اول مرة او اول لقاء كان في المعهد كان اول يوم في الدراسه الواحد كان مظبط نفسه اللبس الجديد والموبايل والبرفان اول يوم بقى منجهة على رأي ماج مان المهم ان انا شوفتها وعنيا جات في عينها انا بصيت شويه كتار في عينها لحد ما بيني وبينها مسافة قريبه جدا فأنا سألت اصحابي حد يعرف البت دي في ناس قالت لأ وواحد بس قالي انا عارفها دي حتى مش بتكلم حد خالص زادت في نظري اكتر .
واسمها ؟؟؟؟؟؟ اسمها حلو قوي طب ودي اكلمها ازاي قالي مش هتعرف كان غيرك اشطر
تاني يوم قبل ما ندخل المعهد وقفتها بكل سفاله مني وقلت لها انا عاوز اتعرف عليكي بصتلي من فوق لتحت وراحت ماشيه اتجننت اكتر .
تالت يوم نفس الحوار بس قولت لها انا مش بتاع لعب عيال انا بتكلم جد .
قالتي هو الجد بتاعك ده عامل ازاي يعني
اكيد زي باقي الشباب (( صمت رهيب مني انا ))
قولت لأ طبعا انا مش بتاع لعب
قالت المطلوب ((بجنيه جبنه ونص عيش )) ضحكه صغيره وبعد كده قالت احنا هنهزر
ممكن اتعرف انا عمرو معاكي في المعهد
انا؟؟؟؟؟؟ نفس المعهد قولتلها بجد معايا في المهد قال انا مش عارف اتعرفنا على بعض بسرعه في الوقفت ده كنت حاسس اني اعرفها من زمان ودي اللي انا كان نفسي احكيلها على كل حاجة بس كل ده مش هيحصل في يوم وليلة المهم اتعرفنا على بعض اكتر ونحضر المحاضرات مع بعض ونغيب مع بعض ونخرج مع بعض على فكرة حكاية خروجنا مع بعض قعدت اسبوع اقنعها فيها ان هي تمشي معايا في الشارع وبعد كده جات فكرة مجنونة مني اني اصارحها بمشاعري وكده .انا بكل سهولة وقعت مش عارف ازاي وقولت كل اللي عندي في لحظة ضعف قدامها وانا وهي اتبادلنا الحوار وهي قالت على مشاعرها برضو وتحكي عن نفسها وانا كذلك .
وبعد ما كانت صداقه بس بقت قصة حب جميله لا توجد بها شوائب خاليه من كل ظن سئ تحمل كل عبارات الحب الجميله والرقيقة وانا بعتبرها اجمل قصة حب في الدنيا.
استمرت هذه العلاقة الجميله لمده ثلاث سنوات لكم ان تتخيلوا قصة حب بدرجة ممكن نتكلم في اليوم الواحد اكثر من ساعه ونصف على التليفون المحمول يعني خراب بيوت
المهم خلاص انا اتفقت معاها اني اول ما اخلص الدراسه هروح عندهم البيت واتقدم لها وكده وهي في نفس الوقت بتقول لوادتها كل حاجة بخصوص الموضوع بتاعنا انا وهي يبقى كده والدتها عندها علم بالموضوع وده كل في الوقت ده بيطمني كتير جدا .
روحت عندهم البيت على اساس اني صديقها في المعهد وعاوز منها شوية ورق وكده علشان والدتها تشوفني بس وتشوف عمرو ده عامل ازاي (( ربنا يسامحك يا طيف ) المهم حصل اللي حصل والموضوع خلص ومشيت قابلت باباها على السلم بس طبعا هو مش عارفني طبعا انا اتكهربت وعروق دمي نشفت بس .
روحت البيت انتظرت لما ترن على التليفون علشان اتصل عليها واعرف رأي والدتها وان كان والدها سألها على حاجة ولا مين اللي كان نازل ده نازل من عندنا ولا من عند الجيران وربنا يستر .
رنت عليا اتصلت عليها .
انا عمال اقول الو وهي مش عاوزة ترد عليا طبعا انا اتصدمت قولت يبقى في حاجة غلط
وقلت احتمال من الاتنين يا انا معجبتش والدتها يا والدها عرف حاجة
في الوقت ده كنت بموت يعني الامر في التليفون استغرق لحظة مكن تردي عليا .
ردت وقالت
((((( بحبك ))))
والله لو قولت لكم ان الدمعه نزلت من عيني محدش هيصدق
بس طبعا زعلت معاها انها مردتش عليا لأن اعصابي تعبت بجد بس هي حتى تشوف رد الفعل
المهم خلاص كل حاجة تمام وكملنا مع بعض قصة الحب الجميله وبعد كده عدت سنه والتانية ( طبعا عايشين قصة الحب لكن في حاجات حصلت في السنه الثالثة ).
السنة التالتة
انا وهي عايشين في أمان الله فافيوم كده قالت انا هروح لأني تعبانه ياريت توصلني فروحت معاها ودخلت البيت ومش عارف انا عملت كده ازاي بس دخلت وخلاص فوجئت اني انا واحد منهم فوالدها بيقولي متشكرين يا ابني قولت له العفو يا بابا دي ؟؟؟؟؟؟ أختي وكده وعملت نفسي عبيط .
نزلت من عندهم منتظر الاتصال بتاعها لمدة يوم كامل مفيش ولا اتصال واحد .
تاني يوم في وانا في المعهد قولت طب وبعدين لازم اعمل حاجة ( جنووووووووون) يا جماعه انا واصحابي
يا جماعه ؟؟؟؟؟؟ تعبانه مش هنروح نشوفها ونطمن عليها
ودي المرة التالتة اللي دخلت فيها البيت بتاعهم وكانت ؟؟؟؟؟؟ تعبانه جدا طبعا انا شوفت المنظر مقدرتش امسك نفسي عملت حاجات غبيه كده بس طبعا عدت على خير
المهم قاعد مع نفسي في البيت بفكر طب انا بحبها من سنتين وهي بتحبني يعني احنا بنحب بعض طب ماشي دلوقتي انت هتعمل ايه
كنت كل يوم اصلي فيه ادعيلها ان ربنا يشفيها
والحمد لله بعد عنائها مع المرض لمدة اسبوع رجعت المعهد والحمد لله واتضح ان كان عندها انفلوزا بس وهي عندها المناعه ضعيفه جدا فأي حاجة كانت بتأثر فيها .
اول ما شوفتها على باب المعهد مكنتش مصدق نفسي بس عملت عليها الدخله كده وقولت لها انتي متصلتيش بيا ليه وقولتي انك خفيتي ولا انا كيس جوافه يعني .
بكل هدوء ورومانسيه ( كنت عاوزة اعرف رد فعلك لما تشوفني ) طبعا الموقف مؤثر جدا طب انا عملت ليه كده ولا قولت الحمد لله على سلامتك ولا حاجة دا انا غبي المهم هي فهمت الموقع وانا عملت ليه كده وقلبنا الموضوعه هزار فهي قالن ( وكنت عاوزة اعرف كنت بتعمل ايه وانا مش هنا ) ضحكت والموضوع عدى والحمد لله استمرينا على كده اربع شهور .
والله فعلا يا جماعه انا عشت لحظات كلها حب مش اكتر في الاربع شهور دول
قبل الامتحانات بحاجات بسيطة تعبت تاني
وانا مش عارف اركز في اي حاجة لا مذاكرة ولا حياتي انا نفسي ولا هي طبعا
المهم جه ميعاد المتحانات ؟؟؟؟؟؟ مش موجودة طبعا انا معرفتش اتصرف ازاي ولا اعمل ايه .
كنت عامل زي المجنون خلال فترة الامتحانات كلها
عدت الامتحانات والحمد لله انا نجحت بتقدير مقبول وهي طبعا ( نزلت السنه دي ) المهم
الاجازة جات والواحد هيشوف شغل فترة الصيف وكده
هي تعبت المرة دي فترة طويله لمدة شهر كامل انا مش بشوفها غير في احلامي بس
وده كان اصعب شهر في حياتي
والحمد لله سمعت انها خفت تماما وبقت زي الفل
المهم هي نزلت الشارع واتصلت عليا ورحت قابلتها اليوم ده اتأخرت بره البيت بسببي وحصلت مشكلة عندهم في البيت .
حصلت ظروف كده عندهم في البيت فالولدتها اتصلت عليا وقالي كام كلمه كده انا مش هينفع اقولهم .
انا روحت عندهم البيت وشوفت اللي حصل ده والامر عدى والحمد لله
بعد ما هي كانت كويسه والحمد لله وانا كده معاها بعد المرض يعني في حدود 3شهور ودول كانوا بالنسبة ليا احلى ايام عشتها في حياتي .
وفيوم كده وانا نايم صحيت فاجأة على كابوس غبي .
تاني يوم الصبح يعني على الساعه 11فوجئت باتصال من واحد صاحبي قالي تعالى عاوزك
؟؟؟؟؟؟ في المستشفى وحالتها مش كويسه لأن هي كانت مريضة بمرض اللهم احفظنا ؟؟؟؟؟؟
طب يلا نروح نشوفها ونطمن عليها
قبل ما نروح سمعت الخير الي عمري في حياتي مكنت متوقع اني هسمعه
؟؟؟؟؟؟ ماتت
والله انا نفسي مش عارف ايه اللي حصل بعد كده بس في ناس قالت اني دخلت المستشفى واغمى عليا وحاجت كده
عاوزك تتخيلوا انكم مكاني هتعملوا ايه
ممكن تدعولها ان ربنا يرحمها
رد: كل واحد وعنده قصة...شخبط شخابيط
المشاركة الأصلية كتبت بواسطة بسام مجدى
رد مع اقتباس
