ممكن حد يساعدنى بس ضرورى

[problem]

اولا سلام عليكم
انا هحكيلكم القصة من البداية بس بجد انا نفسي القي حل

انا كنت في البداية مرتبطة بشخص بس مكنتش بحبة بس كان هو بيحبنى اوى او كان وهمنى بدة وانا دايما مع الي بيحبنى احسن من الي انا بحبة والانسان دة كان خلاص هيتقدملى وكنت مخلصة لية وربنا الي يعلم ووصلت انة كلم ولدتى وتفق معاها علي كل حاجة وبعد فترة انا بصدفة عرفت واحد من بلدة مش انا الي كنت اعرفة كان صاحب صاحب واحدة صحبتى ياعنى صحبتى كانت بتحب واحد وهو كان صحبة وكان الانسان دة يعرف الي انا كنت مرتبطة بية لانة من بلدة فصحبتى قالتلى انها هتسالة علي الى انا مرتبطة بية فانا قولتلها ماشى ومش كلمتة بس روحت قولت للى انا مرتبطة بية انة يعرف واحد وقولتلة علية وكدة طبعا هو زعقلي واتهمنى بلخيانة واعد يقولى هيقولك كلام عليا خطا وكدة انا بصراحة شكيت انا اكلمت مع الانسان التانى وحبيت اعرف عن الانسان الي كنت مرتبطة بية كل حاجة وبعدين اكتشفت انة كداب في كل كلمة قالهالى وكان الاتنين مش بيحبوا بعض المهم انا بعد فترة الانسان التانى دة حاول يكلمنى كذا مرة وانا بصراحة كلمتة وكنت معجبة بية اصلا كانت صحبتى بتقولى كلام عنة كويس اوى وانة مافيش احسن منة والكلام دة طبعا انا حبيتة وبجد وفعلا دة الي دخل قلبي وفضلنا مع بعض بس للاسف هو كان دايما بيعاملنى وحش وكان مش بيهتم بيا خالص وكذا مرة اقولة وكان في البداية كل اصحابي واى حد كان بيعرف يقولى لا هيجرحك والكلام دة بس انا مسمعتش لحد بس كان بيبعد وبيزل فيا وكنت بوافق وبسامح وبع فترة كبيرة جة قالي انة كان خاطب وانة مقليش من البلداية عشان ميخسرنيش طبعا دى صدمة جامدة اوى عندى ومكنتش عارفة اعمل اية وطبعا لما عرفت انا اتصدمت ومبقتش عارفة اعمل اية وطلب منى اصبر شواية وهو هيسبها وانة بيعمل مشاكل في البيت بس هما رفضين عشان هى قربتة وكدة وانا استحملت بس هو لما انا فضلت معاه بعد اما عرفت باردوا معملتة متغيرة بس بقت بدون مرعاه مشاعرى ياعنى ارن علية القية مشغول معاها بساعات ولما اكلمة يقولى هى الي بتكلم وهى واعمل اية والحوار دة بس انا لما سئل صحبة الي بيكلم صحبتى قالي لا مش خاطب وناس تانية قالتلى انة مش خاطب وانا مكنت عارفة اصدق مين وبقيت اقولة يقولى لا خاطب وبعد كدة في واحدة كلمتنى وقالتلى انها خطبتة وانهم بيحبوا بعض وانهم والكلام دة انا سعتها تعبت وبعد شواية لقيتة بيكلمنى وبعديها هى طلبتنى قال انها بتطمن عليا لانها خايفة اكون تعبت بس وانا بعديها خاليت واحدة صحبتى تكلمها وتعرف هى مين قالتلها اسم واحدة تانية وانها في 3 كلية وهو مفهمنى وهى البنت دى لما كلمتنى كانت بتقولى انها 2 ثانوى ولما سالت صاحبة عن اسم البنت الحقيقى قالي ايوة كان هو بيكلمها وهى مجوزة وهو لسة بيكلمها وانا لما سالتة عن صحة الكلام كدب وفضلنا علي الوضع دة وانا طبعا تعبانة ومش قادرة ومش فاهمة وطبعا الكلام كان وقت امتحاناتى وانا مبقتش فاهمة اعمل اية وفي النهاية انا خيرتة بينى وبينها لو هو خاطب فعلا طبعا هو بيقولى انة مش هيقدر يسبها عشان ولدتة غاصبة علية انا مش عارفة هو لية بيعمل كدة طب هو خاطب فعلا ولالا طب موضوع البنت دى اية انا دلوقتى لما خيرتة قالى لو اتقدملك عريس ابقي وافقي علية ياعنى مش عايزنى وانا قولتلة انى هبعد عنى عشان هو عايز كدة طبعا الكلام دة انهاردة وانا مش عارة الي عملتة دة صح ولا غلط طب حد يفهمنى الموضوع هو خاطب فعلا ولالا طب هو بيعمل كدة لية لو سمحتوا انا تعبانة اوى بجد لكم منى جزير الشكر والاحترام

[المستشار محمد]

السلام عليكم

انا قريت موضوعك واستغربت جدا

انتى ليه مصدقة نفسك لحد دلوقت

وعرفتى انه مش بيحبك ومش عايزك

بالقية ليه عالية

وكمان خطييته قالتلك انه مش كويس وهيجرحك


انتى ليه بقى مش صدقتى كل ده

على فكرة ممكن تكونى ظلمتى الانسان الاولانى والتانى ده هو اللى وحش

نصيحتى ليكى يابنت الناس

سيبك منه خالص وعيشى حياتك بعيد عنه

لانه بجد مش بيحبك

انا مش هقول مش كويس

الله يكرمه يارب ويوفقه

بس هو مش بيحبنا هتفضلى معاه ليه

تحياتى ويارب اطمن عليكى دايما وتكون بالف خير

المستشار محمد

[roro_rawan]

انا مع كلام المستشار محمد
وفعلا ممكن الاول انتى ظلمتيه
ولازم تبعدى عن التانى دا خالص
وعيشى حياتك وحاولى متفكريش فى الموضوع كتير واخرجى مع اصحابك وفكى نفسك كدا
وحاولى تنسى خااااااااااااااالص الموضوع دا
وربنا يوفقك ويكرمك يا رب
وينسيكى بسرعه
ربنا معاكى

[problem]

لا علي فكرة انا مش ظلمت الاول لانى وجهتة بكلام كلة وفعلا صرحنى انة حقيقة وانة كان خايف انة يقولى وغير كدة الاولانى كان بيكلم عليا كلام وحش اوى وغير كدة انا ببعد وبحاول في البعد والحمد لله ربنا مقوينى بس انا كنت عايزة اعرف هو لية بيعمل كدة طب هو فعلا خاطب ولالا

[المستشار محمد]

السلام عليكم

لو مش هتعرفى تحكمى نفسك

احكمى قليك

انتى لسه بتحبيه واوى كمان

ربنا يكرمك يارب

المستشار محمد

[yoyoesam]

انا طبعا مع سيادة المستشار واضيف هو كدة ولا كدة انسان كداب كدب عليكى فى الاول ومالكيش انة خاطب دا لو خاطب عشان ميخسركيش لية عشان تبقى واحدة بيكلمها وخلاص وبدام هو مش هيقدر يسبها بيعرفك لية بصى يا حبيبتى ابعدى عنة حتى لو قالك هسبها عشان هو كداب واسوء شى ممكن يكون الكدب ة

[دموع الاقمر]

انا معاهم طبعا اصلا الحل الوحيد انك تبعدى عنة وصدقينى ربنا هيعوضك خير وان شاء الله تلاقي الاحسن منة الف مرة لانة سورى مش تزعلى انسان وحش اوى ومش كويس ومش يستاهلك

[shery mohammed]

اولا:السلام عليكم
:انتي حبيتي كام واحد دي حكاية غريبة اوي سيبيهم كلهم لانك ماحبتيش حد فيهم و برده مافيش حد حبك بجد كل الحكاية انه الاخير ده عذبك شوية علشان كده حسيتي انك بتحبيه
الحب الحقيقي هتقابليه بس لما ربنا يأذن من غير ما تضوري عليه

[Treka]

انا مع معظم الاراء ووجهات النظر ..

واحب اضيف جزء من عندى


دلوقتى الاستاذ التانى اللى كنتى على علاقة بيه ده .. ماتقلش عليه غير خاين

خاين ليكى وخاين لخطبته لو هو فعلاً خاطب .. وخاين لنفسه

..

لانه لو فعلاً خاطب وده الشىء المحير وليس المهم فى الموضوع .. ولكن نعتبره انه خاطب .. لو هو خاطب فعلاً يبقى هو خان خطيبته دى عشان ما قلهاش من الاول انه على علاقة مع واحده تانية .. وانه بيكلم واحده تانيه ..

وخانك انتى عشان خبى عليكى انه خاطب .. ولو هو مش خاطب وبيقولك كده .. يبقى هو كداب واللى يكدب على حبيبته ممكن يخون بكل سهوله .. لان الكدب فى الحب هو مفتاح الخيانة

..

وخان نفسه .. لان اللى يعمل فى بنت على علاقه بيها وعارف انها بتحبه .. ويعمل كل ده .. يبقى كده هو مايستهلش انه يعيش اصلا .. وبكده يكون هو خان نفسه .. وربنا يهديه ومش هنقوله غير كده .

..

بالنسبالك انتى بقى .. اسمحيلى اقولك انك تبقى بتيجى على نفسك وبتدمرى نفسك لو فكرتى فى الموضوع نفسه ولو للحظة واحده .. لان انتى اجمل من كده واحلى من اى حد ومعنى انك تفكرى في الموضوع وتحزنى نفسك ده كبيره هو قدام نفسك .. مفيش شىء يستاهل .. ده كفاية انه قالك لو جالك عريس اقبلى ووافقى .. دى معناها كبير جدااااااا .. ده شخص قلبه زى الحجر .. لا يعرف معنى الحب والمشاعر الرقيقه .. وربنا يسامحه على اللى بيعمله ده .. فا اخر كلامى ليكى .. انك تاخدى بالك من قلبك قبل نفسك .. وربنا يحفظك ويحميكى .. واهى تجربة وعدت .. والحياة مدرسه .

[problem]

انا عايزة اقولكم اننا فعلا بعدت وقررت انى مش هكلمة خالص بس بعد 11يوم بظبط هو كلمنى وطلب منى انى ارجع اكلمة وقالي ان فرقي صعب علية وانا رجعت وكلمتة بس انا بجد تعبت وطول الوقت مخنوقة ومش عارفة اعمل اية طول اليل برن علية القية انتظار بيكلمها ياعنى لو هو مش بيحبها بيكلمها بساعات لية طب انا بجد مبقتش فاهمة ولا عارفة حاجة وحتى هو لما بيلقينى برن علية مش بيعبر ومش بيراعى شعورى خالص انا بجد عايشة في عذاب ومش قادرة ابعد ولا قادرة اعمل اى حاجة انا بجد ضعيفة اوى ومكسورة كل حاجة فيا بسببة انكسرت انا مش عارفة هو لية بيعمل معايا كدة