لو سألتك انت مصري تقولي ايه ؟

[عفريت أفندى]

لو سألتك انت مصري تقولي ايه ؟


طبعا سؤال مهم قوي من واقع اغنية نانسي عجرم وهو سؤال "لو سألتك انت مصري تقولي ايه ؟؟؟؟

والإجابة من كل شخصية من دول علي هذا السؤال هتكون مختلفة حسب طبعه وطريقة كلامه ونشوف مين هيجاوب :



**أشرف عبد الباقي : لو سألتني انا مصري اقولك ايه؟؟ اه مصري يا معلم طبعا امال ايه يلا يا رمزي يلا طبعاااا مصري يلاااا يلااا ياد من هنا ياااد

**مرتضي منصور : نعم يا حبيبي؟؟؟ طبعا مصري انت بتشك ولا ايه؟؟ مصري اكتر منك ومن اهلك وانا عارفك علي فكرة وهاجيبك

**يسرا: طبعا مصرية المصري اصلا حد جميل وشخصية امورة جدا وانت حد جميل قوي انت اسمك ايه ؟

**أسامة منير : انا مصري بحب وبعشق كل حاجة في مصر بحب ترابها بحب سمارها بحب شمسها بحب "خلاااص ياعم اسكت بقي"

**مروة رخا : طبعا مصرية بحب كل حاجة في مصر بس مش بحب الرجالة المتسلطة البايخة اللي فيها بلاقي الرجالة كده زي كائن عنكبوتي ساذج متحذلق أيوني الهوية واشبه بكائن السلطعون

**معارض سياسي : لاااا يا حبيبي السؤال ده تسأله لناس احنا عارفينهم كويس قووووي ..ماااشي يا حبيبي مش ليا انا خالص انا محدش يزايد عليااااا انت فاااهم انا وطني جداااا

**نوال السعداوي: طبعا مصرية وجميلة كمان اصل الجمال مش مجرد جمال سطحي كده انا قدام نفسي اجمل امرأة مصرية

**مدحت شلبي: اولا اقولك يا مساء الانوار عليك واقولك طبعا مصري واقول للقلة المشككة المنحرفة "انتوا مش فاهمين حاجة" مع احترامي طبعا..انتوا شوية ......مع احترمي طبعا..انتوا مينفعش تطلعوا علي المحطات وتتكلموا عن مصريتي لانكم .... مع احترامي طبعا

**شادي محمد : والله بسم الله الرحمن الرحيم هو انا اكيد مصري يا كابتن وبحب مصر جدا وبسم الله الرحمن الرحيم الواحد بيحاول يبقي مصري علي قد ما يقدر وان شاء الله نجتهد الفترة الجاية ونقدم احسن حاجة عندنا يعني شكرا يا كابتن

**ايناس الدغيدي : مصرية مش مصري ..كلمة مصري او اي حاجة مذكرة بتجيبلي اشمئزاز لاننا في مجتمع ذكوري قذر منحط

**احمد فؤاد نجم : مصري؟؟ ده انا مصري من صميم قلبي واقول للحاكم بتاعنا ..او الحاكم الجاي..يا عريس الدولة افرح واتهنا واخرج من جنة وادخل علي جنة مش هارية بدنا ولا فاقعة ..............تيييييييييييت( الرقابه حذفت الكلمه )

**ممدوح فرج : هااااي انت اكيد مصري ..وكنت بطل العالم بإسم مصر حتي لو كنت بلاعب علي ايامي لعيبة بكروش وبيعرجوا اصلا في حلبة المصارعة بس انا بططل مصري
وثواني ونرجججججججججع لبعض تاني

**عمرو أديب : امال ايه يا سيدي ..يا سلام بقي علي مصر بليل والواحد بياكل من عند بلبع والاكل بيلعب كده في الطبق وحتة الكفتة بترن فوق الطرابيزة مع الطحينة بقي يااااااااه يا سلام علي مصر

**تامر حسني : اجمل حاجة فيك يا مصري هي دي..اااااااه هي دي طيبة قلبك..واجمل حاجة في ابن بلدي هو ده ااااااااااه هو ده...وبعدين يا عم هو انا كنت اعرف اربي شعر صدري ده من غير مصر مصرونيلها الطيب هو اللي نبت شعري المشهور ده وبعدين انا نجم الجيل المصري

**حمادة هلال : مصري وابن بلد واحب اقول لمصر "واقع في شبكتك وبخطط وبتكتك..مستني اللحظة اللي الاقيني شبكتك اااااااه ما انا قلبي اتخبط واتقطع واتفرتك "

**اخوان مسلمين : مصري مسلم موحد بعون الله واحب اقول "اسلااااااااامية اسلاااااااااامية"




وانت هتقول ايه لو سالتك

انت مصرى؟؟؟؟؟؟؟؟

[jewel_lowis]

ههههههههههههههههههه
فعلا
ده اسلوب كل واحد
مع اعتراض بسيط
مدحت شلبى
مش بيشتم كده والله
انا بشوفه كل يوم
وهو محترم جدا
ولو سالونى انت مصرى هاقولهم
اكيد مصرى
شكرا لك

[عفريت أفندى]

ههههههههههههههههههه
فعلا
ده اسلوب كل واحد
مع اعتراض بسيط
مدحت شلبى
مش بيشتم كده والله
انا بشوفه كل يوم
وهو محترم جدا
ولو سالونى انت مصرى هاقولهم
اكيد مصرى
شكرا لك

امممممممممم

أوك يا جناب المشرف العام

انا أقدر أعترض ع التعديل ؟ اللهم لا اعتراض

والطيب أحسن

ههههههههههههه

منوره التوبيك بمرورك و مشاركتك

دمت بود

[ضحكات مسروقه]

طبعا احنا لما بنتولد ولا بنختار الاب ولا الام
وايضا مش هنختار الوطن الا لو كنا ناويين نهاجر
ونفلسع على بلد تانيه بس ده عمره ما هيحصل
فانا مصريه مصريه مصريه مصريه بالاربعه

[حسـام]

اكيد طبعا مما لايدع مجلا للشك انا مصرى مصرى مصرى
بس لو مصر احتاجيتنى هقولها سورى انا فى الشغل عشان اجيب لقمة العيش الى استكرتيها علينا

[عفريت أفندى]

طبعا احنا لما بنتولد ولا بنختار الاب ولا الام
وايضا مش هنختار الوطن الا لو كنا ناويين نهاجر
ونفلسع على بلد تانيه بس ده عمره ما هيحصل
فانا مصريه مصريه مصريه مصريه بالاربعه

تسلمى يا ضحكات

منوره الموضوع بمرورك و مشاركتك

دمت بود

[عفريت أفندى]

اكيد طبعا مما لايدع مجلا للشك انا مصرى مصرى مصرى
بس لو مصر احتاجيتنى هقولها سورى انا فى الشغل عشان اجيب لقمة العيش الى استكرتيها علينا

مش مصر اللى استكترت لقمة العيش علينا

إحنا اللى استكترناها على نفسنا بسكوتنا و صمتنا و عدم المطالبه بحقوقنا

تسلم أخى حسام على مرورك و مشاركتك

دمت بود

[آيه محمد]

آه والله عندك حق
واكتر تعليق عجبنى هوده
**يسرا: طبعا مصرية المصري اصلا حد جميل وشخصية امورة جدا وانت حد جميل قوي انت اسمك ايه ؟
بجد عرفت تقلدها
اكيد انت حد كويس هههه
وياريت متنساش تقولها اسمك ايه

[عفريت أفندى]

آه والله عندك حق
واكتر تعليق عجبنى هوده
**يسرا: طبعا مصرية المصري اصلا حد جميل وشخصية امورة جدا وانت حد جميل قوي انت اسمك ايه ؟
بجد عرفت تقلدها
اكيد انت حد كويس هههه
وياريت متنساش تقولها اسمك ايه

فعلا أنا حد كويس

و ياريتها تسألنى

هتلاقى اسمى و رقم تليفونى و عنوانى

هههههههههه

منوره يا آيه

[هشام اللول1]

اكيد مصري مصري يعني
وبحب بلدي جدا
ونفسي اشوف مصر بلد متقدمه
ويخرج منها الحزب الوطني


ونفسي اشوف اهلها مش مظلومين
وواخدين حقهم فيها

تسلم ياوليد علي الموضوع
حفظك الله ورعاك