۩~*~۩ الطفل الفافي و الطفل البيئه ۩~*~۩

[Hooba]

مقارنه (الطفل الفافي) و(الطفل البيئه )

فــي الــبــيــت

أولا : (الطفل الفافي) أو (الهاي لايف )
.....................................

1-الولد من دول يصحى على صوت الكناري اللي في اوضته ....
- سو سو سو سو .... -
_________

2-يدخل الحمام ياخد شاور .... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي MBC كتيييييييييييير -
_________
3- يطلع من الحمام يلاقي الداده مستنياه بفوطه من حريييييير .... وتلاعبه
وتهزر معاه بالانجليزي ....
- الداده معاها دكتوراه من جامعة كامبريدج في لندن -
_________
4-يخش على اوضته ... ويفتح الدولاب ويطلع منه هدومه
المكويه واللي ريحة
اريال باينه فيها .....
- اريال .... نسيم الصباح - مش من أبو جنيه
__________
5- يجيب جزمته من الجزامه ... اللي مليانه جزم وكوتشيهات ...
وسبوووز .....
- تقولش دخلت محل لطفي أو توكيل تمبرلاند -
__________
6- ينزل يفطر مع مامي ودادي ... والفطار كورن فليكس
بطعم الستروبوري او
الشوكولات ....
- كورن فيليكس كلووقز .. مش بسكو مصر -
__________
7- يسلم على مامي ويبوسها بعد ماتكون حطتله الـDenar Box بتاعه وفيه ....
ساندوتشين تشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ - ههههه ما علينا
__________
8- يسلم على دادي اللي يديله البوكيت موني بالدولار .....مش بالجنيه
- جنيه ؟؟؟؟ دي عملة انكردت من زمااان -
__________
9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________
10- يركب الباص بتاع السكول .... ويشاور (باي باي) للداده ولمامي
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ...

ثانيا : (الطفل البيئه)
__________

1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -
ـــــــــــــــــــــــــ ـــــــــــــــــــــــــ ـــــــــــــ

2- العيال دي ماتعرفش اختراع اسمه (غسيل الوش بعد ما تقوم من
النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
ـــــــــــــــــــــــــ ـــــــــــــــــــــــــ ـــــــــــــ

3- طبعا بعد الخناق ده بيبقى جعان ... تلاقيه بيحوم في الشقه ويدوّر في
المطبخ على اي حاجه ..... إن شاء الله صرصار .. برضه هاياكله من الجوع
- عشان كده ماتلاقيش في بيتهم صراصير -
ـــــــــــــــــــــــــ ـــــــــــــــــــــــــ ـــــــــــــ

4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ...
- هدومه كلها مكرمشه ... تقولوش طالعه من بق كلب -
ـــــــــــــــــــــــــ ـــــــــــــــــــــــــ ـــــــــــــ

5- طب وبعدين .... ساعتين بيدور على الجزمه ...
مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر
اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات -
ـــــــــــــــــــــــــ ـــــــــــــــــــــــــ ـــــــــــــ

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -
ـــــــــــــــــــــــــ ـــــــــــــــــــــــــ ـــــــــــــ

7- الباشمهندس الصغير .... مايعرفش فين كتبه ولا كشاكيله اصلا .... عشان
كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -
ـــــــــــــــــــــــــ ـــــــــــــــــــــــــ ـــــــــــــ

8- هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه ....
- ليااااااااااااااااااااااا اااااقة -
ـــــــــــــــــــــــــ ـــــــــــــــــــــــــ ـــــــــــــ

فــي طابورالــمدرسه
أولا : (الطفل الفافي) أو (الهاي لايف )

1- العيال كلهم واقفين في صفوف شكلها يفرح .. ده غير ريحتهم اللي زي
الفل
- نضافه رباااااااااني -
=======================================

2- الطابور كله تمارين ونشاط ....
- على انغام الدي جي (ياسر شاكر) -

=======================================
3- الاذاعه المدرسيه .... اخبار من مجلات (واشنطون بوست)
- وطبعا .... مافيش ترجمه -

=======================================
4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -

=======================================
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -

=======================================
ثانيا : (الطفل البيئه)

1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -
************************************************** ****
2- بعد التذنيب والشتيمه من مدرس الألعاب (حسن أبو شفه) ... انضم لباقي
زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيك ولابس ومتأنتك فيهم

*****************************
3- موحدنا مح الإثاحه المدلثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى شكلها ايه -
************************************************** ****
4- النشيد الوطني اللي هم بيقولوه .... بتاع دوله مجهوله ... ونفسي
اعرف ايه هي؟؟؟
- طبعا على موسيقا آلات النفخ ....
إفرض مثلا مثلا يعني إني خاصمتك يوم
******************************
5- في مرحلة طلوعهم الفصول .... بيختلط الحابل بالنابل ....
- ياترى انا هنحضر في انهي فصل ايه النهارده يا عيال ؟؟؟ -
*****************************

فــي الــبــيــت بعد المدرسه

أولا : (الطفل الفافي) أو (الهاي لايف )

1- يرجع من السكول تكون الداده في استقباله ... وتشيل منه الشنطه ...
ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
##########################

2- بعد ما اتشطف .... و إتصبّن- الكلمه دي متعوب عليها على فكره -
يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

##################
3- هاني ... دينر إز ريدي ماى بيبي
- السيييييييم بتاعهم لما يجهز الغدا -

####################
4- بعد الغدا ... يشرب كبايه (اورانج جووس) وينام ساعه عشان يعرف يذاكر
ويحل الهوم وورك
_____________________
5- يقوم من النوم على صوت الداده ... الهادي طبعا .. عشان يقوم يذاكر
مع الميس (فرانكا) ... المدرّسه اللي جايبنهاله من انجلترا
- الميس دي نازله مخصوص ....... بكرتونتها و بالكتالوج -
_____________________
6- بعد ما يخلص المذاكره وتحضير دروس تاني يوم .... مامته تاخده النادي
عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
_____________________

7- يرجع من النادي ... ياخد دش ويحضر شنطته
وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
_______________________

8- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
____________________________
9- ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -

#################

ثانيا : (الطفل البيئه)

1- أخينا رجع من المعتقل ... او المدرسه زي مابيقولو عليها ... وهدومه
كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في صفط اللبن -
~~~~~~~~~~~~~~~~~~~~~~~~~~~

2- امه لسه ماخلصتش الغدا ...
- النهارده امه دابحه دكر عدس أو بصاره ... واحتمال يكون في فول بالصلصه -

~~~~~~~~~~~~~~~~~~~~~~~~~~~
3- ترااااادااترااااااااااااا اااااااااااا ... الأكل علي الطبليه يا كلاب
- ده اعلان الحرب ... أو الغدا <هجوووووووم> -
~~~~~~~~~~~~~~~~~~~~~~~~~~~

4- بعد اكلة الفول بالصلصه ومعاه فحلين بصل ... عادة ما يعقبها احساس
بالضياع
- تنااااااااحه ... فور آيفير -
~~~~~~~~~~~~~~~~~~~~~~~~~~~

5- يفوق من حالة التناحه من الفول والبصل على صوت حد من صحابه ... عشان
ينزل يلعب كوره شراب في الخرابه اللي جنب الحاره بتاعتهم
أو يحدفوا المعيز بالطوب
- نفس بدايات ابراهيم سعيد -
_____________________________________
6- يرجع بيتهم وهو بيجري وهدومه متقطعه ودماغه واخده بتاع تلاتين قلم
على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -
________________________________
7- اخته جابته عشان يحل الواجب ويذاكر .. بس مامعاهوش قلم ... قام نزل
الشارع عشان يجيب قلم
- آدي دقني لو جاب ولا حتى رجع من أصله -
_________________________
8- على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللي كان بيلعب لعبه حرب الطوب وفتح
دماغه
- تقولش طفل من أطفال الانتفاضه -
____________________
9- ساب امه وابوه وهم بيصالحو جارهم وبيبوسو ايده عشان ما يعملوش
محضر .... واتسحّب المفعوص على المطبخ جاب حتة
جبنه وطماطمايه ورغيف
ناشف .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل

يا رب التوبيك يعجبكم أحسن
أنا طلع عيني في تظبيطه

Hooba

[hotta]

ههههههههههههههههههههههههه هههه
والله ياهوبا انت جامد جداااااااااااااااااااا
من الاخر انت دماغك دي رايقة قوووووي

[TiMo0oR]

للاسف متكرر