قهوتنا على الانترنت
النتائج 1 إلى 6 من 6
  1. #1
    تاريخ التسجيل
    17 - 7 - 2010
    ساكن في
    فى بلاد الله الواسعة
    المشاركات
    16
    النوع : انثيEgypt الفريق المفضل  : الاهلي

    افتراضي ليه البني ادم بيذاكر؟





    ليه البني ادم بيذاكر؟
    عشان يمتحن..

    وليه البني ادم يمتحن؟
    عشان يدخل مرحله جديده ..ويذاكر فيها برضو ..

    طب ولما يدخل المرحله الجديده يعمل ايه؟
    يذاكر بقي عشان يوصل للي بعدها!!

    مين اللي اخترع المذاكره؟
    اكيد واحد كان بيحب يذاكر..

    ومين اللي اخترع الامتحانات؟
    واحد كان عايز يغيظ اللي بيحب يذاكر..

    ايه الفايده من المذاكره؟
    انك تخلص اقلام وورق وتشخبط ف الكتب وتعمل دواير عند الكلمات المهمه

    وايه الفايده من الامتحانات؟
    انك تملي ورق الحكومه وتوريهم جمال خطك

    طب وهو لازم اذاكر؟
    في الوقت الحالي مش لازم..بس اكيد لما تعيد السنه هتبقي عيل وترجع ف كلمتك

    ليه الدكاتره بيدونا كتب ف الكليه؟
    عشان نلاقي حاجه نشخبط فيها

    طب وليه بيقرروا علينا مواد سخيفه؟
    عشان وانت بتشخبط تشخبط بضمير

    طب مهو ممكن بعد كل ده اشيل الماده؟
    مانت شخبطت للدكتور ف كتابه..عايزه يسكت..قله ادب

    طب اعمل ايه عشان انجح؟
    امسك ورقه الاجابه وارغي

    ارغي ف ايه؟
    مش مهم..المهم تبقي مسطر وخطك نضيف واول سطرين كده تبع الموضوع اللي بيتكلموا فيه والباقي انت ومزاجك

    طب والرغي ده مش حرام؟
    يعني هو اللي بيقرروه علينا ده مش حرام



    طب هو مين اللي بييجي الاول ..المذاكره ولا الامتحانات؟
    يعني هو التعلب بيبيض ولا بيولد؟

    لا بس التعلب مكار ممكن يعمل اي حاجه
    والامتحانات كذلك..!


    كانت شويه اسئله بحاول الاقي بيها سبب يخليني اذاكر

    اكتشفت ان البني ادم بيقضي جزء كبير من حياته ف الشيء اللي اسمه مذاكره..
    (اسمحولي اعامله بنوع من الاحتقار..)
    مذاكره ايه بس وكلام فارغ ايه..هو احنا فاضيين

    طب انا راضي ذمتك

    يعني الواحد يصحي م النوم ع الساعه 12 ونص 3 كده
    يادوب يغسل وشه ويضرب النسكافيه المتين
    هوب الساعه بقت خمسه ..
    وانت لسه يا عيني علي لحم بطنك..ف طبيعي تروح بصفاقه كلب البحر تدور علي اكل..

    غالبا هتسمع كلمتين وهتعمل عبيط وكأنك مسمعتش حاجه..
    (ما انت نايم طول اليوم وصاحي المغرب وعايز الخدامين يجهزولك الاكل يا سعاده البيه..)

    المهم..

    بعد ما تاكل وتعمل الشويتين دول..
    هوب الساعه بقت 7..
    تصلي وتشوف مين رن عليك وتعمل كام مكالمه..

    الساعه بقت 9..
    في مسلسل دلوقتي ع التليفزيون..
    (غالبا مسلسل تركي م اللي بيقعدوا 4000 حلقه دول والممثلين هم هم لا حد كبر ولا عجز ولا جراله اي حاجه)

    والحلقه بتقعد ساعه.,.يعني تخلص الساعه 10

    الله..مش ده معاد العاشره مساءا..لا اتفرج بقي

    (اصل الثقافه حبكت..وبالذات ايام الامتحانات)

    مــــــــــــــــا علينا..

    تخلص البرنامج علي 11 ونص كده..
    تفتكر ان دلوقتي كل اصحابك متجمعين اونلاين..

    (هقعد ساعه ولا ساعتين وهقوم اذاكر علي طول..)

    طبعا..هأو
    ومابين شاي ونسكافيه واكل جنب الكمبيوتر ..

    وطبعا نجوم اف ام علي كيفك..

    تبص تلاقي الساعه بقت 3..

    (اوبــــــاااااااا انا لسه مذاكرتش )

    رجعنا لموضوع المذاكره

    (تصدق انا كنت نسيت برضو اننا بنتكلم عليها)..

    احم احم..

    اذاكر ايه ولا ايه
    تحط كل الكتب قدامك..

    ممممممم لاياعم بلاش ابدأ بده..عايز حاجه تفتح النفس!

    ولا ده ييييييييييييييه ..ده دكتور نكد

    وده بقي ..
    لا لا مليش مزاج..الغلاف شكله مش عاجبني

    علي ما تخلص تناكه علي كتب الكليه تكون عدت بالقليل نص ساعه..

    تكون اخترت الكتاب بقي اللي هتنزل عليه تاكل الورق من كتر المذاكره

    الله..طب مش هتصلي الفجر؟؟؟؟!!!!

    دانت حتي ف ايام امتحانات عشان ربنا يباركلك..

    تروح تصلي الفجر وترجع.......

    اما ابص بسرعه كده ع الفيس بوك ..يمكن حد بعتلي حاجه مهمه
    (علي اساس انك عمر الشريف)..

    تدخل ع الفيس بوك..وسبحان الله..متلاقيش حاجه مهمه..
    شوف انت بقي..بيفتح السمكه..ههههههههههه ملقاش الخاتم..

    احم احم

    تقوم محترم نفسك

    لا هذاكر سيبوني بقي..

    لأ تؤجل عمل اليوم الي كمان شويه.
    .بس المشكله ان الساعه بقت 6 الصبح..تفتكر هعرف اركز؟.....
    هحاول

    تقعد قدام الكتاب..



    تقعد قدام الكتاب..



    تقعد قدام الكتاب



    (مهو كل اللي انت بتعمله انك بتفضل تقعد قدام الكتاب)..


    وبعدين...

    .لا انا زهقت بقي ومش عارف اركز....

    الساعه دلوقتي 7ونص هدخل انام واصحي فايق بقي واخد اليوم من اوله

    وسلاموز بقة



  2. #2
    تاريخ التسجيل
    30 - 4 - 2009
    ساكن في
    هناهــو
    المشاركات
    14,292
    مقالات المدونة
    20
    النوع : انثيEgypt الفريق المفضل  : الاهلي

    افتراضي


    ههههههههههههههههههه
    ربى ياخد المذاكره
    بكرهها بكرهها بكرههاااااااا
    ههههههههههه
    بكد توبيك كامد موت
    تسلميلى ياقمر



  3. افتراضي

    ههههههههههه
    توبيك جامد جداااااا
    تسلم الايادى




    people talke about the quiet befor the storm but no one talkes about the quiet after it at least after it
    people know it really over
    البحث على جميع مواضيع العضو bode bedo

  4. #4

    افتراضي

    هههههههههههههه

    مش للدرجادى

    ذاكر ذاكر كى تنجح

    انت كده هتدمر الجيل
    ومما زادنى فخراً و تيهاً *** وكدت بأخمصى أطأ الثريا
    دخولى تحت قولك يا عبادى ** و أن صيرت أحمداً لى نبياً


    البحث على جميع مواضيع العضو ابو تريكه

  5. #5
    تاريخ التسجيل
    17 - 7 - 2010
    ساكن في
    فى بلاد الله الواسعة
    المشاركات
    16
    النوع : انثيEgypt الفريق المفضل  : الاهلي

    افتراضي

    نورتونى يا جماعة

    احساسى بقلبى سر وحدتى




    لست مجبره ان يعرف الاخرين من انا!!!
    فمن لديه مؤهلات القلب ! والعقل ! والروح
    !سأكون امامه كالكتاب المفتوح




    البحث على جميع مواضيع العضو paradise86

  6. #6
    تاريخ التسجيل
    3 - 4 - 2009
    ساكن في
    القاهرة
    المشاركات
    200
    النوع : انثيEgypt

    افتراضي

    بجد المذكرة مهمة بس يا رب منكسلس
    حتى نعرف المواد اه بجد الموضوع روعة
    تقباى مرورى يا عسل

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©