مطلوب آنسة ذات منظر اْنيق للعمل

**هيما الطاير** · 4 - 12 - 2010, 11:09 PM

مطلوب عمال ع الموضة

وبنات حسنات المنظر

والله دى بقت فوضة

مطلوب واحدة بتتغندر

وماله شباب اليوم؟

مبقاش حد بيفكر؟

كله شبعان م النوم

وكل كلامه يهذر

وبنات قمرات تتوظف

وتجيب مكاتبها وتقعد

جايبنها عشان تتلطف

وتشوف نصيبها وتحصد

ولا هتمشى مصالح

ده بدال ماتتعلم تتطبخ؟

وبقيت كلامى جارح

وبلاش اْقوله لتصرخ

ستات آخر زمن

ورجالة مش لاقيين

ومنين يجيبه تمن

ولو حتى لمطرحين؟

مطلوب مطلوب مطلوب

وهم الرجالة فين؟

كله هيشتال طوب؟

والستات متحكمين

إنشالله هتقوم قومة

اْو هوجة زى عرابى

والستات يعملو حكومة

والرجالة يقولو ياخرابى

**العاشقة المجروحة** · 5 - 12 - 2010, 01:21 PM

يا خرابى
هههههههههههه
والله معاك حق يا ابراهيم
كله عايز بنات وسكرتيرات
شكلنا هنشتغل وانتوا تقعدوا تربوا العيال
ههههههههههههه
دول خلوها خل خااااالص
تقبل تحياتى

**هيما الطاير** · 5 - 12 - 2010, 03:09 PM

والله فعلا
فى ايه ناقص تانى عشان نربى العيال ؟
اْنا مع شغل البنات بس مش فى كل حاجة ومش فى اْعمال الرجالة
يعنى المفام الاْول رجالة وبعد كده النسوان ومجالات معينة
مش فى كل حاجة
كنت خايف البنات تعترض بس واضح إنى كسبت صوتك معايا
شكرا ليكى اْختى العزيزة

**حرف مشتعل** · 6 - 12 - 2010, 06:17 AM

كلمات جميله ومعبره تطفو على السطح
حامله معها صدق حرف..
معك فى دلالاتها..
ودى

**ابو تريكه** · 6 - 12 - 2010, 08:25 AM

هههههههههههه

بجد واقعيه اوى وحلوه جدا

تسلم ايدك

**هيما الطاير** · 6 - 12 - 2010, 02:20 PM

المشاركة الأصلية كتبت بواسطة حرف مشتعل

كلمات جميله ومعبره تطفو على السطح
حامله معها صدق حرف..
معك فى دلالاتها..
ودى

شرفنى ردك ووجودك من جديد
متشكر جدا ليكى

**هيما الطاير** · 6 - 12 - 2010, 02:22 PM

المشاركة الأصلية كتبت بواسطة ابو تريكه

هههههههههههه

بجد واقعيه اوى وحلوه جدا

تسلم ايدك

ربنا يخليك يااْبو تريكة
ده من ذوقك ياجميل
وحلوة الدروس الخصوصية دى
فى جميع المواد؟
هههه
متشكر لردك الجميل

**محمد أبراهيم** · 7 - 12 - 2010, 01:39 AM

وقفت
لبرهة من الوقت
هنا
أتمرغ بجمال
وعذوبة حرفك
الراقي
نصك جميل كالعادة
سلمت أخي
دمت بكل ود
تحيتي لك

**هيما الطاير** · 7 - 12 - 2010, 03:04 PM

المشاركة الأصلية كتبت بواسطة فارس الكلمه

وقفت
لبرهة من الوقت
هنا
أتمرغ بجمال
وعذوبة حرفك
الراقي
نصك جميل كالعادة
سلمت أخي
دمت بكل ود
تحيتي لك

شكرا ليك ياحبيبى
وشكرا لمرورك العطر

**هشام اللول1** · 8 - 12 - 2010, 10:37 PM

كلمات جميله
واسلوب ساخر ممتع
يحمل بالفعل حدث عصري انتشر كثيرا في الوقت الحالي

سلمت يداك
وننتظر منك المزيد
بارك الله فيك وحفظك ورعاك هيما
دمت بخير وسعاده وصحه وراحه بال

الموضوع: مطلوب آنسة ذات منظر اْنيق للعمل

أدوات الموضوع

مطلوب آنسة ذات منظر اْنيق للعمل

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة