((( التخريب هو الحل )))) !!

**هدير زهدي** · 15 - 1 - 2011, 05:26 PM

السلام عليكم ورحمة الله وبركاته ،
ـــــــــــــــــ

أولا أهنئ شعب تونس بالتخلص من الدكتاتورية ونجاح ثورته الشعبية ..
وذلك بغض النظر عن الطريقة التي قامت واشتعلت به الثورة .

ـــــــ

ولكن ..

أيكون هذا سبيلا فشتعال الشعب المصري والشعور عن عدم رضاه عن نفسه ؟؟
حسنـا ، فهل تودون التخريب في البلد وزعزعة الأمن والإستقرار في سبيل مقولة "عشان نكون رجالة" .

وبالطبع انتشرت على النت عامة وعلى الفيس بوك خاصة جروبات وصفحات عن ثورة الشعب المصري ، والتي قد تم تحديد لها يوم 25 يناير !!

مع احترامي لشعب تونس القدير ، والذي بالتأكيد كان يعاني أضعاف ما نعانيه نحن ،
ولكن كان الاسلوب مدمر إلى حد كبير

إذن فلترفعوا شعار "التخريب هو الحل" إذا كنتم تودون ثورة على هذا المنهاج وبتلك الطريقة الهدََامة لمرافق وخيرات بلدنا .
فقد أصبح الآن في نظركم أن التخريب في الوطن يعد اسلوب ضغط على الحكومات ،
لا يا أخي إنك ستضرني وتضر نفسك ، وتضر أهلي وأهلك ..

إذن ، فـ يا من تتبع وتخطط لهذه الثورة المدمرة

لست معكم ...

هل أنت معهم ؟؟؟؟

**محمد مدحت راغب** · 15 - 1 - 2011, 11:32 PM

تسلم الايادي
بجد موضوع رائع
هو اة الواحد مع التغير للافضل بس مش بالتخريب او بالسرقة او بالنهب
بس انا اعتقد ان طبيعة الشعب المصري انة مسالم هو اة شعب لا يرضي بالظلم بس عمرة ماهيرضي يعمل الي عملتو تونس

دووومتي بووود

**هشام اللول1** · 16 - 1 - 2011, 12:18 AM

هل أنت معهم ؟؟؟؟

موضوع جميل اخت هدير
وسرد قيم من مبدعه لموضوع هام

واجابتي علي سؤالك
نعم
عندما اري ان كل الطوائف والنقابات والمصانع والشركات والمصالح والمؤسسات كل يوم
في مصر تقوم بوقفات احتجاجيه للنيل بمتطلباته
واري رد فعل الحكومه بالنكران وعدم تلبيه المتطلبات وزياده الضغط علي شعوب
فنعم

عندما اري ان مستقبل شبابنا راح هدر نتيجه لفشل في اداره الحكومات
وبيدي ان اخطط لمستقبل ابنائي والجيل القادم حتي لو عن طريق استرداد الحقوق من الحكومه بالقوه
فنعم

عندما اري ما قامت به تونس من ثوره استغرقت اقل من اسبوعين او 10 ايام وانا أعلم ان الضحايا والخسائر ليس بحجم ما ناله من فرحه وسرور علي وجوههم بالتخلص من حاكم ديكتاتور
فنعم

وما اخذ بالقوة لا يسترد الا بالقوة
وبالرغم ان الشعب علي امل منذ ان تولي الرئيس مبارك الحكم ان نري تقدم وتنميه ورقي من حكومته
ولكن لا نري منه الا تراجع الدوله في كل مؤسساته من تعليم وصحه وبطاله وخصخصه
واهدار المال العام
بالرغم من اتاحه الفرصه له حيث ان مصر خلال حكمه لم تدخل في اي حرب

ماذا ننتظر ...؟؟؟
والي متي ننتظر ...؟؟؟

الاختلاف في الرأي لا يفسد للود قضيه

شكرا لموضوع القيم
بارك الله فيكي وحفظك ورعاكي

**محمد أبراهيم** · 16 - 1 - 2011, 01:10 AM

أعلنت
مصر انها تحترم
"خيارات"
الشعب التونسي
بل و تؤكد احترامها لخيارات الشعب في تونس
الشقيقة
يلا العجب
ويبقى السؤال
لماذا انتفض الشعب التونسى وماهى مصدر الشراره
فبعض الدول العربيه
ان لم يكن معظمها
تعانى من
غلاء فاحش للأسعار
بطالة كبيرة تعد الأكبر على
مستوى العالم
الفقر ينتشر بشكل
كبير
والوضع المعيشى للمواطنين
لا يطاق
لقمة العيش
صعبة
واللصوص يسرقون علنا فى
وضح النهار
انفلات امنى واهانة
للمواطنين
غياب للقانون ونوم
عميق للضمائر
تلجيــم للأفواه
واغتيال أى صوت لكلمة
الحق
فســــــــــــــاد عام
وانهيار للاخلاق
وتفتت وحده
الشعب
والشعب المغلوب علي أمره صامت
فلماذا ؟؟؟
وانا لست هنا لتشجيع الارهاب بالقدر الذى ادين فيه المسؤلين
ولكن
دعينى احيى الشعب التونسى
فى معركه الكرامه
ودعينا
نبارك هذا الشعب الذى
اتحد
ليقــول
لا للظلم ولا للفساد
إننى وأنا أتابع أحداث انتفاضة
الشعب التونسى
وقمع الجيش والشرطة للمظاهرات
والاعتداء علي المواطنين
شعرت
أن الأمر واحد فى تونس
وفى اى وطن مقهور
فالوجه القبيح لأجهزة الأمن
التونسية القمعية
وجه واحد
لكل الانظمه
وعصا ديكتاتورية
واحدة
إن وجه الجريمة
واحد
وسوط الجلاد
واحد
وجسد الشعب هو
من يدفع الثمن
إنها صورة طبق الأصل
لما يحدث فى ؟؟؟
فلنهنئ
الشعب التونسي العريق
بانتفاضته العادلة
ضد
القمع والاضطهاد والديكتاتورية
ونتمنى
لهم عهد جديد
مليء بالعدل
والحريات والديمقراطية
والرخاء
والمجتمع المدنى
ياسيدتى
كل طواغيت الأرض
تتهاوي
أمام إرادة الشعوب
ومهما طال ليل الظلم
فالفجر
حتما أت أت
فكل عروش الظلم حتما
ستزول
وحسبنا الله ونعم الوكيل

ولن
يكون التخريب
هو الحل

فالمخرب الحقيقى والرئيسى
عادة
يلجاء لتيمات السياسة
و الأخلاق و الدين
لتبرير ردوده
دون أن يطرح قضايا واضحة
و ملموسة
يمكن دعمها أو نفيها
مستخدما في ذلك مهاراته
اللغوية
إنه يهدف
لزعزعة الثقة مع محاوريه
لا للوصول لنقطة
اتفاق
بل للنيل من
محاوريه
موهما المتابعين أحيانا بوقوعه
ضحية تعسف إداري
أو أخلاقي
و محاولا تقسيم مواقفهم
عبر الإغراق
في الثناء على طرف
و المبالغة في التهجم
على طرف أخر
مع إصرار واضح على الإحالة لقضايا
و أحداث مواضيع
ساخنة
لا تعرف توافقا
و لا علاقة لها بموضوع النقاش
لكنه
في جميع الحالات يظل
يدارى
عن معرفة الدوافع
الرئيسية
التي تحرك اهدافه
ومن هنا اقول لا للتخريب
وكفانا
فنحن من تعبنا وارهقنا منه
هدير زهدى
رسمتى حوارا
بخدش المخالب
ان ابقى
صامت
احيط نفسى
بدوائرا
فهل نكون للواقع
حقيقة
ويدا بيد للغد
نصاحب
يارائعه
لا عجب حينما
نرى الابداع
والتميز قرينان لقلمك
فأنت اهل لهما
ولست بحاجة
للمديح
لك
إتساع من
النور
وبك ترتدى
الحروف الضوء
لو فاض بى
الصمت
لأغرقنى حوارك
في بحر من
الجمال
فقلمك نقلنا
بلجج بحاره
لضياء من وهج
المعانى
الغافيه بفحوى
حروفك
ونقائك
دمت

**براكودا** · 16 - 1 - 2011, 01:19 AM

موضوع قيم احييك عليه
وبالطبع انا مش معاهم
لاني بحب بلدي وبخاف عليها
اخاف عليها من السرقة والنهب والتخريب وانتشار العصابات المسلحة في الشوارع
اخاف عليها من يوم يقف فيه الجيش قصاد الشرطة
اخاف عليها من يوم اخاف اطلع فيه من البيت وارجع ملاقيش اهلي
اخاف عليها من يوم يضيع فيه صوت العقل والايمان ويعلو فيه صوت الشيطان
وانا عن نفسي لن اسمح بالهمجية
واللي هينزل علشان يخرب بلدي
يا انا يا هو

شكرا للموضوع الجميل والممتاز

**الحريه** · 16 - 1 - 2011, 01:55 AM

مفيش حد يتمنى ان بلده تخرب ولا
عمرنا كمصريين هنرضى بكده

بس يأختى مفيش حريه من غير مقابل
مفيش ثورة من غير نار وشهداء
ده المقابل لحريتنا كشعب
ياأختى احنا فى مصر كم من المظاهرات السلميه
والوقفات الاحتجاجيه وقفنا ايه اللى حصل
محلك سر

سؤال
ايه هى الثورة من وجهة نظرك ؟؟؟

**ايسل** · 16 - 1 - 2011, 01:44 PM

هل أنت معهم ؟؟؟؟

تيجى سوا نسأل ناس من الشعب المصرى مش هعطلك كتير
تعالى بينا نسأل ام خالد سعيد احساسك ايه بعد ما ضناكى اتخطف منك بدون ذنب
بعد ما ربيتى وعلمتى وكان فاضل حبه صغيره
وتفرحى بيه وتشوفيه عريس وتشيلى ولاده
احساسك ايه لما الفساد قتله وياريتهم اعتذرو ليكى لا بل لبسوه تهمه حقيره

يعنى موت وفضيحه
ايه رأيك يا ام خالدعايزه الظلم يغور ؟؟؟؟؟؟؟؟؟؟؟
يلا ياهدير نروح لام وزوجة سيد بلال
نبص فى عيونهم لأن النظر فى عيون المظلوم المقهور ومش عارف ياخد حقه بتعرفنا حاجات كتر
تعالى نشيل ابنه اللى بقى يتيم وهو لسه ما شبعش من ابوه ولا ابوه لحق يعلمو الدنيا تعالى نسأله لما تكبر
هيكون احساسك ايه لما تعرف ان ابوك مات من الظلم والفساد والجبروت ومحدش خد حقه؟؟؟؟؟؟؟؟؟
ولا تحبى نروح لضحايا الاهمال فى العبارات ولا القطارات
ولا نسأل اللى بيوتهم وقعت ومش لاقين بيت يلمهم طيب تعالى نسأل الارمله اللى مش لاقيه تأكل عيالها بتعملى ايه؟؟؟؟؟؟؟؟؟؟؟
ولا اللى بياكلو من الزباله انتو احساسكم ايه؟؟؟؟؟؟؟
تعالى نسأل الشاب اللى اتعلم وتعب لحد ماخد شهادته وشغال فى المجارى حاسس بالظلم والقهر ولا ايه ؟؟؟؟؟
تعالى نسأل رب الأسره مرتبك بيكفيك ازاى اكل وايجار وتعليم ودروس اوعى تكون بترتشى علشان تعرف تربى ولادك؟؟؟؟؟؟؟

مع احترامي لشعب تونس القدير ، والذي بالتأكيد كان يعاني أضعاف ما نعانيه نحن ،

من قال ان الشعب التونسى يعانى اضعاف ما نعانيه نحن مش يمكن احنا اللى صبرنا اقوى منهم علشان خايفين على بلدنا من الخراب
بس هنصبر لحد امتى ومحدش حاسس بينا

مع اى حد خايف من الخراب وطالما خايفين من الخراب يبقى يلا بينا نحمى بلدنا
عارفين ازاى نتخلص من كل المفسدين من اللى خلو مصر عزبه ليهم وسرقو اموالنا واكلونا الطوب وياريتهم سايبنا ناكل الطوب لا كمان بيعذبونا ومعيشنا فى ذل ومهانه
وليه نقول اللى حصل فى تونس خراب
يومين وتشوفو تونس هتبقى ازاى

الاخت هدير لكلآ منا وجهة نظر
وانا مش خايفه على مصر
شعب مصر عظيم بيحب ويعشق بلده
ووقت الشده بيبان
متخلهمش يخوفونا تعالو بقى نرجع مصر الغاليه تانى تعالو نرجع مصر ام الدنيا
ودى وجهة نظرى
شكرا لكى ودمتى بود

**عفريت أفندى** · 18 - 1 - 2011, 12:02 PM

ما حدث فى تونس ثوره شعبيه حقيقيه قام بها المواطن البسيط و كافة فئات الشعب لإحساسهم بالقهر و القمع و كبت الحريات و معاناتهم من الفساد
أما أعمال السلب و النهب و التخريب فيقوم بها مرتزقة و أعوان النظام الذى أطاح به الشعب

يريدون ترويع المواطن و إرهابه حتى يقول المواطن ان الحياه فى ظل الديكتاتور بن على أرحم من الثوره و مكتسباتها
و لكن
إذا الشعب يوما أراد الحياة
فلابد أن يستجيب القدر

و الحريه لها ثمن
و لكنها تستحقه

و مدد يا تونس مدد

اللهم انشر عدوى تونس فى جميع دول الوطن العربى و اكتب لها النجاح

اللهم آمين

**ابو تريكه** · 21 - 1 - 2011, 01:26 PM

من موقعى ده انا بقول

لا للتخريب

انا عارف ان الكيل طفح ومحدش مستحمل

بس الامل قائم

مهما تعالت صيحة البهتان في الزمن العَمي

فهناك في الأفق يبدو سرب أحلام.. يعانق انجمي

مهما توارى الحلم عن عينيك.. قومي..واحلمي

ولتنثري في ماء دجلة أعظمي

فالصبح سوف يطلّ يوما.. في مواكب مأتمي

الموضوع: ((( التخريب هو الحل )))) !!

أدوات الموضوع

((( التخريب هو الحل )))) !!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة