۩~*~۩ للمتجوزين .. وبس ۩~*~۩

**Hooba** · 3 - 5 - 2008, 07:34 PM

واحد ماشى مع خطيبته واخر انسجام فقالها "عارفة اية الفرق بين الحب والجواز؟" قالته "لا" ‏قالها: "الحب زى النجوم الجميلة اللى فى السماء"قالتله"طب والجواز؟" قالها:"دى الحفرة اللى ‏واحنا بنبص على النجوم بنقع فيها.."

واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ‏ليه يا حبيبي؟" قالها: "مش عارف يا حياتي المأذون كتب تاريخ انتهاء العقد ده فين.

واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد: تاخد ‏بتاعتي؟؟

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. ‏طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده ‏أسم الحصان اللى بنشجعه في السباق!" الزوجه صدقته وراحت لحالها... بعد اسبوع،الزوج قاعد في ‏أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت ‏الحلال في ايه تاني؟؟" الزوجه:"حصانك على التليفون"

مدرس رياضيات اتجوز مدرسة رياضيات خلفو ولد شبه منحرف وبنت دايره على حل شعرها

واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

مره واحده بتقول لجوزها "تصدق إن أنا كل يوم بحلم بليله دخلتنا" قالها "هى لسه الكوابيس دى ‏بتجيلك؟"

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا هتعمل إيه؟" ‏قالوا "هوديها الصين" قالوا "يا راجل فى عيد جوازكوا العاشر توديها الصين، أمال فى عيد ‏جوازكوا الخمسة وعشرين هتعمل ايه؟" فقالوا "هروح اجيبها

مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ‏؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيضرب نفسة ‏بالشبشب قالها وده ماله قالتله أصل ده الى اتجوزها‏ !!!

**MoOoRa** · 3 - 5 - 2008, 07:49 PM

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا هتعمل إيه؟" ‏قالوا "هوديها الصين" قالوا "يا راجل فى عيد جوازكوا العاشر توديها الصين، أمال فى عيد ‏جوازكوا الخمسة وعشرين هتعمل ايه؟" فقالوا "هروح اجيبها

هههههههههههههههههههههههه

لا تعليق

**طيف عابر** · 3 - 5 - 2008, 08:02 PM

كتير حلوين هوبا
بتشجع على عدم الزواج يعنى
مشكور جدا وتسلم

**MaRiYoMa** · 3 - 5 - 2008, 08:30 PM

ههههههههههههههههههههههههه هههههههههه لا حلوين

**TiMo0oR** · 4 - 5 - 2008, 02:51 AM

ههههه

نكت جامده اوى

تسلمووو

**Hooba** · 16 - 5 - 2008, 10:46 AM

استفتاحكم قشطه ...
انا سامع الضحك جايب لاخر المنتدي
ربنا يسعد ايامكم واكون ديما عند حسن ظنكم...

**شمس** · 16 - 5 - 2008, 11:00 AM

ماشي يا هوبا خلاص مبقاش ليكم غير المتزوجين بس تعرف طول الوقت ونا بضحك فعلا جامدين وحلوين تسلم ايدك

**ساندرا** · 16 - 5 - 2008, 02:29 PM

يجزيك الخير اخي هوبا على النكت الحلوة كتير

الموضوع: ۩~~۩ للمتجوزين .. وبس ۩~~۩

أدوات الموضوع