مصرنا الى اين محاوره ابداعيه بين أ. أبو أحمد رزق و أ. إيسل

**محمد أبراهيم** · 24 - 12 - 2010, 10:22 PM

بصمـــتى
القاصى
بداخل حجرتى
ووسط اغراضى
كنت هلعا
فكان امتعاضى
فأرسلت شكوتى
أشكوا اليكم
حال بلدى
قد
ناشدتنى متوسله
تريد حلا
مزقها
الزمان مرارة
فكأسها بات
حنظلا
وهى تستغيث بنا
حلا
كنا
زرعناها ياسمينا
فهل
لناالان نحصده
شوكا
تكرما منكم
او تفضلا
فارفقوا الشكوى
حاضرا وماضى
لطفا لطفا
فلا حكم
افتراضى
تمهلوا
فاسمعوا منها
اولا
واسمعوا منها
ثانيا
وربما تاسعا
وعاشرا
فهكذا تقول
دعونى وشأنى
وحكم أبداعكم
الفيصل
اتركونى وحالى
ومن
اراد الرحيل
فليرحل
شغلتكم عنى الاضواء
سنين
تريدون حتفى
فصمتكم له
يتعجل
سأرقبكم من
سمائى
فيأبى لسانى
ان يخبرأبنائى
على الظلم
أن يتمهل
فهكذا قالت
واسمعوا صوت
أنينها
واصغوا لقصة
صمودها
فأنا اعشق
هذه البلد
فهي لحياتى
متسيده
قاتلها مستبد
وقبل
كلامى
قد يكون كلام
فاضى

هنا
يبدأ الحوار
بشكوى
و
رد
بقطاف حرف
وباقه شهد
ومساحه نضعها
بين ايديكم
منكم واليكم
على
موائد مصراوى
واجواء النبض
على اجنحه
الظلم
وبوابات الامل
هنا
نستقبل حروفكم
وكل
طرح جميل
بهدوء وصمت
وجمال لقاء
هكذا
تسير بنا
الصفحات
تحثنا على
العطاء
فمن وحى
ابداعكم
وطلب
مصرنا
بالدليل
يحلو
معكم اللقاء
بحوار جميل
هنا التقينا
وهنا سنلتقى
دائما
أخوتى
فقط أذكر
بأنها
صفحه خااااصه
يمنع مشاركه
اى عضو
بخاطره او بنقض
من خارج اصحاب
الموضوع
وسنكتفى بالمشاهده
ووضع مشاركه
بسيطه
للتحفيز
والاثاره

هنا

دائما

منكم واليكم

أ. أبو أحمد رزق \ أ. إيســـل

تحياتي لكـ

**محمد أبراهيم** · 24 - 12 - 2010, 10:23 PM

نبارك افتتاح

المحاوره الابداعيه

وفى

انتظار

ابداعكم

مودتى

**ايسل** · 25 - 12 - 2010, 10:08 PM

يا ابو احمد البحر ليه طايق سكون موته
وجميع خطوط الوطن مرهونه بشطوطه
والموج فقد عزوته والخوف كتم صوته
حتى القبطان احتمى من الريح بزعبوطه

راح نتحاور أنا و ابو احمد
لعيونك يامصر و الكل هيشهد
وبقولك..... خد بالك منى
ده انا مش سهله فابعد عنى
و الا عشان يعنى انا بنوته
لأ اصحى و شوف الحدوته
بنوته بس بمية راجل
و عشان مصر حبيبتى بناضل
يلا يا ابو احمد فين الهمه
مصر الغاليه عايزه الذمه
راح نتكلم عنها كتير
حب و لوم و كمان تغيير
نقد صحيح من غير تجريح
لاجل ما تصمد وش الريح
ناس بتقولك مصر بخير
مش هسكت وهقول امرين
بعد ما خربت المحاصيل
والقمح لون بن البرازيل
وياعينى على الشعب المتعوس
عمال بيلهط فى الفيروس
ويقولولك الدنيا بخير قولى يا ابو احمد فين الخير

**عفريت أفندى** · 26 - 12 - 2010, 12:52 PM

ها هى ايسل تعلن التحدى

لننتظر و نراقب رد أبو أحمد

هل قبل التحدى ؟

و هل سيترك ايسل دون رادع

و دون رد قاطع ؟

هذا ما سنكتشفه عند رؤية مشاركة أبو أحمد رزق

فى الانتظار

**بك أستجير فمن يجير سواك** · 26 - 12 - 2010, 03:05 PM

هنا نلتقى مع الشمس والقمر
هنا فقط نلمس عشق الوطن
هنا التحدى اجمل مع اطيب البشر
بحق سوف نستمتع معاكم
وهنيئا لنا بكم
نتتظرابو احمد
لنرى هنا جمال الحرف
عن مصرنااااااا

**ابو احمد رزق** · 26 - 12 - 2010, 05:31 PM

احبتي في الله
أعتذر عن التأخير في ردي وتواجدي
فهو قطعا خارج عن ارادتي
ولكني معكم الان
بقولك يا ايسل
هي مصر عايشة ازاي
؟؟؟
عايشة والظلم فيكي من سنين
والنهب زايد يا بلد زاد الأنين
والرشوة صارت يا بلد كده شيء مشين
ولا الضرايب يابلد لحد فين
أنا نفسي يوم يابلد تغمض لي عين
من غير دوي الانهيار اللعين
ليه يابلد الاحتكار لصالح مين ؟
شفتي العذاب يا بلد لأخيناالسجين
انعدمت فيكي العداله وخان الامين
من كتر ظلمك يا بلد صرت حزين
هي الرئاسة فين والشعب بيأكل الطين
ولا يدوب هما يجمعوا في الملاين
والله حرام يا ريس هو انت نايم فين
ساكت علي التزوير والسرقه والتدكين
نفسي يجي يوم تحكمنا بالدين
أنا نفسي أسمع يوم بوقف المفسدين
آه يابلد لو تُقيلي المسؤلين
وتجيبي دم جديد يكون عنده حنين
للخير والاصلاح والعطف علي المسكين
بحلم بحياه نقيه حلم الشعب الحزين
يمكن في يوم يتحقق حلم الملاين

هو بجد ممكن الحلم ده يتحقق ياايسل

**آية الرحمن** · 26 - 12 - 2010, 05:36 PM

هنا كتبت ايسل اجمل الكلمات
وتكلمت عن حال البلاد
وقبلت التحدى بالكلمات
ورد عليها ابو احمد بعزم
الكلمات وكتب ايضا فيما
يخص الشعب والبلاد
والى اين انتى ذاهبة ايها البلاد
كلمات رائعة منكم انتم الاثنين
ومحاورة رائعة حقا
سلمت يداكم

**~~ياسمين14~~** · 26 - 12 - 2010, 05:58 PM

سؤال لفارس الكلمة هى ياسمين ده اللى انتو زعتوها انا
ههههههههههههههههههه
وشكرا موضوع جميل تسلم الايادى

**ابو احمد رزق** · 26 - 12 - 2010, 06:54 PM

يلا يا ابو احمد فين الهمه
مصر الغاليه عايزه الذمه
راح نتكلم عنها كتير
حب و لوم و كمان تغيير
نقد صحيح من غير تجريح

انتي اللي طلبتي اقول بذمه

رغم الواقع اكبر مني لكني هقول
فين العالِم ليه للخارج منقول
عاوزين اصلاح مش كلام مدهون
لأن قطرات الندي تمحي اللون
ويبقي حالي كمااناالفطار فول
ومش لاقيه يا اخواني هو اناأطول
رغم ان حبك في الفؤاد مدفون
والعوده لحضنك دي نور العيون
كفاية استكانه كفايه خمول
يا شعب البطولة حطمتم الاسطول
ارجوك حبيبي ببلادك اهتم
فيك شجاعه ونخوة وعلم

وانتي يا ايسل اه بنوته
بس صحيح فيكي نضال
مصر تنادي يلا نلبي
ونسمع منك أحلي كلام

ال
اا

**دره** · 26 - 12 - 2010, 07:57 PM

رائعه تلك الكلمات من
ايسل
و
ابو احمد
دام لنا ابداعاتكم وتميزكم ودمتم لنا سالمين
ودى

الموضوع: مصرنا الى اين محاوره ابداعيه بين أ. أبو أحمد رزق و أ. إيسل

أدوات الموضوع

مصرنا الى اين محاوره ابداعيه بين أ. أبو أحمد رزق و أ. إيسل

معلومات الموضوع

الأعضاء الذين يشاهدون هذا الموضوع

المواضيع المتشابهه

القضاء الايراني يسمح لفتاة بوضع ماء النار في عيني الشاب الذي قام بافقادها بصرها

القضاء الايراني يسمح لفتاة بوضع ماء النار في عيني الشاب الذي قام بافقادها بصرها

جنينك يسمع اسمعيه القران وشوفى ايه الفوائد

الكلمات الدلالية لهذا الموضوع

ضوابط المشاركة