الجامع والكنيسه

[لبنى مصر]

الجامع والكنيسه من زمان العشره بينهم
المسلم والمسيحى دايما حبايب طول سنينهم
الحب والتعاون كان ف دينا وكان ف دينهم
واثقين ف بعض مفيش شكوك قاتلين ظنونهم
الاتنين موجودين ف مظاهرات ده مش عشانهم
عشان عشرتهم ووحدتهم عشان وطنهم
اصحاب وجيران ومفيش سؤال هو انت منهم؟
لو غاب حد لحظه التانى يسال هما فينهم
قران وانجيل دايما حاكمهم وده قانونهم
هلال وصليب ف دايره واحده لو زاد انينهم
زمان سؤال انت مسلم ولا مسيحى كان مفيش
بيحبو بعض والحب كااااااااان مبينتهييييييش
بيدافعو عن بلدهم الاتنين ف الجيش
عايشين يقسمو مع بعض رغيف العيش
كريستينا كانت تروح لفاطمه وتقولها ليه مبتجيش
احمد وجرجس زى السمك لو طلع م الميه مش بيعيش
ف زمنا ده لو شوفتهم مع بعض تعملهم تشبيه وفيش
بقت حاله نادره وغريبه عايزينلهم صورة ف افيش
يا ناس هو الرسول مش كان وصانا ع الجيران
مفرقش بين مسلم ومسيحى قال كلنا اخواااااان
قال كل واحد على دينه وليه الاماااااااان
وكلنا نعامل بعض برحمة وحب واحسان
سيدنا عيسى عمره ماكان هيحط بينا خراسان
والعدرا كانت هتنشر خير وحب وعدل وحنان
المسلم كان بيزور المسيحى هو وتعبان
والمسيحى كان بيطلب منه يقراله قران
كانو بيفطرو مع بعض ف شهر رمضان
حاجات جميله ومعانى حلوه كانت زمان
راح فين كل الحب ده والمشاعر والاحاسيس
ليه كل مكان بنلاقى فيه ماكر وخبيث
ليه كل واحد دلوقتى بيزرع جواسيس
وده اكيد اللى كان بيتمناه استاذ ابليس
فين لما المسيحى كان بيمسك معانا الفوانيس
والمسلم كان ف الكنيسه يقعد جنب القسيس
وف الغربه كان كل واحد للتانى ونيس
ولو مات حد منهم بيخلى التانى ليه وريث
مشاكلهم بيحلوها بايديهم مش بالبوليس
ولو كان فى فرح بيكون الكل فرحان وبيهيص
الحل ايه ياخلق هوو؟ ولا هنعمل معركه اهليه
بدل مانكون ضد العدو تبقى الحرب مصريه
لازم ننهى الخلاف ده لوكان موجود ونشيل الحساسيه
لازم نسامح ونرحم وهنشوف نتيجة مرضية
الحل نرجع ليالى زمان ونبعد العصبيه
ونمد ايدينا لبعض من تانى وبلاش العنديه
والكل هيضربلنا تعظيم سلام واجمل تحيه
وبكده هنكون حلينا اصعب واول قضيه
وبلدنا يخف مرضها وازمتها القلبيه
وترجع تانى مصر احلى واجمل صبيه


انا كتبت الشعر ده قبل احداث الاسكندريه وحتى قبل احداث نجع حمادى
سبحان الله ربنا يبعد عنا العنف والارهاب والحاجات اللى انتو عارفينها

[لبنى مصر]

امانه على كل حد يقرا الموضوع ده يعلق عليه عشان اعرف رايكم واستفاد منكم

[thesniper_12007]

أختي الفاضلة
الموضوع في غاية الروعه
الكلمات معبرة
الإسلوب شيق
الأداء جميل
الموضوع واحد
الأختيار جميل
الإنتقاء سلس
بس ليا ملحوظه صغننه أوي
إفتقاد الموسيقى في الأبيات إزاي حاولي تراجعي الكلمات هتلاقيها مفتقرة إلى الموسيقى لإنها مرصوصه رص زي المبنى الجميل اللي من غير اسمنت فالأسمنت اللي بيمسك القصيدة ويخليها حلوه مشوقه هو الموسيقى
تاني حاجه متسرعه يعني عايزه تخلصي من الفكرة المهم إنها تطلع من دماغك وبالتالي بتحاولي تقفلي بأي قفلة تنتهي بنفس القافيه دون الإهتمام بالجانب الموسيقي وفيها شوية لفظي
ولكن في المجمل فكرة حلوه واتأنى شوية واحنا مع بعض لحد ما نوصل لمنتهى الشعر حاولي تقرأي شعر كتير وإن شاء الله انا معاكي لحد ما الأمور دي تتظبط
هذا مجرد رأي
دمت بود
وافر تحياتي وجل احترامي
أخوك إكرام مجاور

[لبنى مصر]

شكرا يا اكرام ع مرورك ومرسى اوى ع رايك واوعدك انى هحاول اظبط شويه بس ادينى شوية عذر لان انا جديده اولا ف الكتابه ثانيا ده موهبه بس مطورتهاش باى حاجه لا تعليم ولا ثقافه يعنى اللى بيخطر ف بالى بقوله وخلاص مش بدور انى انتقده كمان وبعدين اعدله وان شاء الله هحاول اعمل كده زادنى شرف رايك واتعلمت منه

[thesniper_12007]

شكرا يا اكرام ع مرورك ومرسى اوى ع رايك واوعدك انى هحاول اظبط شويه بس ادينى شوية عذر لان انا جديده اولا ف الكتابه ثانيا ده موهبه بس مطورتهاش باى حاجه لا تعليم ولا ثقافه يعنى اللى بيخطر ف بالى بقوله وخلاص مش بدور انى انتقده كمان وبعدين اعدله وان شاء الله هحاول اعمل كده زادنى شرف رايك واتعلمت منه

بصي يا لبنى
الموضوع مش انتقاد وبس انا عايزك طالما عندك الموهبة انا معاكي وهاخد بأيدك لحد ما نوصل للي احنا عايزينه وبعدين كل ما في الأمر انا بحب المساعدة ولو احتجتي اي حاجه في اي وقت لو عندك قصيدة عايزه تشوفي رأيي فيها قبل ما تنزليها ابعتيها نظبطها مع بعض وبعدين تنشريها ولو دخلتي على موضوعاتي فيه محاضرات مسموعة لأوزان الشعر هتفيدك سواء في العامي او في الفصحى وبرضه انا عايز منك تدخلي وتتابعي معانا انا باكتب شعر برضه وفيه مناظرة عن الحب بيني وبين العاشقة المجروحة ممكن تدخلي تقرأي وتقولي رأيك فيها
وافر تحياتي وجل احترامي

[محمد أبراهيم]

بموسيقى
وحلم غافى
وموج
حرف صافى
ابداعك يبشر
بالخير
مساحاتك وصفحاتك
سطرك ستترقبه
الابصار
سيكون لعيوننا
مرهم شافى
الرائعه لبنى
رائع أحساسك
المتدفق
مبدعه
ترفرف بسماء
واسعة
بلوحه رسمت
قضيه ازليه
تعملقتى
هنا بشعورك الوطنى
فهنيئا
لنا بغيثك
النازل
وجعله الله
حارقا
لقلب كل
معتد أثم
شاكر لك حروفك
ومرحبا بك اختى الفاضله
فى مصراوى
خالص تقديرى

[لبنى مصر]

مرسى اوى لكلامك المحفز الجميل واتمنى انك تتابع موضوعاتى اللى جيه وفعلا اتبسطت من كلامك ويارب يكون الموضوع عجبك بجد

[محمد أبراهيم]

مرسى اوى لكلامك المحفز الجميل واتمنى انك تتابع موضوعاتى اللى جيه وفعلا اتبسطت من كلامك ويارب يكون الموضوع عجبك بجد

جميل
ان تكون
اول مشاركاتك
هنا
فى الابداعات
لتنيرى الصفحات
بوهج الكلام
لتعطرى اسماعنا
بلحن راق
بعزف على اوتار
السلام
يارائعه
بدايه جميله
وتواجد
محل اعتزاز
عطرت المكان حقا
لك
ارق التحايا
وكل التقدير
و الاحترام

[لبنى مصر]

انا مش قد الكلام ده ع فكره وكده هتغر ربنا يكرمك ع الكلام الجميل ده

[المستشار محمد]

السلام عليكم

موضوعك جميل جدا

ومفيد وميثمر

نعم للوحدة الوطنية

ولا للارهاب الدولى والمنافقين

تحياتى يافندم لشخصك الكريم

معالى المستشار