دقيقة من فضلك او ثانية مش هتفرق كتير

[حرف مشتعل]

التدبيسه دى ضريبه مرور ولا ايه
عموما مقبوله
لى عوده بالاجابات

[حرف مشتعل]

باك بالاجابات:
1-ايه اول حاجة بتعملها لما بتدخل الكافيه
ادخل على الرئيسيه انظر نظره عامه
اطمن على الموجودين
اتابع جديد المواضيع
ثم ارد على موضوعاتى

-مين اكتر واحد بتحب تشوف توبيكاته
كثير جداهناك اعضاء كثيرين موضوعاتهم مميزه

-اه رايكم فى الزمالك بامنة الموسم ده
وبالنسبة للاهلوية يقولو بصدق ويطلعوا
الحقد اللى فيهم
بصدق لست هاويه كره قدم
ولكنى اهلاويه بالوراثه فقط
ولا اتابع الا اذا كنت مضطره فقط
واشجع فقط لانه بعد الفوز للاهلى لى هديه
يعنى ماديات مش اكتر
انتى قلتى بصدق
ههههههههه

- اه رايكم فى موضوعى التحفة ده
بصراحه موضوع رائع وخفيف
وكانه وجبه خفيفه مسليه هنا
وليس بغريب عليك هذه الروعه فى المواضيع

واخيرا اشكرك على هذه الدقائق الرائعه التى امضيتها برفقتك غاليتى
واتمنى ان اكون عضوة خفيفه هنا واجاباتى مقبوله
دمتى متميزه دائما
باقه عطر وردى مع ودى

[ياسمين14]

فاضل اجابتان وكل مرة بتغلطوا
بليز جاوبى على السؤلين الاخرانين
واختارى عضو بعدك
السؤلين اهم:
قولنا اخر نكتة سمعتها
وفى حد غيرلك اسلوب حياتك

[حرف مشتعل]

حاضر حاضر
بس بدون زعل وتعصيب
ما اقدر على زعل القمر انا
قولنا اخر نكتة سمعتها
كل زوجه ليها طريقه وزوجها نازل من البيت
اللبنانيه:تقبرنى هالعيون ترجعلى بالسلامه..
السوريه:دخيلك ما تتاخر...
المصريه:خد كيس الزباله فى ايدك وانت نازل

وفى حد غيرلك اسلوب حياتك
نعم صديقه لى
كانت سبب فى تغيير حياتى
وتقربى من الله اكثر
خلاص ياقمر افراج كده
اختار العاشقه المجروحه
بعدى
ودى

[ياسمين14]

كدة باه نقولك مرسى
ليكى يا فمر ياعسل يا كل
حاجة حلوة انك قبلتى الدعوة
واجابتك ترى حلوة ومستنينك
عاشقة المجروحة

[العاشقة المجروحة]

اولا موضوعك جميل جدا ودمك خفيف
ثانيا شكرا ليكى يا الشيماء انك اختارتينى
شكرا ليكوا على الدعوة الجميلة دى
1-اه اول حاجة بتعملها لما بتدخل الكافيه
اول حاجة بعملها بدخل القسم الادبى واشوف الجديد فيه
2-مين اكتر واحد بتحب تشوف توبيكاته
اعضاء كتير وخاصة فى ابداعات الاعضاء خاصة وكلهم ماشاء الله مبدعين
والمنتدى السياسى زى هشام اللول ووليد (عفريت أفندى) وايسل
3-اه رايكم فى الزمالك بامنة الموسم ده
وبالنسبة للاهلوية يقولو بصدق ويطلعوا
الحقد اللى فيهم
انا اهلاوية صحيح بس مش متابعة اى مطش لانى مبحبش اعصب نفسى
بس من خلال الكلام اللى بسمعه شايفة ان الزمالك اتحسن اوى عن قبل كدة ربنا يوفق الجميع

4- اه رايكم فى موضوعى التحفة ده
هو فعلا موضوع تحفة وجميل زى صاحبته
مشكورة على مجهودها المميز ده وتسلم ايديها

هو انا دلوقتى المفروض اختار عضو بس محتارة بصراحة
لانى ممكن اختار حد كان موجود قبل كدة بس هختار الرائعة نور الحرف

وشكرا مرة تانية ليكوا على الدعوة الجميلة دى
دمتوا بكل الحب والسعادة

[ياسمين14]

برده فضلك سؤلين تعالى جوبيهم
وياريت بعد اذنك تبعتى دعوة لنور
الحرف تيجى عشان انا مش هعرف
اجبها

[العاشقة المجروحة]

معلش يا قمر ماختش بالى والله

قولنا اخر نكتة سمعتها
مدير مدرسة دخل فصل
فلقى ولد متذنب قاله انت متذنب ليه
الولد قاله عشان الاستاذ قالى 5 فى 5 بكام قلتله 50
المدير قاله يا غبى ب25
راح الواد قايله يا شيخ اتنيل هو رادى ب50
لما هيرضى ب 25
ههههههههههههههههه

وفى حد غيرلك اسلوب حياتك
لا مفيش حد غيرلى اسلوب حياتى خالص

كدة بقة انا خلصت كل الاسئلة
تحياتى ليكى
وهبعت الدعوة لنور الحرف

[ياسمين14]

مرسى ليكى بجد مرور متميز
واجوبة جامدة مستنين نور الحرف

[نور الحرف]

أولاً اشكرك ياغاليتى العاشقة الجروحة على الترشيح لشخصى المتواضع

1-ايه اول حاجة بتعملها لما بتدخل الكافيه
أول حاجة بعملها إنى بدخل على الركن الأدبى
واشوف كل جديد وردود المواضيع بصفة عامة
وبعدين اتصفح باقى الاقسام وبسرعة لضيق الوقت للاسف

2-مين اكتر واحد بتحب تشوف توبيكاته؟
تقريبا كل عضو بيكتب بالمنتدى له مذاق خاص
بحب اقرا له يعنى أحب اقرا لهم كلهم بدون تفرقة أو تمييز

3-ايه رأيكم فى الزمالك بامانة الموسم ده
وبالنسبة للاهلاوية يقولو بصدق ويطلعوا
الحقد اللى فيهم؟

بصراحة ياحبيبتى انا ماليش فى الكورة نهائى بس بحب اشجع المنتخب موت لما بيكون فيه مباراة لمصر

4- ايه رايكم فى موضوعى التحفة ده

موضوع ظريف وخفيف وسريع
تسلمى ياسمين

5- قول لنا آخر نكتة سمعتها
مرة واحد بخيل جدا بيقول لمراته بمناسبة عيد ميلادها:- تاخدى فلوس ولا تاخدى الموبايل الجديد بتاعى
فكرت الزوجة وقالت فى نفسها:- ده بخيل لو قلت له على فلوس هايدينى مبلغ صغير فقالت له:- لأ عاوزة الموبايل الجديد فرد عليها وبسرعة اكتبى عندك 012
6-فيه حد غير أسلوب حياتك ؟
أيوة فى الحقيقة أولادى
لأنى تركت من أجلهم عادات كتير كنت بحبها

وأخيراً أشكرك ياسمين على الإستضافة والموضوع اللذيذ ده

تحياتى

نور الحرف