مواطن مصري يشعل النار في نفسه امام مجلس الشعب

**مصراوي كافيه** · 17 - 1 - 2011, 04:45 PM

قمة السخافة اننا نقلد غيرنا في كل حاجة حتى في الانتحار ..

و قمة الهبل لما نتخيل اننا ممكن نثور و ننتفض عشان واحد حاول يموت كافر ..

و قمة الدهشة لما نلاقي ناس بتتعاطف معاه ..

الـ يعني كل واحد هيولع في نفسه الناس هتفوق و الريس يجري و الجيش ينزل الشارع ..

شئ غريب ..

لو الشعب المصري هيفوق من موقف كان من باب اولى يفوق عشان اللي اضرب في قسم شرطة لحد ما مات ..

أو المية اللي مش هنلاقيها بعد كده ..

او اللي ماتوا في احداث كنيسة القديسين ..

او اللي راحوا في الرجلين بحجة انهم متهمين في تفجيرات كنيسة القديسين ..

حاجات كتييييير ممكن _ مش ممكن ده المفروض _ تفوقنا ..

مش لازم واحد يولع في نفسه او يشنق نفسه او ينط من فوق كبري ..