فــيــه حاجــة غــلــط ..

مشاهدة الملف الشخصي · 5 - 12 - 2010, 02:51 PM

لما شاب مصرى يسيب بلده ويروح إسرائيل علشان ياخد جنسيتها ويسألوه عملت كده ليه ؟
يقولهم :
علشان أتعامل كبنى آدم فى مصر ..
يبقا فيه حاجة غلط
لما الدنيا تقوم فى بلد أوروبى علشان حبة تماثيل مشنوقة على شجرة وسألهم بتثوروا ليه ..؟
قالوا :
شنق التماثيل بيأذى مشاعرنا ..
يبقا فيه حاجة غلط
لما ميزانية الكلاب فى أمريكا تتجاوز ميزانية مصر ..
أكيد فيه حاجة غلط
لما فريق إنقاذ مدنى ينقذ قطة من حريق يَحصل على نوط الواجب وتقدير أهل البلد
يبقا فيه حاجة غلط
لما يقول فرعون أنا ربكم الأعلى والناس تستجيب وييجوا دلوقت بتوع الحزب الوطنى يقولوا :
إحنا القانون اللى نقوله يمشى على رقاب الكل
يبقا فيه حاجة غلط
لما مرشح لمجلس الشعب ينزل قرية زى قريتى ويكون من مغرياته البانجو و الحشيش
يبقا فيه حاجة غلط

لما شاب مصرى وهو بيكلمنى يقولى أنا متهيالى الحكومة مش لاقيه حد يشترينا
ولما أأقوله يعنى أيه ..؟
يقولى :
لو الحكومة لقت أى دولة تدفع فينا أى فلوس هتبيعنا ومش هناخد غير خمس السعر المتفق عليه بين الدولتين وبالعافية هنسافر .!
يبقا فيه حاجة غلط
لما يطلع أحمد عز ويقول للناس إن المحظورة عرفت قيمتها ويقلب الحقايق ويزور الإنتخابات علشان مش ضامن المكسب
يبقا فيه حاجة غلط
لما دكتور تأمين صحى يرمى ورق مريض مسن تعدى التمانين ويقوله ملكش علاج عندى علشان يا دوبك قاله والنبى يا إبنى مشينى بسرعة
يبقا فيه حاجة غلط
لما المساجين العرب فى السجون الأوروبية مش بيأكلوهم إلا أكل الكلاب
يبقا فيه حاجة غلط
لما شاب مسلم يقولى نار جهنم أحسن من حالنا فى بلدنا ..
وأسأله ليه بتقول كده ؟
يقولى :
على الأقل أنا عارف إن ربنا بيعاقبنى على شيئ عملته ..
لكن الحكومة بتعاقبنى على أيه ؟
يبقا فيه حاجة غلط
لما البوليس المصرى يحصل على المركز الأول فى إبتكار أدوات التعذيب
يبقا فيه حاجة غلط
لما تقارن بين نفسك كإنسان وغيرك الأوروبى كإنسان برضة والحسرة تاكل قلبك من الفرق الشاسع
يبقا فيه حاجة غلط
لما النهاردة أبقا أنا وبكرة أتغير وإمبارح كنت واحد تانى
يبقا فيه حاجة غلط

**عفريت أفندى** · 5 - 12 - 2010, 06:10 PM

تسلمى يا كيوت على طرحك الأكثر من رااااائع

بالفعل كلها حاجات غلط

و علشان نقدر نغيرها للصح

لازم نبطل خوف و نفوق م الغيبوبه و نطالب بحقوقنا و حريتنا و كرامتها مهما كان الثمن

منوره السياسى يا كيوووووووت

**SCREEM** · 5 - 12 - 2010, 09:13 PM

ضيفي دول كمان من عندي

ولما الكهربا تقطع طول النهار ورئيس شركه الكهربا يطلع يقول حد قالكم اشترو تكييف وهو مكتب سعادته في تكييفين

يبقي في حاجه غلط

لما وزير الماليه يطلع يتعالج علي نفقه الدوله والغلبان مش لاقي قزازه الدوا

يبقي في حاجه غلط

لما انتخابات البرطمان تبقي كلها تزوير وعلي عيينك ياتاجر ويطلع البيان الرسمي ويتقال فيه ان الانتخابات كانت نزيهه بنسبه 100% وماحدث كانت مشاجرت لاا تخص الاانتخابات

يبقي في حاجه غلط

كفايه كده ولا اكمل

الحاجه الغلط دي فينا احنا ومش هقول اكتر من كده

تسلمي عالموضوع تقبلي مروري

**هشام اللول1** · 6 - 12 - 2010, 08:49 AM

بجد مش عارف الغلط ده
في الشعب ولا الحكومه
ولا الاتنين
وليه الحكومه بتعمل مع الشعب كده ؟؟؟
وليه الشعب ساكت علي اللي حكومه بتعمله ده ؟؟؟

بس ارجع واقول
هي دي مصر
من احتلال الي احتلال
ومن ظلم الي ظلم

شكرا علي الموضوع بنوته
بارك الله فيكي وحفظك ورعاكي

مشاهدة الملف الشخصي · 6 - 12 - 2010, 08:28 PM

المشاركة الأصلية كتبت بواسطة عفريت أفندى

تسلمى يا كيوت على طرحك الأكثر من رااااائع

بالفعل كلها حاجات غلط

و علشان نقدر نغيرها للصح

لازم نبطل خوف و نفوق م الغيبوبه و نطالب بحقوقنا و حريتنا و كرامتها مهما كان الثمن

منوره السياسى يا كيوووووووت

شكرا وليد للمرور
وشكرا لطرح وجهة نظرك الرائعة
دمت بكل ود

مشاهدة الملف الشخصي · 6 - 12 - 2010, 08:32 PM

المشاركة الأصلية كتبت بواسطة SCREEM

ضيفي دول كمان من عندي

ولما الكهربا تقطع طول النهار ورئيس شركه الكهربا يطلع يقول حد قالكم اشترو تكييف وهو مكتب سعادته في تكييفين

يبقي في حاجه غلط

لما وزير الماليه يطلع يتعالج علي نفقه الدوله والغلبان مش لاقي قزازه الدوا

يبقي في حاجه غلط

لما انتخابات البرطمان تبقي كلها تزوير وعلي عيينك ياتاجر ويطلع البيان الرسمي ويتقال فيه ان الانتخابات كانت نزيهه بنسبه 100% وماحدث كانت مشاجرت لاا تخص الاانتخابات

يبقي في حاجه غلط

كفايه كده ولا اكمل

الحاجه الغلط دي فينا احنا ومش هقول اكتر من كده

تسلمي عالموضوع تقبلي مروري

شكرا سكريم على الاضافة الجميلة
ومش الحاجات دي بس اللى غلط
تقريبا كل حاجة في البلد غلط
شرفني مرورك

مشاهدة الملف الشخصي · 6 - 12 - 2010, 08:34 PM

المشاركة الأصلية كتبت بواسطة هشام اللول1

بجد مش عارف الغلط ده
في الشعب ولا الحكومه
ولا الاتنين
وليه الحكومه بتعمل مع الشعب كده ؟؟؟
وليه الشعب ساكت علي اللي حكومه بتعمله ده ؟؟؟

بس ارجع واقول
هي دي مصر
من احتلال الي احتلال
ومن ظلم الي ظلم

شكرا علي الموضوع بنوته
بارك الله فيكي وحفظك ورعاكي

مش عارفة اجاوب اقول ايه؟؟
بس الحمد لله
ربنا قادر على كل شئ
ودوام الحال من المحال
يمكن الحال يتغير
بس قول
يارب

شرفني مروروك

**ايسل** · 6 - 12 - 2010, 09:22 PM

بالتأكيد فى حاجات كتير غلط بس الغلط الاكبر هو سكوتنا وضعفنا وخوفنا بنشوف ونسكت بنتمرمط فى بلدنا ونطاطى نشوف التزوير والفساد والبلطجه ولا كاننا شايفين حاجه يبقى مين السبب فى الغلط هما ولا احنا

مشكوره كيوت ونورتى السياسى يا قمر

مشاهدة الملف الشخصي · 6 - 12 - 2010, 09:52 PM

المشاركة الأصلية كتبت بواسطة ايسل

بالتأكيد فى حاجات كتير غلط بس الغلط الاكبر هو سكوتنا وضعفنا وخوفنا بنشوف ونسكت بنتمرمط فى بلدنا ونطاطى نشوف التزوير والفساد والبلطجه ولا كاننا شايفين حاجه يبقى مين السبب فى الغلط هما ولا احنا

مشكوره كيوت ونورتى السياسى يا قمر

هنعمل ايه يعني دا مصر دي شعبها غلبان لاحول له ولا قوة
لو كان في ايديه حاجة كان عملها

تسلمي ياقمر
مرورك زاد صفحتي اشراقا
دمت بود

**MR.Mahmoud** · 9 - 12 - 2010, 01:36 AM

لا تـــــــــــــــــعليق وحسبى الله ونعم الوكيل
الف شكر على طرحك المميز
سلمتى وسلمت يداكى ودمتى متألقه
ارق تحياتى

الموضوع: فــيــه حاجــة غــلــط ..

أدوات الموضوع

فــيــه حاجــة غــلــط ..

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة