اصحي يا دكتور نظيف ..!!!

**هشام اللول1** · 13 - 1 - 2011, 07:25 PM

أحمد خيرى يكتب: اصحى يا دكتووور

وجه إليك يا رئيس وزراء مصر هذه الكلمات من مواطن بسيط جدا لا يهمه غير بلده، واعذرنى إن تجاوزت اللياقة أو حدودها فهذا من عشمى. يا دكتور ألا ترى ما يحدث فى تونس ليس منا ببعيد، وأن الكبت والبطالة وسوء أحوال عامة الشعب والفساد، وكبت الحريات جعل التونسيين ينفجرون والبداية كانت فى قرية صغيرة، ثم انتقلت العدوى لقرى وأماكن أخرى، وإذا كانت تونس بلد صغيرة فنحن بلد كبير، وإذا حدث هذا فستكون عاقبته وخيمة.
أرجوك اصحى.

يا دكتور ألا ترى ما يحدث فى السودان والعراق واضطهاد الأقليات وضياع حقوق الإنسان هو بداية التفتيت، ومؤشر خطير لحروب أهلية مستقبلية وليس السودان عنا ببعيد.. أرجوك اصحى يا دكتور.. انزع فتيل الانفجار واجعل وزراءك ينزلون إلى الشارع ويتحسسون مواجع الألم والشكوى قبل الصراخ ويعملون على تثبيت الحالة والعلاج تدريجيا قبل أن تتدهور إلى الأسوأ
. أرجوك اصحى..

يا دكتور أصدر تعليماتك للوزراء بمشاركة المواطن فى مشاكله والعمل على حلها وكلها فى الإمكان، اجعلهم يذهبون إلى موقع الحدث حيث المعتصمون من أصحاب المقطورات، حيث المعتصمون فى الشركات، حيث طوابير أنابيب الغاز، حيث مظاهرة لمدارس بنات، حيث أساتذة جامعات مطالبين بحقوقهم، حيث ازدحام فى الشوارع وتعطل لوسائل المواصلات، حيث إضراب السائقين للمترو وغيره.
اصحى أرجوك..

يا دكتور اجعل وزراءك يقيمون بجولات تفقدية فى كل المواقع والمشروعات يتابعون ويراقبون ويكتشفون أوجه الفساد والتقصير، فالمستشفيات مازالت سيئة والمدارس مازالت إلى الأسوأ والمواصلات والحوادث إلى الحضيض، والمبانى المنهارة تزداد بضحاياها، والسياحة تتقهقر، وإعداد المستثمرين والصناعة والزراعة تتراجع.. والبطالة والعنوسة للركب والاحتقان الطائفى تورم فى الصعيد.. أرجوك اصحى يا دكتور... جديد أن نسمع عندنا فى مصر بإضراب لسائقى المترو.. جديد أن نسمع فى مصر بمظاهرة لمدرسة بنات.

جديد أن يئن الجميع فى وقت واحد بهذه المفردات.. التزوير... الموازى... البرادعى.. خالد سعيد... ارتفاع الأسعار.. التحرش... حوادث النقل... السحابة.. أرجوك اصحى يا دكتور.. اعمل على أن يكون المواطن فى الدرجة الأولى من اهتمام الوزراء، فالمواطن لا تهمه ولا يريد أن يفهم لغة الأرقام والبيانات والتصريحات البراقة، كل ما يهمه أن يشعر ويجد ويلمس انخفاضا فى الأسعار، واحتراما لآدميته، وخدمة ومعاملة حسنة فى المدرسة والمستشفى والشارع والمصنع، ويسعده وجود وتوفر ضرورياته بجودة وسعر مناسب لدخله وبطرق آمنة وحياة آمنة.

المواطن نفسه يرى نائب دائرته ويرى المحافظ مرة فى الشهر يسمع لشكواه نفسه يرى الوزير مرة واحدة سنويا فى محافظته يفهم منه ويشعره بكونه كائنا حيا له اعتبار على مدار العام وليس وقت الانتخابات فقط.. يريد وزراء يسمعون لشكواه ويضمدون جراحه ويطبطون عليه فهو الآن كالقدر يغلى ومكتوم فى انتظار أى قرار خاطئ.. فلتمتد يدك بسرعة يا دكتور وانزع هذا الفتيل واثبت فعلا للمواطن أن الحكومة على حق تفعل ما تقول..
أرجوك اصحى يا دكتور.. وكل عام وحضرتك بخير.

الدكتور نظيف فعلا صاحي
ومش بينام من كتر التفكير
التفكير ازاي يزود الاصفار في بنوك سويسرا ..؟؟
التفكير ازاي يقعد اكبر فتره ممكنه علي كرسي الوزاره ..؟؟
التفكير في كيفيه ارضاء الايادي الخفيه التي تلعب في مستقبل مصر ..؟؟
الفكير في مصالحه الشخصيه فقط ..؟؟

**drmido119** · 13 - 1 - 2011, 08:04 PM

بلاش دوشة لو سمحت دكتورنظيف نايم

**ايسل** · 13 - 1 - 2011, 09:38 PM

يااااااااااه كل دى طلبات علشان منعملش زى تونس وانت يا عم احمد بتطلب ده كله من نظيف عارف هيقولك ايه يا عم الثوره ارحم والرصاص ارخص والترب اللى هتلم اللى هيعمل كده مفيش اكتر منها فى مصر انت عشمان قوى
وعندك حقياهشام هما اهتماماتهم فى حاجات تانى خالص شكرا هشام

**الحريه** · 14 - 1 - 2011, 03:44 AM

كل ده رجاء
ياعم ده انت حتى لو قبلت الايادى
مش هتصحى الضماير الميته
عايزاك تقول المرة الجايه يا نظيف نهايتك
قربت انت واخواتك ساعتها يمكن فعلا يصحى

شكرا ع المقال يا هشام

**عفريت أفندى** · 14 - 1 - 2011, 06:27 AM

لما كل حاجه ف البلد سوده بالشكل ده

شعبنا ساكت ليه ؟؟

مستنى إيه تانى ؟؟

يكونشى لسه عند شعبنا أمل ان الأحوال هتتصلح؟؟

يارب عاوزين نفوووووووووق و نصحى من الغيبوبه

و تسلم يا هشام على طرحك المميز

دمت بود

**هشام اللول1** · 15 - 1 - 2011, 09:43 AM

المشاركة الأصلية كتبت بواسطة drmido119

بلاش دوشة لو سمحت دكتورنظيف نايم

طب وامتي هيصحي
80 مليون واحد مستنينه يصحي

شكرا لمرورك دكتور ميدو
حفظك الله ورعاك

**هشام اللول1** · 15 - 1 - 2011, 09:50 AM

المشاركة الأصلية كتبت بواسطة ايسل

يااااااااااه كل دى طلبات علشان منعملش زى تونس وانت يا عم احمد بتطلب ده كله من نظيف عارف هيقولك ايه يا عم الثوره ارحم والرصاص ارخص والترب اللى هتلم اللى هيعمل كده مفيش اكتر منها فى مصر انت عشمان قوى
وعندك حقياهشام هما اهتماماتهم فى حاجات تانى خالص شكرا هشام

خلاص يا ايسل
كده ممكن يصحي
يمكن ياخد درس من اللي حصل في تونس
يمكن المؤشر بتاع السرعه بدا يعلي
( مؤشر غليان الشعب )

وربنا يستر
نورتي ايسل
بارك الله فيكي وحفظك ورعاكي
ودمتي بخير وسعاده وصحه وراحه بال وود

**هشام اللول1** · 15 - 1 - 2011, 09:53 AM

المشاركة الأصلية كتبت بواسطة الحريه

كل ده رجاء
ياعم ده انت حتى لو قبلت الايادى
مش هتصحى الضماير الميته
عايزاك تقول المرة الجايه يا نظيف نهايتك
قربت انت واخواتك ساعتها يمكن فعلا يصحى

شكرا ع المقال يا هشام

للاسف يا الحريه
هما عارفين كل حاجه
عارفين ان ضمايرهم ماتت
وعارفين انه نهايتهم بالفعل قربت

بس زي ما بيقولوا
السكينه سارقهم علي الاخر

وان شاء يومهم قرب جدا

نورتي الحريه
بارك الله فيكي وحفظك ورعاكي
ودمتي بخير وصحه وراحه بال

**هشام اللول1** · 15 - 1 - 2011, 10:03 AM

المشاركة الأصلية كتبت بواسطة عفريت أفندى

لما كل حاجه ف البلد سوده بالشكل ده

شعبنا ساكت ليه ؟؟

مستنى إيه تانى ؟؟

يكونشى لسه عند شعبنا أمل ان الأحوال هتتصلح؟؟

يارب عاوزين نفوووووووووق و نصحى من الغيبوبه

و تسلم يا هشام على طرحك المميز

دمت بود

ياوليد
الشعب المصري احسن حاجه فيه
ان لما بيتاقلم علي وضع مش بيحب يغيرها
يعني هو حاليا اتاقلم علي الجوع والذل والمهانه
علشان كده خايف من التغيير

بارك الله فيك وحفظك ورعاك
ودمت بخير وسعاده وصحه وراحه بال وود

الموضوع: اصحي يا دكتور نظيف ..!!!

أدوات الموضوع

اصحي يا دكتور نظيف ..!!!

معلومات الموضوع

الأعضاء الذين يشاهدون هذا الموضوع

المواضيع المتشابهه

احسن دكتور في التخسيس دكتور احمد دياب ونصائحه في عيد الفطر المبارك

افضل دكتور تخسيس في مصر - دكتور اشرف قوره (ارض الجولف – المعادي – الرحاب – حدائق القبة )

الكلمات الدلالية لهذا الموضوع

ضوابط المشاركة