كلمه بحبك حاليا لايوجد لها معنى

[ELKHWAGA]

على فكرة ياجماعه كلمه بحبك حاليا لايوجد لها اى معنى حقيقى فى حياتنا انا مثلا شخص من الناس اقول كلمه بحبك فى اى وقت ولا اى بنت عادى بالنسبه لى ولكن اقولها بجد لشخص واحد فقط هو حبيبتى ولكن برده مش بالمعنى الى انا اقصده مش عارف ايه السبب بالظبط ممكن حد يقولى اعمل لو سمحتم يا شباب او يا بنات

[شيخ البلد]

بص يا خواجة الحالة إللى عندك دى صعبة قوى واحنا كا لجنة طبية من وزارة الرى و الزراعة بنقولك يعنى شد حيلك و فى احتمال 1% ان الحالة دى تنجح بس هنعمل إللى علينا و كلة على الله ..
انا اقولك السبب اولاً ان حضرتك ممكن تكون ( مقطع السمك وذلها ) يعنى كل يومين بتغير و كل ما تشوف وحدة بتعجب بيها و انت ممكن تكون جريئ حبتين فا بتروح و تبوح بكل ما تشعر و دى جرئة منك فا بيحصل من كتر ما انت بتحب على نفسك حاجة انا بسميها انفطار فى المشاعر يعنى بيكون الحب عندك زية زى ما بترش برفان مثل ...
وإليك الحل: احنا ان شاء الله هنضحى بالام و الجنين عشان الاب يعيش .. انت لسة سنك صغير يا بختك المشاعر دى حاجة طبيعية بس إللى مش طبيعة انك تمتلك الجرئة فى ان تبوح بها ( وبينى وبينك انا بحقد عليك هههه) حاول تتقل شويا عشان تحتفظ بمشاعرك الجياشة لزوجتك وام عيالك دا ابسط واهم حقوقة عليك ... عشان انت كدة ممكن على ما تيجى تتجوز تكون مشعرك خلصت و من كتر الصدمات والفشكلات تتعقد يا عينى ويحصلك زى ما حصل لعباس صحبى ... ربنا يشفيك يا عباس ..
ويارب تكون فهمت قصدى ... و تفهمهولى !!!

[طيف عابر]

بعد كلام شيخ البلد مش لاقيه كلام بصراحة

وسيبقى الحب احساس عالي

لا نبوح به الا لمن يستحق

تسلم يا رب

[Essam Net]

فعلا .. لابوح بالحب .. الا لمن يستحق ..

وعلى فكره .. ما تخليش لسانكـ ياخد على كلمة بحبكـ لان فى ناس بتاخدها بطريقه تانيه ..
يعنى مثلا ممكن اقولكـ بحبكـ يا خواجه .. طبعا انت فاهم القصد بس لما تيجى تقولها لوحده بقى مش هتاخدها بنفس القصد..
هتاخدها على حاجه كده بنقولها بالعربى ..
هتاخ الكلام على جوه .. وصلت المعلومه ... وبعد كلام حبيبي شيخ ابلد مفيش ..
على الله تفهم صح كلمة حبيبي يا شيخ البلد ..

[TiMo0oR]

مش عارف اقول ايه بعد ما كل الكلام ده اتكتب

بص يا مان دلوقتى صعب اوى تلاقى الحب الحقيقى

الحب الحقيقى دا كان زمان

ايام ((عبد الحليم))و ((ام كلثوم))

يعنى ايام ((الابيض و الاسود))

[شمس]

اكيد في حب بس للي يستحقو وزي مقال شيخ البلد وفرها للي عاوزينها بجد هي كلمة مش بتتقال لاي حدومش من السهل انك تحس بيها مع اي حد وياخوفي لو صافت الحب الحقيقي ساعتها ممكن تقولها بسرعة او يعجز لسانك عنها اكيد مش حيبق ليها طعم لانها دايما على لسانك زي مقلت بقت حاجة عادية جدا عندك يريت يكون المعنى وصل

[ELKHWAGA]

شكراااااااااا جدا ليكم على مروركم الجميل ده لوحده كفايه

[شيخ البلد]

اية يا خرابى و الله انتا فجأتنى يا عصام
ياريت تخيلنا اخوات احسن ههههههههههههه

[ELKHWAGA]

منور ي شيخ البلد على مرورك الى اسعدنى كتير