زوجى نسى عيد ميلادى ومصراوى افتكره

[ناديننور]

اولا اشكر مصراوى كافيه لانه هو الوحيد اللى افتكر عيد ميلادى تصدقوازوجى نفسه نسيه عايزه اسالكم سؤال بالنسبة للمتزوجات تعملى ايه لو زوجك نس عيد ميلادك وتشعرى بايه وللانسات لو اتجوزتى وزوجك نسى عيد ميلادك تعملى ايه وتشعرى بايه
وبالنسبة للشباب والازواج هاتفرق معاكم لو زوجاتكم نسيت عيد ميلادكم
انا عارفة ان يمكن تقولوا ان ده موضوع تافه بس نفسى اعرف شعوركم ايه ياريت تردوا على

مرة تانية شكرا لمصراوى كافيه لانه الوحيد اللى تذكر عيد ميلادى

[!!silent]

كل سنه و حضرتك طيبه و منورانا في الكافيه

[العاشقة المجروحة]

كل سنة وانتى طيبة
وان شاء الله السنة الجاية
يكون زوجك اول واحد يقولك
كل سنة وانتى طيبة

اما بالنسبة لان الموضوع تافه ولا لا
انا شايفاه مش تافه لان الحجات البسيطة دى هى اللى بتولد الحب والمشاعر او بتموتها
الرجل لو زوجته اهملته ومراعتش احاسيسه هيمل منها ويسيبها
وبالتالى الست لو زوجها مراعاش احاسيسها هتتضايق وخاصة ان قلب الزوجة فى ودنها زى مابيقولوا
يعنى مش لازم يجيبلها هدية كفاية انه يكون فاكرها وفاكر اهم مناسبات عندها ويقولها كل سنة وانتى طيبة دى بالدنيا ومافيها
وانا لو مكانك كل اللى هعمله انى احسسه انه نسينى ونسى يوم زى ده بس من غير خناق طبعا واعرفه ان دى حاجة تهمنى وتهم مشاعرى انه يفتكر يوم عيد ميلادى وانى متضايقة منه وياسيتى هما الرجالة كدة طبيعى يعنى مبيفتكروش الحجات دى
فانتى ابقى كل فترة فكريه بتاريخ ميلادك ومرة ورا مرة هيفتكر لوحده
وربنا يوفقك يارب ونورتينا فى الكافيه

[♥بـونـبـونـايـه سـكـره♥]

تنه كنت عملته بيد بالبسترمه و اتعشيت بيه
انا جايه اهدى النفوس بس
معلش ياقمر بكد اكيد هو هيقولهالك
بس هو محضرها مفجأه بس
اصبرى و اكيد هيقولهالك شور
و انتى منوره معانا والله
اتشرفنا بيكى ياقمر
و نتمنى نشوفوكى معانا علتول

يتم نقل الموضوع
لمكانه المناسب

[HoBa HoBa]

اولا كل سنة وانتى طيبة يا جميل

ومنورانا ومنورة الكافيه كله

بصى انا معىك انها حاجة تفرس انك تلاقى زوجك مش فاكر عيد ميلادك
او اى مناسبة عامة

بس انتى باسلوبك ممكن تخليه يتكسف من نفسه

يعنى تدلعى كدة عليه وبقى كدة تنسى عيد ميلادى

مرة ف مرة هتلاقيه تلاقى اتعود من نفسه

لانها مش حلوة ف حقه خالص

وبجد متحوليش تعملى مشاكل وحاول تحلى الموضوع بثلاثة شوية

وكل سنة وانتى طيبة تانى يا جميل

( تم نقله ف المكان المناسب )

[ام لميس]

انا معكى حاجة تزعل بس ممكن يفتكر بطرقة تانية
ولم يفتكر ادلعى عليى وعملى زعلنة وكل سنة وانتى بخير وزوجك يفتكرعلى
طوووووووووووووووووووووووو وووووووول

[آيه محمد]

اولا كل سنه وانتى طيبه
ثانيا لازم تعزرى جوزك هو اكيد موش ناسيكى
هو اكيد ظروف الشغل هى المنسياه
انا اصلى كنت بزعل فى الأول زيك كده
لأوايه كمان كان سعات يعمل تذكير على موبايله
بعيد ميلادى وانا من وراه امسحه
شوفتى بقى غبائى
عايزه اقولك انهم بيحبونا لكن مشاغيلهم كتير
ف مفيش مانع انك انتى ال تفكريه
وثالثا وده الأهم مصراوى كافيه مسجل
عيد ميلادك عنده
فمتزعليش ياقمرايا

[حب العمر]

اولا كل سنة وانت طيبة يا حبيبتى
واكيد ده حاجة تفرس وتغيظ اوووووووووى ان زوجك ما يفتكلاش عيد ميلادك
انا لو حبيبى كان نسى عيد ميلادى كنت قتلته وعلى فكرة انا فى عيد ميلاده الساعة12 اول واحدة فى الدنيا كلمته ويمكن الوحيدة اللى قالتله كل سنة وهو حبيبى
انا طبعا بهدى النفووووووووووووووس
لكن تاكدى انه ان شاء الله هيكون عاملك مفاجاة

[هناا]

لما هو ينسى عيد ميلادك طب يفتكر إيه
المفروض ما ينسهوش أبداً
وبعدين الموضوع مش تافه بالعكس
دي مشاعر وأحاسيس مجرد أنه يفتكر
ويحضر لده ولو بهديه بسيطه أو بكلمة حب
الإحساس بإحتياجها
عرفيه إنك زعلانه عشان مينساش تاني أوعي تعدي الموضوع كده لا يفضل ناسي على طول
ولو أنه أجمل الأحاسيس صعب طلبها بس هتعملي إيه بئا
كل سنه وإنتي طيبه يا قمر

[~DREAM~]

طبعا كل سنة وانتى يا قمر وعقبال مليون سنة وانتى منورانا
الموضوع مش تافه ولا حاجة واكيد هى حاجة تتضايق
وكل سنة وانتى طيبة مرة تانية