رد مع اقتباسامممممممممم
تسلم الأيادى يا جوجو
كيكه مع سبق الإصرار و الترصد
سؤال يطرح نفسه
مين اللى أكل الحته الناقصه ؟
هههههههههه
قهوتنا على الانترنت
مذكرات ( جوجو ) فى المــــطــــبـــخ :(
انه في يوم الحادى عشر من ديسمبر سنة الفان و عشرة
حدث شئ عجيب غريب مريب
قررت انا اذ فجأة
ان :
ادخل المطبخ اعمل عشا !!
انا كنت قاعدة في حالي ماسكة كتاب العلوم
و فجأة حسيت بالملل
و قولت يا بت ما تهربي من المذاكرة
و طبعا بما ان الفرجة علي التليفزيون و القاعدة علي الكمبيوتر عليهم حراسة مشددة فمفيش غير حاجة واحدة بس هي اللي هتخليني اهرب من المذاكرة
ألا و هي : المطبخ
قولت هخش اسلق بيض
و يا ريتها كانت سلق بيض
لااااااااااا
ده انا اعدت افكر
ليت الشباب يعووووود يوما
و اعدت اتحسر علي ايام الاجازة اللي كنت بدخل فيها المطبخ و اعمل فيها كيكات
اي و الله
هيييييييييييييييه دنيا
ياما اهلي اتبهدلوا معايا كتير
و يقولوا معلش و نصبر و مسيرها تتعلم
و انا ما بتعلمش
و حتي لو في يوم مثلا عملت حاجة حلوة ,, الفرن يحرقها
اي و الله الفرن مستقصدني
اعدت اتحسر علي ايام الماضي و جياااحه
و بعدين قولت في عقلي
جوجو : يلا يا جوجو نرجع اللي فات
جوجو : و ماله يلا نرجعه و فيها ايه يا اختشي
روحت جبت وصفة كنت جيباها من النت
اسمها :
كيكة النسكافيه بالبندق
اتكلت علي ربنا و جهزت نفسي و روحت قولت لماما بكل عزم
ماما انا قررت قرار ختشير
انا قررت اعمل كيكة
ماما : ــــــــــ
و روحت دخلت المطبخ
و دار هذا الحوار بيني و بين مامتي - انا في المبطخ و هي في الصالة -
انا : ماماااااااااااااا عندنا زبدة ؟
ماما : ايوة
انا : فيييييييييييييين ؟
ماما : في الفريزر
انا : مامااااااااااااااا عندنا سكر بودرة ؟
ماما : اه
انا : فين ؟
ماما : في باب الثلاجة
انا : ماما فين الـ
ماما : الدقيق في درج المطبخ اللي جنب الثلاجة و مضرب البيض في الدرفة اللي تحت
و البيض في درج البيض في التلاجة
و اللبن في الرف التاني من التلاجة
اول ما هتفتحي التلاجة هيقولك انا اهو يا اينااااااااااااااااااس
و هكذا بدأت المعركة بيني و بين كيك النسكافية
جبت طبق العجن و لسه بسمي الله
و بقول يا هادي و هبدأ
اب اخى دخل عليا المطبخ
لولو : عمتووووو ,, انتي بتعملي ايه ؟
انا : بعمل كيك يا حبيبي
لولو : طيب عاوز اعد فوق –قصده علي رخامة المطبخ-
انا : لولو ما ينفعش يا حبيبي
طبعا بما انه طفل من اطفال الجيل الجديد عمره ما هيقبل رفضي لقيه فجأة
عمل زي البت سمارا في اخر ذا رينج تو و تسلق ادراج المطبخ و لقيته قاعد علي الرخامة في لحظة دهشة
و في عقل باله : لكشي تولعي يا بعيدة
انا : يا شيخ مش كنت تقول انك عاوز تطلع علي الرخامة
و بدأت المهام الصعبة
اول حاجة: ضرب الزبدة
طبعا الزبدة في الفريزر فماسكه نفسها بطريقة
اول ما شغلت مضرب البيض فيها راح عامل زي صوت خراطة الأسمنت
تششششششششششششششش
انتفضت و فصلته
و بعدين جربت تاني بالراحة
بس المرة دي استعصيت عليه و صممت احفر في الزبدة
و اذا بالزبدة تتطاير في الهواء الطلق و تتبعثر في شتي انحاء المطبخ
و صوت المضرب يزداد علوا
حتي ظنه ابن اخى الصغير صوت طائرة و اخذ يصيح :
طيااااااااارة طيااااااارة
هنا أدركت خطورة الموقف
و صحت في الزبدة :
يا شيخة انضربي بقي , ضربه في مصارينك
و اطفئت مضرب البيض قبل ان يحترق الماتور
و اخذت اللملم في قطع الزبدة المبعثرة قبل ان تدخل أمي المطبخ و تصاب بسكتة قلبية اثر رؤية هذا المشهد
و انتظرت حتي هدأ ماتور مضرب البيض
ثم اخذت في الضرب في الزبدة من جديد
بس المرة دي بحنية
بعد شوط من العذاب المرير في ضرب الزبدة
أضفت سكر البودرة
بس تعملوا ايه المنحوس منحوس ,,,
بعد ما ضفتها اكتشفت ان السكر متجمع و عامل كور صغنونة كده
و بالتالي لازم يتضرب بأمانة و ضمير
استغرق ضرب السكر مدة لا بأس بها من الوقت
و بعد ذلك أضفت البيض
و انا عمالة اضرب
و اضرب
و اضرب
تذكرت مشهد كنت قد رأيته في احدي البرامج المطبخية
ان الشيف قلب الطبق و وجهه ناحيته
و اعد يضرب
فانبعثت في نفسي الغيرة
و حدثني عقلي الباطن : طيب و انا اقل منه في ايه
و شرعت في ان اميل الطبق ناحيتي
و ما ان املته ناحيتي
حتي حدث ما لم يكن في الحسباااان
أن أن أأأأأأأأأأأأأأأأأأأأأن
لن اتحدث عن هذا الجزء لأني بسببه اضطررت ان استحم و هو في اعتقادي شئ يعاقب عليه القانون هذه الأيام
و لأن همتي عالية و طموحي فوق الوصف لم اتوقف
و استمريت في الضرب و العجن
و استمر ابن اخي الجالس بجوار الطبق في سؤالي :
عمتوووو انتي بتعملي ايه ؟
و كل مرة برد نفس الاجابة : بعمل كيك يا على
تمر دقيقة
عمتووو انتي بتعملي ايه ؟
و علي هذا المنوال طول مدة العجن
ثم شرعنا انا و هو نغني أغنية ظلموه هذا العصر و هي
"شربت حجرين ع الشيشة"
هو يردد الجزأ الخاص بـ : اه ياني ياني
و انا اردد : مش هعمل كده تاني
حتي وجدنا من يدق جرس الباب
ففتحت لأجدها مروة بنت جارتي تسألني :
هي دي خطوبة مين ؟
بعد ان اقنعت المسكينة انها ليست خطوبة و اني فقط اعد العشاء صعدت و علي وجهها علامات الذهول
و رجعت انا الي كيكتي
بعد العجن فكرت في ان اجعل الكيكة متكلفة
انا : ماماااااااااااااااااااااا عندنا مكسرات
ماما : ليــــــــــــــه ؟
هنا خرجت أمي عن صمتها و قررت ألا تضحي بمكسراتها
و اخذت في حسبانها : عض قلبي و لا تعض مكسراتي
انا : لا ابدا هحط في الكيك مكسرات
ماما : ـــــــــــــــــــــــــ ـــــــــــــــ
لن اتحدث كثيرا عن رد أمي حتي لا تحذفه الرقابة
و لكني بطريقة ما توصلت الي مكان المكسرات السري
و من ثم اخذت كمية لا بأس بها من البندق و اللوز و عين الجمل
و وضعتهم في الهون
و اخذت افرمهم
طن طن طن
و اخذت في ترديد :
اسمعععع كلااام أمك
و ما تسمعش كلاام ابوووك
و قطع علي خلوتي جرس الباب مرة اخري
فوجدتها هذه المرة نهي جارتي الأخري
تسألني في فرحة :
هو ده سبوع مين ؟
و المسكينة اصابت بالذهول الشديد جراء شرحي لها انني مجرد اعد العشاء
و انتهت الكارثة و انهيت العجينة و صببتها في صينية و ادخلتها الفرن و ضبطت تايمر الوقت حتي اتناصح علي الفرن و لا يتسبب في حرق اي جزء من اجزاء الكيك , فهو العدو اللدود الذي يتسبب في حرق كل حلوياتي
و ليس انني اسرح امام التلفاز مثلا
الخسائر :
هدومي مليانة عجينة
أرضية المطبخ واقع عليها عجينة
حيطان المطبخ واقع عليها عجينة
رخامة المطبخ واقع عليها عجينة
وجه بنت اختي مليان دقيق و عجينة
أصلنا كنا بنلعب بالدقيق قبل ما نحطه
حوض المطبخ مليان لحد اخره ملاعق و اطباق
و النتيجة :
كيك نسكافية بالبندق و اللوز و عين الجمل
و كل عشوة و انتو طيبين
التعديل الأخير تم بواسطة Special Girl ; 12 - 12 - 2010 الساعة 09:51 PM
عضو مميز بالقسم السياسي
امممممممممم
تسلم الأيادى يا جوجو
كيكه مع سبق الإصرار و الترصد
سؤال يطرح نفسه
مين اللى أكل الحته الناقصه ؟
هههههههههه
ثورة 25 يناير
التغيير
الحريه
العدالة الإجتماعيه
إلى كل من يحب مبارك أبشروا قال رسول الله صلى الله عليه و سلم :
يحشر المرء مع من أحب
يا ناس حد شااااااف توقيعى ؟
walid وليد
البحث على جميع مواضيع العضو عفريت أفندى
المشرفه المميزه لقسم مصراوي يتحدى الملل و قسم الترحيب المناسبات
ههههههههههههههههههههههههه هههه
بكد وصفه واكله تجنن موت
مكنتش اعرف انك بالشتاره تى يا حبى
والله مزكرات تتعمل حلاقات
بكد انتى عثل والله وشور تعمها من ايدك تجنن
دمتى مبدعه ياربى ومتألقه فى الكافيه
نجم مصراوي
هههههههههههههه
سيبك انت الكيكه شكلها تجنن
انا عايز حته بقى
تسلمى يا قمر ع التوبيك الملزق ده
ههههههههههههههههالمشاركة الأصلية كتبت بواسطة عفريت أفندى
امممممممممم
تسلم الأيادى يا جوجو
كيكه مع سبق الإصرار و الترصد
سؤال يطرح نفسه
مين اللى أكل الحته الناقصه ؟
هههههههههه
ابن اخويا مصبرش لما اصورها
المهم انها معجبتهوش فى الاخر
هههههههههههه
مشاركتك نوررت صفحتى يا وليد
ههههههههههههههههههههههههه هههه
بكد وصفه واكله تجنن موت
مكنتش اعرف انك بالشتاره تى يا حبى
والله مزكرات تتعمل حلاقات
بكد انتى عثل والله وشور تعمها من ايدك تجنن
دمتى مبدعه ياربى ومتألقه فى الكافيه
شتارة ايه يا اوختى
الكيكة اعدة لحد دلوقتى انا اللى عمالة اكل فيها
هههههههههههه
ميرسي يا حبي
انتى اللى عثثثل والله
انبسط بمشاركتك يا حبي
هههههههههههههه
سيبك انت الكيكه شكلها تجنن
انا عايز حته بقى
تسلمى يا قمر ع التوبيك الملزق ده
لا لا انت اخويا انا مردلكش ده يا سيزر
احسن يجيلك تسمم ولا حاجة
ههههههههههههه
ميرسي على ردك العصل اللى ذيك
نورت التوبيك
مشرفه على ركن مصراوي كافيه
ياعيني
دا انت عانيتي معاناة شديدة
ربنا يكون في عونك
بس بردوا
هاتيلي حتت كيكة
تسلمي ياقمورة
سابقا
ddhh_ddhh
((ألا بذكر الله تطمئن القلوب))
بنوتة كيوت
البحث على جميع مواضيع العضو بنوتــــــ كـــيــــوت ــــــة
اه وحياتك يا اوختى
اتبهدلت بهدلة
يلا بقى
ايه ايه عايزة حته
والله انا مش هقدر اقول حاجة
انتى اللى جانيتى على نفسك
اتفضلى الكيك كله فوق يا حبيبتى
هههههههههههههههه
نورت صفحتى بردك الجميل يا بنوتة
ههههههههههههههههههههههه
استمرى بقى
عايزين بقى طريقه عمل الجلاش
ولسه بردو بتتدخلى المطبخ
ومما زادنى فخراً و تيهاً *** وكدت بأخمصى أطأ الثريا
دخولى تحت قولك يا عبادى ** و أن صيرت أحمداً لى نبياً
البحث على جميع مواضيع العضو ابو تريكه
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
