مناظرة الحب بين إكرام مجاور والعاشقة المجروحه

[thesniper_12007]

اكرام اسمحلى ان أحييك وأحيى قلمك الرائع

وسرعة البديهة لديك وحسك الشعرى والموسيقى
شكرا لابداعك ودائما الى الامام
خالص ودى وتقديرى

أشكر لك تعليقك الجميل وحسك المرهف سماح فإن سميت كلماتي ابداع فهو نبع من ساحتك الشعرية الراقية
دمت بكامل الألق ودام لنا قلمك المميز
وافر تحياتي وجل احترامي

[thesniper_12007]

كل الحب فى عيونك أنا شايفاه
وكل حرف فى كلامك أكيد سمعاه
وجوة القلب حب كبييير ليك شايلاه
وفرح فى قلبى وعيونى معاك عايشاه
وروحى معاك بتتمنى
تعيش وياك فى أحلى حياه
وأشواقنا وسلام إيدنا وتنهيدنا
ومجرى الحب فى وريدنا أنا حساه
خلاص ياحبيبى دوبنى فى بحر الشوق
منا قلبى لعيونك أكيد مخلوق
بحبك جيت اقولهالك وطايرة لفوق
ولا ممكن يفرقنا فى يوم مخلوق
معاك الحب يحلالى وليلى يروق
ودمعى خلاص هينسانى
وبيك وحدك حبيبى هفوق
ماداب القلب فى غرامك
وكتبك غنوة للعشاق
وحدوتة هيحكيها يدوب فيها
ويملاها أهات مشتاق
ولحن هوانا بكلامك
يزيد القلب بالأشواق

سماح أحيي فيكي نبضك المرهف وأحيي فيكي حسك الفتان على أسلوبك وعلى لغتك
دمت بألق
وافر تحياتي وجل احترامي

[♥بـونـبـونـايـه سـكـره♥]

بكدسلمت يمناك اكرامى وسماح
على الابداعات تى
والاحساس العالى الى استمتعنه بيه
دمتم متميزين ياربى

[thesniper_12007]

مادام سامعه
مادام شايفه
مادام القلب فيكي حن
و على وفد الفؤاد طايفه
تعالي نعدي بر الشوق
واوعي تقولي انا خايفه
أضمك يبقى يوم عيدي
واشوفك نبض ف وريدي
واسمع في الغرام همسك
واكتب اسمي جار اسمك
ونبضي ف الهوى يقاسمك
فدوبي فيا ع الآخر
ولا تخافي
لاني قبل ما تخيل حياة حبي
ف قلب القلب انا راسمك
دوبي فيا ما تخافي
دا حبك نبع جوايا حنان صافي
وشوق دافي
وقلبي ليكي طول عمره
هواه شافي
دي اول دقة جوه القلب
كات ليكي
وأول همسه ف الدنيا
لمسها قلبي ف عنيكي
وقلبي ما عرفش الحب
غير فيكي
يا شوق اشوق يا تنهيدي
يا نبضي جوا ف وريدي
يا نغمة حب ف كياني
باسمعها ف تغريدي
لأن الحب مش كلمة
باستناها ف بريدي
يا روح الروح انا مشتاق
وقلبي بحر ما الأشواق
بضمة قلبنا الحاني
نكون للعاشقين ترياق
ندوب ف الحب وحدينا
ونبقى كعبة للعشاق

[thesniper_12007]

أشكرك يا سهيله على مرورك الطيب الكرم واشكر لك تواجدك بين كلماتنا المتواضعه فوجودك دفعه جديدة للأمام
دمت بكامل الألق ودام لنا قلمك المميز
وافر تحياتي وجل احترامي

[thesniper_12007]

قالولي كتير بإن الحب بالنظره
واناصدقّت
لأن ده قول الناظره
أكيد شايفنين
وانا ماشايفش غير انه
حنين ف القلب مش بالوصف
وعارف من زمان عنه
بأنه يشبه الزلزال
إنه يشبه البركان
بإنه ألف دبابه بتقصف قصف
كأنه زوبعه جايه بتعصف عصف
حنين بيهز أركاني
ويتعمق ف وجداني
يعليني ف سبع سموات
ويطرب فيا ألحاني
دا حبك سر أسراري
ونبعي وكل أفكاري
وسره يبان ف إصراي
أقول حبيت
دي كلمة نبعها حنين
أقولها ف كل أشعاري
لكن ما عمرها وصفت
حنين ف القلب متداري
حبيبي الحب مش نظره
لكن أحساس بيحيي القلب
وبيقلّب حياتي قلب
فمش ممكن
ومهما قلت مش هاوصف جمال الحب
لأن احساسي بيه أكبر
ومهما القلب قال عنه
أكيد ف القلب ليك اكتر
وحبك جوه فيض القلب
مشاعر حب تتضفر
وليكي انتي متشفر
فلو حاساني قوليها
وقولي بحب مش أكتر

[لبنى مصر]

فلو كانت هناك اجمل من كلمة الله لكنت بوحت بها ولكن ما اجمل ان نذكر اسم الله
الله على هذا الحوار العاشق المبدع الممتع سعدت هنا كثيرا فالحب فى سطوركم لم ينتهى ولن ينتهى واتمنى ان يدوم طويلا
وجدت كل الاقلام تشكركم وتهنئكم على هذا الابداع فوجدت نفسى عاجزه فماذا اقول لكم بعد كل هذا الكلام فلا استطيع التعبير عما بداخلى من اعجاب لاقلامكم ولكنى استطيع ان انحنى اعجابا دون ان اتفوه باى كلمة منتظره ابداعكم فليدوم

[لبنى مصر]

المبدع اكرام مجاور
ما اعذب كلماتك
ما اعجب حروفك
ما ارق سطورك
حقا انت فنان تفيض ابداعا
كلامك فى العشق يكفى العشاق
وصفك للحب ممتع جذاب يضعف النظر من شدة الانتباه
(هعمل نضاره عشان اعرف اقرا المزيد من ابداعاتكم)
دمت لنا فنانا مبدعا ممتعا عاشقا للحب مفيدا لى ولغيرى من المبتدئين
لك وافر تحياتى وتقديرى وودى
تقبل مرورى
اختك لبنى

[لبنى مصر]

الجميله سماح
العاشقه المجروحه
هنا كنتى عاشقه فقط ولم نجد مكانا لجروحك كنتى بارعه فى الحب صغتى كلماتك برقى وامتاع سعدت كثيرا بان اقرا كلماتك واتغنى بها واحلق بين سطورك عاشقه
جميل ما خطت يداك ورائع ما همس به فمك شكرا لكى فانا استمتعت بين سطورك
سلمت اناملك ودام لنا قلمك المتميز فى انتظار المزيد من الهيام والغرام والعشق فى سطوركما المبدعه
دمتى بكل الود والاحترام والتقدير

[العاشقة المجروحة]

بكدسلمت يمناك اكرامى وسماح
على الابداعات تى
والاحساس العالى الى استمتعنه بيه
دمتم متميزين ياربى

ميرسى لوجودك ياسهيلة هنا بين جنبات حديثنا
لكم اسعدنى ردك كثيرا وطبعا منورانا
دمتى بكل الحب والسعادة
خالص تحياتى