قولولى أعمل إيه فى مشكلتى؟

[the mister]

أنا شاب فى السنة الرابعة فى كلية الهندسة وحبيت فتاة محترمة ومتدينة وهى بالمناسبة فى السنة الرابعة فى كلية التمريض ولكنه كان حب من طرف تالت على رأى أحمد حلمى
مارضيتش أصارحها بمشاعرى لسبب واحد وهو ان لازم الأول والدى يكون موافق عليها علشان أخطبها بعد التخرج ومايبقاش لعب ببنات الناس
المهم أخبرت والدى أنى أحب فلانة وعلى غ وأريد أن أخبرها برغبتى فى الارتباط بها دون أى أمور رسمية لحين التخرج فكرة عمى متزوج من أختها فقال لى أنها محترمة وأخلاقها كويسة وكله تمام ولكن ماينفعش تتجوز واحدة ممرضة وقالى أنا عايزك تتجوز واحدة مهندسة واحدة دكتورة فهذه هى نقطة الخلاف الوحيدة فأنا الوقت مش عارف أخبر محبوبتى بحبى لها وبعد التخرج أحاول اقناع والدى أم أنتظر لحين التخرج على أساس أنها لن ترتبط خلال هذه الفترة وهذا أمر أنا أستبعده
وماذا أفعل لاقناع والدى بها؟
أنا عاوزكوا بجد تنصحونى وماحدش يبخل برأيه علشان ماخدش أى خطوة أندم عليها بعد كده

[آية الرحمن]

هحاول الاول اقناع والدك قبل ما تصارحها بأى حاجة
علشان لو مقدرتش تقنعة متبقاش جرحتها
وفى مليون طريقة ممكن تقنع بيها والدك ولازم
والدك يعرفها ويسئل عنها مينفعش يرفضها كدة لمجرد
انة بيدور على الشكليات ممكن تكون الممرضة دى
احسن بمليون مرة من الدكتورة المهم اخلاقها وادبها
ولو هو معترض على المهنة ممكن لما تتخرج متشتغلش
وتتفرغ لبيتها او تشتغل فى صيدلية وبالتالى محدش
هيقولها انتى ممرضة بالعكس كل الناس هتفتكرها دكتورة
طالما هو دا هدف والدك وكل الى بيفكر فية الشكليات
بس انت حاول اقناعة بكل الطرق وحاول متتنازلش عن
حبك بس فى نفس الوقت متعصاش اهلك
وبين لوالدك كل مميزاتها وانها هتقدر تسعدك وتحافظ
عليك احسن من اى حد تانى واكيد هو كل همة ساعدتك

[عمارطه2009]

مش هقول اكتر ماقالت الاخت سندريلا وحاول تقنع ابوك وتقوله انها ممكن مش تشتغل بعد التخرج وربنا يقدم اللي فيه الخير

[lokka]

طبعااااا ...حاول اقناااااااااااااااع والدك اولا عشان متظلمهاش معاااك وانت اكيييد برضو حتعرف تجيب ناعم مع باباك اه حاجة كلو بييجى بالسياسة مش بالعند ...وباذن الله حتكون من نصيبك

[ELBRNSISA ESRAA]

بص انتا فعلا حاول الاول انك تقنع باباك قبل ما تصرحها وربنا معاك

[nor_taha2001]

الموضوع دى صعب اولا لازم تقنع والدك بس المشكلة هنا ان يكون والدك رايه مثل عمك زوج اختها والمفروض ان يكون هو من يقف بجواركفى هذه الظروف بس فى حاجة انا مش فهماها هى قولك حب من طرف تالت بس اتمنى لك التوفيق

[هانى السيد]

حاول تشرك عمك فى الموضوع لانة ممكن يكون لة تاثير على والدك 000000واتمنى لك التوفيق

[روكي]

انا راي انك تحاول تقنع والدك بدخول طرف ثالث يقتنع بكلامه والدك وفي الوقت نفسه تحاول تلفت نظر محبوبتك عشان مضعش منك وربنا يوافقك ان شاء الله

[jewel_lowis]

طبعا كلام باباك اهم من اى حاجه
فلو مقتنعش يبقى حاولتصرف نظر
وعلى فكره
مش دايما البنت لما تكون محترمه ده كل حاجه
بجانب الاحترام لازم يكون فى تكافؤ
لان الحب مش كل حاجه
ولو اتجوزتها احتمال تواجه مشاكل فيما بعد
والله اعلم طبعا
بس خليك عارف ان ده نصيب فى الاول والاخر
وربنا يوفقك

[حب العمر]

انا من رايى ايضا انك لازم تقنع والدك الاول وما ينفعش تكلم البنت قبل ما يكون والدك والدك مقتنع لان ده اكيد هيجرحها
وعلى فكرة كليات التمريض مجموعها دلوقتى عالى جدا ممكن يوصل انه يبقى اعلى من الهندسة(انا اقصد كليات التمريض5سنين)
وربنا معاك وتقدر تقنع والدك
وابقى طمننا على اخبارك