هل من الممكن ان تحب بنت حب شديد وفى نفس الوقت تعرف بنات اخرى كثير

[بنووته مصر]

انا راي من راي ميدو لما الشاب يرضى انها تكلم شباب تانين حتى كلام صداقه يبقى الشاب ده يعمل الي في دماغه ومحدش هيلومه
بس كده اصلا هتبقى علاقه غريبه لان الغيره في الحب عنصر اساسي ومفيش حد بيحب مش هغير على حبيبته او حبيبه مهما حصل
نايس توبيك

[ELKHWAGA]

تسلمى بنوته على ردك وجزاك الله كل خير

[بسام الصواف]

بص يا بركة الموضوع ده انا نفسى بعانى من الحوار ده بس صدقنى انا لما اقعدت افكر فى الحوار ده لاقيت انى ازاى امشى مع بنات وانا مرتبط ببنت والبنت نفسها عارفة كدة خاصة انى كنت بخلى البنات دى يكلموها وانا معاهم قلت لنفسى انى لو بحب البنت دى استحالة همشى مع غيرها يبقى ده معناه انى النت دى مبحبهاش يبقى بالتالى حرام على انى اربطها معايا عشان دى اكيد مش هتبقى ليا كمان البنت لما تبقى عارفة ان حبيبها ماشى مع بنات شكها بيزداد كل يوم ومن هنا تبدا المشاكل تزق عليك واحدة اى حاجة يعنى
المهم كلامك ده تمام واهم من ده يا عم الخواجة انك تذاكر مستقبلك اهم من مليون بنت
اقسملك بالله انك لو انشغلت بالبنات عن مستقبلك والله يابنى هتندم بعد كدة ندم عمرك ما هتقدر تغفره لنفسك ابقى كلمنى على اميلى

الغردقة المحتلة
بســـــــــــــــــــ الصواف ـــــــــــــــــام

[makour]

جرى لي نفس الحكاية دي بكيت كتييير و انفصلت عنه حتى اصبح مدمنا على السيجارة و طلب مني الرجوع مرات عديدة و قلي عملت كل ده لانك ما تكلمينيش كتييير و ما تهتميش بيا.........الا ان رجعتلو بعد وعد منو انو حيتبدل و صار ده لكني في الايام الفائتة اكتشفت انو يكلم واحده في التليفون..سالتو فقالي انها صديقة فقط مع العلم هناك فتاة بتحبو كتيير افيدوني اعمل ايه تجاه الفتاة ديه و تجاهو ففي الجزائر هده القصص منتشرة كثيرا مع العلم ان الناس كلهم يقولولي انو بيحبني كتير ايميلي هو

ممنوع وضع ايميلات

[ELKHWAGA]

تسلمى اختى على مرورك للتوبيك

[المستهتر]

يامان عادي ممكن تحبها والباقي يبقي موجود محدش عارف بكره هيكون فيه ايه

[آيةM]

اللي متأكدة منه ان اللي يحب عمره مايعرف الخيانة ولا حتى شبه الخيانة لحبيبته وده طبعا برضه للبنت فاللي يحب سواء بنت ولا ولد ميعرفش يخون ده لوالحب حقيقي. بس انا شايفة ان كتير منا بيحب وبيحسب انه بيحب حب حقيقي لكن هو بيبقي مخدوع وخادع في نفس الوقت لان هو نفسه مخدوع لانه فاكر انه بيحب حب حقيقي وفي نفس الوقت بيخدع اللي بيحبه ... فهما الاتنين فاكرين انهم بيحبوا بعض لكنهم بيخدعوا بعض بس من غير مايحسوا ... بس يا ترى ايه السبب؟؟؟

[adel]

كما تدين تدان ولو بعد حين واختر لنفسك الحياة اللي تريدها
اما ان تكون على وفاء واخلاص او على خيانة وانخداع
واتمنى لك حياة سعيدة مليئة بالافراح وعلى ما اضن فان كل شيئ
واضح وجلي

[حبيبة]

الحب الحقيقي يقوم علي الوفاء والاخلاص والتضحية من اجل الحبيب اما لو قام علي خيانة وخداع ميبقاش حب اصلا ده يبقي وهم لان مفيش انسان يقول انه بيحب حد وبعدين يخونه .والخيانة مش شرط انها تكون ان ولد مثلا بيعرف بنات علي اللي بيقول انها حبيبته فالخيانة ممكن تبدأ بمجرد ان الواحد يعمل حاجة حبيبه مبيحبهاش وطالب منه مثلا انه ميعملهاش ولكنه الواحد ده برضه بيعمل الحاجة دي بس من ورا حبيبه .مهي دي برضه خيانة ولا ايه؟؟؟

[ELKHWAGA]

ميرسى جدا يا جماعه لمروركم الجميل وردك الاحلى واحلى وجزاكم الله كل خير