يادنيا حزنك جبال ...!!!

**هشام اللول1** · 4 - 1 - 2011, 12:49 PM

شعر راقي يحكي واقع عن بلادنا
للشاعر / حسني عبد الله

يادنيا حزنك جبال
فوق الصدور حطت
قتلت بذور الأمل
من قبل ماتنبت
وكل مادا ومادا
الحزن في قلوبنا
عمال بيكبر لحد
فروعه ماتمدت
*******
ماتقوللي فين الأمل
وسط البطالة ياعم
وناس بتسرق وتنهب
وناس حياتهم هم
وناس تدوس الغلابه
من غير خشى ولا دم
وناس خلاص افتروا
وماتت ضمايرهم
واما الضمير ينتهي
مات الأمل م الغم
*******
ياعم وفر كلمتك
واكتمها للأيام
وشوف مكان يسترك
وادارى لجل تنام
دي الدنيا مش دنيتك
ماتعيشي في الأوهام
وان كنت فاكر
هاترجع زي ماكانت
كفايه صحصح بقى
واصحى من الأحلام
*******
الخوف معشش وفارد
ضله ف ضلوعنا
خايفين على نفسنا
ونخاف على زروعنا
اللقمة مرة بناكلها
تحلالنا من جوعنا
وندوس آهات الألم
ونداوي ف اوجاعنا
وعيوننا لو رغرغت
نقفل مدامعنا
ولو رنين الأمل
زغزغ مسامعنا
وقلنا ضحكت خلاص
الدنيا من تاني
نلقى شيطان الخوف
صحى مواجعنا
*******
ممكن نشوف الأمل
بس ف زمن تاني
زمن نشوف الناس
بتحاسب الجاني
زمن نشوف الديابه
ويا الغنم ترعى
ونشوف جميع البشر
لاتخاف ولاتعاني

**محمد أبراهيم** · 4 - 1 - 2011, 03:11 PM

واى حزن
اكبر من حزن النفس
يشعل الاوراق حرقه
ويبعثر الهمس
وأه من دنيا كلها
فانية
تصطلي الحرف بالنار
بثانية
نشكل الصفحات بألوان
الدمع
فوقفنا نتعجب
أنحن جناة
ام هى الجانية
الرائع
هشام اللول
اثرى قلمك الصفحات
بذائقه واطلاله
انيقه
ممزوجه بسحر
حرفك
ومشرقه بنبضاتك
وكرمك
ذائقه اورقت اشجار
المعاني
واثمرت به الصفحات
فجئت
لتحول الحزن فينا
مسرات
اخى الفاضل
لك خالص تقديرى

**بك أستجير فمن يجير سواك** · 4 - 1 - 2011, 07:55 PM

جميله جداااااااااااا
سلم اختيارك المبهر دائما هشام
بجد رووعه واقع مؤلم ونسال الله
ان يرحمنا ولا عدمنا خير كلامك
تحياتى ووفير احترامى
حفظك الرحمن

**هشام اللول1** · 5 - 1 - 2011, 08:53 AM

المشاركة الأصلية كتبت بواسطة فارس الكلمه

واى حزن
اكبر من حزن النفس
يشعل الاوراق حرقه
ويبعثر الهمس
وأه من دنيا كلها
فانية
تصطلي الحرف بالنار
بثانية
نشكل الصفحات بألوان
الدمع
فوقفنا نتعجب
أنحن جناة
ام هى الجانية
الرائع
هشام اللول
اثرى قلمك الصفحات
بذائقه واطلاله
انيقه
ممزوجه بسحر
حرفك
ومشرقه بنبضاتك
وكرمك
ذائقه اورقت اشجار
المعاني
واثمرت به الصفحات
فجئت
لتحول الحزن فينا
مسرات
اخى الفاضل
لك خالص تقديرى

اخي الكريم فارس
اشكر حضورك الانيق
بكلماتك الساحره
واثرائك النقي
وقلمك المنير

واللهم ابعد عنك الاحزان
ولا يحرمك من المسرات

بارك الله فيك وحفظك ورعاك
دمت بخير وصحه وسعاده وراحه بال وود

**هشام اللول1** · 5 - 1 - 2011, 08:55 AM

المشاركة الأصلية كتبت بواسطة ياربى مـالى سواكـ

جميله جداااااااااااا
سلم اختيارك المبهر دائما هشام
بجد رووعه واقع مؤلم ونسال الله
ان يرحمنا ولا عدمنا خير كلامك
تحياتى ووفير احترامى
حفظك الرحمن

الاروع في مرورك الطيب ريم
لقد اعطرتي متصفحي المتواضع
بفواح قلمك النقي

بارك الله فيكي وحفظك ورعاكي
ودمتي بخير وسعاده وصحه وراحه بال وود

الموضوع: يادنيا حزنك جبال ...!!!

أدوات الموضوع

يادنيا حزنك جبال ...!!!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة