حب المراهقة: (وهم) ام (حقيقة) ؟!

[HoBa HoBa]

يعتقد الكثير من المختصين أن حب المراهقة هو ذاك الحب الذي قد يقع فيه الشاب أو الشابة ما بين العمر 16 سنة حتى 21 سنة، ويصفه المختصون بأنه حب بريء صادق لكنه عابر وطائش


يكثر أن يقع المراهقون والمراهقات في حب متبادل في السنين الأولى من الشباب، ويختلف الناس في تقييم هذا الحب:


بعضهم يراه حباً بريئاً صادقاً، ضرورياً لاختبار كل جنس لمشاعره العاطفية كخطوة أولى باتجاه النضوج العاطفي والجنسي.


في حين يحذّر البعض الآخر منه، مذكراً بأنه غالباً ما يأتي في مراحل التحصيل العملي الأكثر حساسية في حياة الشاب أو الشابة مما يؤثر فيهم سلباً، ويتركهم في المحصلة على أنقاض حب عابر، وعلى أنقاض مرحلة دراسية مهتزة أو ربما فاشلة.


ويعتقدالمختصون، أنه من النادر أن ينتهي حب المراهقة بالزواج، فهو حب طائش وعابر، ويغلب أن يمر بسرعة ليصبح ذكرى جميلة تداعب ذاكرة الفرد في المستقبل من حين لآخر.


يعتقد البعض أن من لا يمر بحب المراهقة، لن يتمتع بحالة نضج عاطفي وجنسي سويٍّ في المستقبل، في حين يصرّ آخرون أن من يعش تجربة حب في المراهقة، يغلب أن يتجاوز أهم سني تحصيله العلمي بصورة غير مستقرة تضرّ بمستقبله الدراسي والمهني.


يعتقد بعض المختصين أن حب المراهقة لا يحكمه العقل بل تحكمه العواطف، لذا سرعان ما ينهار مع تقدم الشاب والشابة باتجاه سني النضج، في حين يؤكدالبعض أن الحب في المراهقة أسمى أنواع الحب، وأكثرها خلوداً وإثارة للمشاعر الجميلةفي ذاكرة الفرد.


ما رأيك فيما سبق؟


هل تعتقد أن حب المراهقة حب حقيقي أم وهم خطر؟


هل إيجابيات حب المراهقة أكثر أم سلبياته؟


هل حب المراهقة قضية قدرية يصعب التحكم فيها، أم أن للأسرةوالتربية دور في التحكم بسنين المراهقة ومنع المراهق من الوقوع في تجارب حب طائشةوعابرة؟

[حرف مشتعل]

موضوع رائع غاليتى
ومحير فعلا
ولكن اعتقد فى راى
انه فعلا ياتى فى مرحله دراسيه خطره
وخطورته تكمن فقط فى اللهو عن الدراسه
ولكنه حتما سيبقى ذكرى سعيده لاطرافه
وهو لا ينتهى بالزواج لعدم نضج الطرفين
والاسره واجبها اعتقد
هو ان اوضح لابنى او ابنتى بان هذه الفتره من العمر
فيها حده مشاعر وانفعالات
واوضح لها اشياء لا تمنع الوقوع فى الحب
لا بل الاهم عندى ان اوضح لها اشياء تساعدها على عدم
التعرض لصدمه من فقد او انتهاء هذا الحب فجاة

الله يحفظ شباب وبنات المسلمين
ودى لروعه مواضيعك غاليتى

[ابو تريكه]

جامد اوى الموضوع يا هوبه

دا بجد احلى حب

نقل فؤادك حيث شئت من الهوى ** ما الحب الا للحبيب الاول

اكيد بنفتكره انهارده ونفرح كتير
اكيد هو حب عابر بس ذكرى جميله اوى

وربنا يوفق الجميع الى ما يحبه ويرضاه

[maty monsef]

على الفكره الحب فى الوقت ده عابر وطائش لانى مجرب فعلا وانا عندى 17 سنه وكان هياثر على دراستى ومذاكرتى بس الحمدلله عرفت اتخلص منه بسرعه

[sheren19]

والله انا شايفه ان حب المراهقه حاجه جميله جدا ومن اكتر الحاجات اللى بتاثر فى الواحد بعد ما يكبر
صحيح انه دلوقتى بقى ليه اكتر من مسمى وكمان اكتر من معنى بس برضه يبقى الحب كما هو اسمى النعم فى الوجود
بس المشكله ان كل واحد بيفكر فى الحب على طريقته ومن وجهه نظره او على حسب ماهو شايف قدامه سواء نماذج او تجارب شخصيه للفرد
بس من الصعب جدا انه يستمر مع الوقت ويتحول لارتباط جدى ويبقى جواز
لان المراق فى السن ده مش بيكون عنده خبره كافيه فى شىء مش فى الحب بس وعلشان بتبقى التجربه لاول مره لما بيحصل فشل بتبقى اسوا ودى حاجه لا الاهل ولا الاصدقاء ولا المراهق نفسه هيقدر يوقفها لانى مؤمنه بشى وهو ان حاجتين بييجو للواحد فجاه اولهم طبعا الموت وتانيهم الحب
لانك لا هتقدر توقفه ولا تقدمه ولا تاخره فمفيش ادامك اى حاجه غير انك تستنى تشوف هيوصل بيك لفين
اما يعديك لبر الامان او تفضل بالمركب فى وسط البحر او تغرق بمركبك وبحبك وباحلامك وطموحاتك واناا شايفه كده لان الحب لما بيفشل بنفقد القدره على التركيز ومواصله الحياه حتى ولو لفتره سواء طالت او قصرت ومن ثم نعرف انها لن تكون نهايه الحياه بل طالما اعيش فانى اتعلم

واسفه اذا كنت طولت شويتين بس فكره التوبيك عجبنى

[HoBa HoBa]

موضوع رائع غاليتى
ومحير فعلا
ولكن اعتقد فى راى
انه فعلا ياتى فى مرحله دراسيه خطره
وخطورته تكمن فقط فى اللهو عن الدراسه
ولكنه حتما سيبقى ذكرى سعيده لاطرافه
وهو لا ينتهى بالزواج لعدم نضج الطرفين
والاسره واجبها اعتقد
هو ان اوضح لابنى او ابنتى بان هذه الفتره من العمر
فيها حده مشاعر وانفعالات
واوضح لها اشياء لا تمنع الوقوع فى الحب
لا بل الاهم عندى ان اوضح لها اشياء تساعدها على عدم
التعرض لصدمه من فقد او انتهاء هذا الحب فجاة

الله يحفظ شباب وبنات المسلمين
ودى لروعه مواضيعك غاليتى

ماهى الفكرة فى ان دور البيت مش بيكمل
يعنى الاهل مش بيكلموا اولادهم ف الحاجات دى
بيعتبروها مينفعش ودى غلطة بيقع فيها اسر كتيير
ميرسى شيماء لمرورك الجميل ده
منورانى يا جميل

[HoBa HoBa]

جامد اوى الموضوع يا هوبه

دا بجد احلى حب

نقل فؤادك حيث شئت من الهوى ** ما الحب الا للحبيب الاول

اكيد بنفتكره انهارده ونفرح كتير
اكيد هو حب عابر بس ذكرى جميله اوى

وربنا يوفق الجميع الى ما يحبه ويرضاه

هو فعلا يا حودا بيبقى فترة جميلة اوووى
وزكرى لما الواحد بيفتكرها بيبقى سعيد جداااااااا
يا سلام ياسلام على ابيات الشعر
منورانى يا باشا

[HoBa HoBa]

على الفكره الحب فى الوقت ده عابر وطائش لانى مجرب فعلا وانا عندى 17 سنه وكان هياثر على دراستى ومذاكرتى بس الحمدلله عرفت اتخلص منه بسرعه

هو فعلا بيأثر على دراسة الواحد شوية
بس الواحد برضه بيبقى عارف مصلحته فين
بس بتبقى زكرى جميلة ولا ايه
منورانى ياباشا

[HoBa HoBa]

والله انا شايفه ان حب المراهقه حاجه جميله جدا ومن اكتر الحاجات اللى بتاثر فى الواحد بعد ما يكبر
صحيح انه دلوقتى بقى ليه اكتر من مسمى وكمان اكتر من معنى بس برضه يبقى الحب كما هو اسمى النعم فى الوجود
بس المشكله ان كل واحد بيفكر فى الحب على طريقته ومن وجهه نظره او على حسب ماهو شايف قدامه سواء نماذج او تجارب شخصيه للفرد
بس من الصعب جدا انه يستمر مع الوقت ويتحول لارتباط جدى ويبقى جواز
لان المراق فى السن ده مش بيكون عنده خبره كافيه فى شىء مش فى الحب بس وعلشان بتبقى التجربه لاول مره لما بيحصل فشل بتبقى اسوا ودى حاجه لا الاهل ولا الاصدقاء ولا المراهق نفسه هيقدر يوقفها لانى مؤمنه بشى وهو ان حاجتين بييجو للواحد فجاه اولهم طبعا الموت وتانيهم الحب
لانك لا هتقدر توقفه ولا تقدمه ولا تاخره فمفيش ادامك اى حاجه غير انك تستنى تشوف هيوصل بيك لفين
اما يعديك لبر الامان او تفضل بالمركب فى وسط البحر او تغرق بمركبك وبحبك وباحلامك وطموحاتك واناا شايفه كده لان الحب لما بيفشل بنفقد القدره على التركيز ومواصله الحياه حتى ولو لفتره سواء طالت او قصرت ومن ثم نعرف انها لن تكون نهايه الحياه بل طالما اعيش فانى اتعلم

واسفه اذا كنت طولت شويتين بس فكره التوبيك عجبنى

انا معاكى يا شيرين ف رأيك
انه من اجمل الحاجات
بس الفكرة انه من السعب او من النادر انه يتحول لزواج ف الاخر
والله منورانى بوجودك يا عسل وبرأيك اللى زى السكر ده

[حب العمر]

على فكرة موضوعك جامد جدا ورائع بجد
بس انا كل اللى عايزة اقوله ان انا مريت بالتجربة ده وكانت بالنسبة لى احلى حاجة حصلتلى فى حياتى
وبجد انا من رايى انه مش طايش عند كل الناس
انا عن نفسى بجد معروف عنى العقل والرزانة ومش بضعف امام اى شىء وكل اصحابى كانوا ياخذوا رايى فى المواضيع الهامة فى حياتهم وذلك لانهم يعرفون عنى العقل
وبالرغم من كده عشت احلى تجربة فى حياتى