التطور الطبيعي للحاجه الساقعه

[SCREEM]

غلاء اسعار-ضرائب-انتخابات مزوره-رغيف عيش- واسطه محسوبيه

الفطار بتاع كل يوم كل واحد يصحي وينام يلاقي الحجات دي في وشه ربنا مايحرمنا منها والحقيقه ان الحكومه مش مخليانا محتاجين حاجه يعني مصر الدوله الوحيده الي عندها اكتفاء ذاتي ف التناحه حاجه محصلتش قبل كده

ويفضل المواطن المصري مبسوط ابتسامه عريضه علي وشه بسبب او من غير سبب كده

هو الراجل خلاص بقي متبرمج ربنا يخليلنا الحكومه الذكيه من كتر الي الناس بتشوفه الراجل خلاص اتبرمج هو بيصحي كل يوم الساعه سبعه هو مش عارف ايه الي مصحيه بس اهو بيصحي يطلع هو مش عارف رايح فين بس هو مبترمج خلاص ومره واحده يلافي نفسه قدام محطه اتوبيس وناس بتجري هو مالوش دعوه مبترمج الراجل بيجري بقدره قادر يلاقي نفسه جوه صندوق باربع عجلات وفيها 100 واحد اسمه اتوبيسات النقل العام ويفضل علي كده لحد مايرجع بيته تاني وبرضه نفس الابتسامه علي وشه

كميه اللامبالاه الي بقت عند الناس رهيبه

ماهو ده مش هيحل حاجه وكل ماتحصل مشكله وتتحل اصل ده كان بناء علي توجيهات السيد الرئيس خلاص الرئيس الجاي يعمل جمعيه ويقبض خمس وزارات مع بعض يبقي رئيس الجمهوريه ووزير الداخليه وززير الماليه وززير الاسكان عشان محدش يطلع يقول بناء علي توجيهات سيادته

كلمه اخيره للمواطن المصري


من يبني آمله على الأوهام..يجدها تتحقق في الأحلام






...اقعدو بالعافيه...

[عفريت أفندى]

تصدق فعلا يا كريم ممكن الحكومه تكون برمجت الشعب !

يعنى الناس كلها متبرمجه

اللى بات فيه تصبح فيه و بدون اعتراض

قادر ربنا يفك البرمجه دى يا كريم

و مبروك الإشراف يا عمونا

[العاشقة المجروحة]

الناس من يأسها إستسلمت
متعرفش خوف وجبن ولا برود ولا تعود ولا ايه بالظبط
حتى الحكومة مبقاش يهمها اى حد يتكلم عادى ولا كإنه موجود
سيب اللى يقول يقول مش هيأثر فينا
والروتين بقة هو كل حياتنا خانقنا بس مش عارفين نغيره
و كل اللى علينا نقوله حسبنا الله ونعم الوكيل
ماهو مفيش فى إيدينا حاجة نعملها
مع ان اللى فى ايدينا كتير بس عاميين نفسنا عنه
شكرا لطرحك المميز يا كريم
تقبل تحياتى ومرورى

[SCREEM]

تصدق فعلا يا كريم ممكن الحكومه تكون برمجت الشعب !

يعنى الناس كلها متبرمجه

اللى بات فيه تصبح فيه و بدون اعتراض

قادر ربنا يفك البرمجه دى يا كريم

و مبروك الإشراف يا عمونا

ان شاء الله ياوليد

دوام الحال من المحال

والله يبارك فيك ياعمونا انا اتفاجات لسه داخل النهارده

الف شكر لمرورك ياحاج

[SCREEM]

الناس من يأسها إستسلمت
متعرفش خوف وجبن ولا برود ولا تعود ولا ايه بالظبط
حتى الحكومة مبقاش يهمها اى حد يتكلم عادى ولا كإنه موجود
سيب اللى يقول يقول مش هيأثر فينا
والروتين بقة هو كل حياتنا خانقنا بس مش عارفين نغيره
و كل اللى علينا نقوله حسبنا الله ونعم الوكيل
ماهو مفيش فى إيدينا حاجة نعملها
مع ان اللى فى ايدينا كتير بس عاميين نفسنا عنه
شكرا لطرحك المميز يا كريم
تقبل تحياتى ومرورى

خليهم فاكرين ان الكراسي دي دايمه في مقوله بتقول

مثل المغرور كمثل ديك يظن أن الشمس لاتشرق إلا لتسمع صياحه


الف شكر لمرورك الجميل نورتي

[دره]

مممممم
تصدق انا كنت فعلا نفسى اعرف الابتسامه الجميله دى اخرتها ايه
طلعت تكشره زعل وبعدين ابتسامه
شعب يفقع المراره لو مكنتش اتفقعت


مبروك الاشرااااف

[SCREEM]

مممممم
تصدق انا كنت فعلا نفسى اعرف الابتسامه الجميله دى اخرتها ايه
طلعت تكشره زعل وبعدين ابتسامه
شعب يفقع المراره لو مكنتش اتفقعت


مبروك الاشرااااف

انتي متعصبه كده ليه روقي كده بس واعملي كده

دي الحياه زي الفل ومفيهاش مشاكل

الله يبارك فيكي ومبروك ليكي كمان

الف شكر لمرورك الجميل نورتي

[ايسل]

عادى عادى خلينا نضحك احنا بدل ما يضحكوا هما علينا

خلينا متنحين بدل ما نركز فى اللى بيعملو ويجلنا بله مغولى

خلينا عاملين عبط بدل مانركز وهما بردو يستعبطونا خلينا مبرمجين بدل ماننهار

خلاص استولى على كل حاجه ومش هيبعدوا ولا بالطبل البلدى ولو جتلنا الجاعه وبطلنا تناحه ولا مبالاه واستعباط صدقنى هنقوم عليهم وهما مش هيستسلمو والخساير هتبقى كتير فخلينا احسن مبرمجين

شكرا للنصيحه كريم والف مبروك على الاشراف ياابن اختى

[SCREEM]

عادى عادى خلينا نضحك احنا بدل ما يضحكوا هما علينا

خلينا متنحين بدل ما نركز فى اللى بيعملو ويجلنا بله مغولى

خلينا عاملين عبط بدل مانركز وهما بردو يستعبطونا خلينا مبرمجين بدل ماننهار

خلاص استولى على كل حاجه ومش هيبعدوا ولا بالطبل البلدى ولو جتلنا الجاعه وبطلنا تناحه ولا مبالاه واستعباط صدقنى هنقوم عليهم وهما مش هيستسلمو والخساير هتبقى كتير فخلينا احسن مبرمجين

شكرا للنصيحه كريم والف مبروك على الاشراف ياابن اختى

اه صح خلينا كده احسن حتي لو احنا لقينا حد كويس يحكمنا نزعل منه الناس خلاص بقت عايزه الي يظلمها شعب عجيب

الف شكر والله يبارك فيكي ياخالتي

[هشام اللول1]

علي راي سعد زغلول بيقولك
(( مفيش فايده ))
يعني انسي ياحاج
الشعب متبرمج من زماااااان

متبرمج علي سيستم معين
متبرمج ينزل لتحت الارض

لو برمجته علي فوووووق يهنج


تسلم علي الموضوع يا كريم
بارك الله فيك وحفظك ورعاك
دمت بخير وسعاده وصحه وراحه بال