ع القهوة

[هيما الطاير]

ع القهوة بشرب تعميرة



وفى إيدى كباية شاى



عدت حبيبتى ع السيرة



وانا بحكى لصاحبى اللى معاى



بصتلى بصة حبيبة



ودلقت على رجلى الشاى



عنيها ياخوانا عجيبة



ماعرفش اْوصفها إزاى



اْتاريها جاية تبشرنى




بكلممة هيقولها اْبوها



اللى ياعينى مسهرنى



ماهو ناس كتير غيرى طلبوها



ولما قلبها جه اخترنى



ساب ناس كتير غيرى حبوها



ساْلت قلبى اللى اْسرنى



وقاللى روح كلم اْبوها



كلمت اْبوها راح قاللى



تعرفها ياعترة منين؟؟؟



وابوها راجل بيصلى




وماشى باْصول الدين



اْقوله ايه ع اللى حصللى



واللى بيحصل من شهرين؟



باقابلها بالساعة تمللى؟



وناس كتير كانو شايفين؟



قلت بشوفها بتعدى



وعجبنى ياعمى اْدبها



لافى مرة تقف وتهدى



ولا حتى جارة تكلمها



وانا ياعمى على قدى



وجاى عشان اْطلب ايدها



وساْلت عن بيتك والدى



وقاللى يابنى تقيتها



قاللى يابنى نتشرف



بس انا اْساْل عنك قبله



إدينى مهلة عشان اْعرف



دى حاجة يابنى مش سهلة



من يومها مش عارف اتصرف



اْنا فى نار ولا فى جنة؟



هاموت ياناس علشان اْعرف



ولسة بدرى على المهلة



واْمانة لو وافق عمى



عمرى مااْقعد على قهوة



ولا سيجارة تحرق دمى




ولا شيشة ولا بانجو وداهية



وتبقة دى دعوة اْمى



والله مابيردش دعوة



والكل يتحاكوا باسمى



واللى جرالى على سهوة

[رضا محمود]

الله..الله عليك ياابراهيم..
ايه الحلاوة والابداع ده...
أيوة كدا شد حيلك وسمعنا الحاجات الحلوة دي..
يسلم قلمك ..واحساسك ياهيما..
تقبل مروري..........أخوك رضا

[هيما الطاير]

الله..الله عليك ياابراهيم..
ايه الحلاوة والابداع ده...
أيوة كدا شد حيلك وسمعنا الحاجات الحلوة دي..
يسلم قلمك ..واحساسك ياهيما..
تقبل مروري..........أخوك رضا

انته خليت لية حاجة اْقولها؟؟؟
ههههههههه
انته خلصت ع الكلام ياعم رضا ياشاعر ياكبير
وإن كنت كتبت حاجة كويسة فمن بعض ماعندك
تسلم ايدك ويسلم مرورك الجميل

[رضا محمود]

انته خليت لية حاجة اْقولها؟؟؟
ههههههههه
انته خلصت ع الكلام ياعم رضا ياشاعر ياكبير
وإن كنت كتبت حاجة كويسة فمن بعض ماعندك
تسلم ايدك ويسلم مرورك الجميل

تسلم ياابراهيم ياااارب..
بس بجد التجربة دي بالذات شامم فيها ريحة الأصالة..والشارع المصري ..وشباب مصر اللي وحشوني أوي..
أبدعت ياأستاذ ابراهيم....بجد تفوقت علي الجميع بهذه الكلمات الراااائعة..
أخوك....رضا

[بك أستجير فمن يجير سواك]

جميلة جدا
بجد سلمت اخى على ابداعك المتميز
بجد كلام جميل وبسيط سلم ابداعك
ونتتظر منك المزيد
فى حفظ الله

[هيما الطاير]

جميلة جدا
بجد سلمت اخى على ابداعك المتميز
بجد كلام جميل وبسيط سلم ابداعك
ونتتظر منك المزيد
فى حفظ الله

شكرا ليكى على التواجد والرد الجميل
واشاء الله لسة عندى كتير بفضل الله وتشجيعكم لينا
حفظكى الله

[حرف مشتعل]

ما اجمل ان اكون هنا كى اتذوق اعذب المعانى فى همسات منك رائعه
من هنا..
اسجل لك اعجابى بما خطته اناملك

[هيما الطاير]

ما اجمل ان اكون هنا كى اتذوق اعذب المعانى فى همسات منك رائعه
من هنا..
اسجل لك اعجابى بما خطته اناملك

واْنا من هنا اْسجل لك إعجابى بمرورك الكريم
وردك الجميل
لكى وافر تحياتى واحترامى

[العاشقة المجروحة]

الله عليك يا هيما
بجد فكرتنى بأيام زمااااااااااان
كلام جميل كلام معقول
مش قادرة أقول حاجة عنه
تسلم الايادى
دمت بكل الود والتقدير

[هيما الطاير]

الله عليك يا هيما
بجد فكرتنى بأيام زمااااااااااان
كلام جميل كلام معقول
مش قادرة أقول حاجة عنه
تسلم الايادى
دمت بكل الود والتقدير

ماشى ياست ليلى مراد
هههه
ايه اْيام زمان دى على الله خير وحاجة كويسة
نورتى موضوعى
واْسعدنى وجودك