لو كان ربنا خلقني رقاصة ولا لعيب كورة

[SCREEM]

السلام عليكم ورحمه الله وبركاته

موضوع في كلمتين وانا مش هعلق انا هسيب التعليق ليكم واسف لغيابي الفتره الي فاتت

ده البطل المصري جمعه الشوان



وهذه كلماته


أنا بلوم الموساد الإسرائيلي لأنه سايبني لغاية دلوقت من غير ما يصفيني لأني خنتهم وحصلت لمصر علي أغلي أجهزة تجسس ورفضت أبيع بلدي ..كنت عايزهم يقتلوني ويريحوني بدال ما أنا قاعد استلف من الناس وابيع شقتي عشان اسدد ديوني وأجيب علاج " يعني لو كان ربنا خلقني رقاصة ولا لعيب كورة ولا مطرب كان الكل جري عشان يعالجني لما اتعب!".
بهذه الكلمات الصادمة تحدث أحمد الهوان الشهير بـ"جمعة الشوان" بطل عملية التجسس المصرية الشهيرة الذي اخترق الموساد الإسرائيلي علي مدار 11عاما متواصلة لـ"الدستور الأصلي"قائلا قدمت الكثير لمصر وتوجت سنوات عملي التي وضعت كفني علي كفي في كل لحظة فيها بالحصول علي أغلي جهازي إرسال في العالم في هذا الوقت ساعدا مصر كثيرا التحضير لمعركة أكتوبر والنتيجة ...... ثم صمت الشوان قليلا وأكمل بصوت تخنقه الدموع قائلا:الجوع كافر!!


وقال الشوان ان طلاء جدران منزله سقط منذ سنوات فغطاها بأوراق الصحف والمجلات والصور التذكارية التي جمعته بالرئيس عبد الناصر والرئيس السادات والتي تخلو للمفارقه من اي صورة للرئيس مبارك معه لأنه لم يلتق به إطلاقا منذ توليه رئاسة البلاد رغم أنه كان نائبا لرئيس الجمهورية وقت تنفيذ عمليته وكان سعيدا جدا بقدرته علي الحصول علي جهازي التجسس من اسرائيل ووجه الشوان للرئيس مبارك رسالة قال فيها:"ياريس واضح من اللي احنا عايشينه وشايفينه في البلد وانت بعيد ان اللي بيوصلك عننا غلط,أرجوك نظرة للشباب والشعب المصري ,ياريس أنا جمعه الشوان مش لاقي آكل"!

واختتم الشوان حديثه قائلا أن أكثر ما يحزنه أن اصدقاء ابناؤه يحاولون أن يتوسط لهم لدي المسؤلين لإنهاء مصالحهم وطلباتهم لأنه جمعه الشوان لكنهم لا يعرفون أن حالة جمعه الشوان وأولاده أتعس منهم –علي حد قوله-

وكانت آخر عبارات الشوان لنا "الرحمة.. أنا ببقي مكسوف من نفسي لما بحكي عن اللي بيجرالي أو بمد إيدي عشان استلف من حد "




وتحيا جمهوريه مصر الملكيه


اقعدو بالعافيه

[عفريت أفندى]

هل جزاء الإحسان إلا الإحسان ...


بارك الله فيك يا كريم

و كان الله فى عون البطل أحمد الهوان

فاضل إيه أكتر من كده !!!

حتى الأبطال يتم نسيانهم و تجاهلهم

حكومه لا تعرف قيمة التضحيات و لا تقدر الأبطال

و لا حول و لا قوة إلا بالله

[هشام اللول1]

ثم صمت الشوان قليلا وأكمل بصوت تخنقه الدموع قائلا:الجوع كافر!!

والله العظيم حرام فعلا
وقال كلمه حق
انه لو رقاصه و لافنان ولا لعيب كوره
كانوا جروا وراءه علشان يعالجوا

والله دي وصمه عار في تاريخ حسني مبارك
ان الابطال الحقيقين يتبهدلوا كده
والابطال المزورين ( رقاصيين وفنانين ولعيبه ) يتكرموا

حسبي الله ونعم الوكيل فيك ياحسني انت والحراميه اللي معاك

شكرا سكريم علي الخبر
بارك الله فيك وحفظك ورعاك
دمت بخير وسعاده وصحه وراحه بال وود

[دره]

حسبى الله ونعم الوكيل فيك وفى الحراميه اللى معاك
لما بطل زيه حالته كده
يتقال فيك ايه
حسبى الله ونعم الوكيل
والله العظيم معندك دم
منك لله انت والبلاوى اللى معاك
لا اله الا انت سبحانك انى كنت من الظالمين

[الحريه]

انت فى عصر مبارك يا والدى
عصر الاستعباد عصر الذل والهوان

أنا بلوم الموساد الإسرائيلي لأنه سايبني لغاية دلوقت من غير ما يصفيني

ومين قالك ان الموساد مش قتلك
قتلك بس انت مش واخد بالك
امال اللى انت فيه ده ايه مش موت
وموت بطىء كمان
ده اقسى عقاب من الصهاينه

شكرا ع الخير سكريم

[محمد مدحت راغب]

حسبي الله ونعم الوكيل فيك يا حسني ياابن مبارك
فعلا والله لو رقاصة ولا مطرب او ممثل الي بيخدو علي المسلسل الواحد بي 3 مليون جنية عشان مسلسلات وافلام تافهة
وبطل زي جمعة الشوان يحصلو كدة يبئ حسبي الله ونعم الوكيل فيك يا حسني انت والي حواليك

تسلم ايد يااخي الفاضل ع هذا الموضوع
دومت بوود

[white_rock]

انا مش هكون مندهش لو ان الموساد هو اللي طلب من قيادة مصر السياسية انه يخلي البطل ده يشحت
مش هندهش لو عرفت ان القيادات المصرية اصبحت بتحارب شعبها وناسها عشان يرضى عنهم اليهود
مصلحة اسرائيل اولا واخيرا ابقاء مصر ضعيفة ومفككة ويا سلام بقى لو حبة فتنة طائفية عشان البلد تضيع اكترما هي ضايعه
كل اللي اقدر اقوله
حسبي الله ونعم الوكيل في كل مسؤول عارف انه بيدمر البلد وقاعد على كرسيه مبسوط وعاوز الكرسي يتورث لابنه