كل سنة و بيزيدوا و الحمد لله
بس أنا شايف إن كل مسلم بره أرضه بيعتبر سفير لدينه و لبلده
يعني إنه بيتعامل عادي جدا سواء مع الجنسين بس في حدود الاسلام
يعني من نظري النظرة للبنت و انت مثلا بتكلمها .. لو كانت النظرة بنيه حسنة و سليمة
فما أظنش إن كده غلط يعني ... دا من رأيي و أظن إنه كده الصح
ثم إنه كان بيدرس معاها و بعدين كانوا مجموعة بيعملوا مشروع التخرج
يعني ولا هم لوحدهم و لا أي حاجة تبقي فيها شبهات
عمـــوما دا رأيي الخاص و اللي عبرته بصراحة شديدة
و شكرا تاني يا أحمد علي التوبيك و القصة الجميلة دي
شكــــــــــــــرا