رد مع اقتباسمصر يا بلدي يا ام الاوطان هتفضلي عالية رغم حقد الحاقدين رغم انف الماجورين مش هننسا يا مبارك ولا مصري يقدر ينكر خيرك فيه غلط وفيه تجاوز وفيه سلبيات بس مين مبيغلطش مين ملاك من السما الي منكم مبيغلطش يرمي مبارك بحجر مش ذنبه اننا زدنا 85 مليون ومواردنا بقت قليلة وضعيفة بس اهو جه وبيصلح وسمع كلامنا ووصل لينا ليه نخنقه والله هنضيع لو سابنا هنضيع
انا بنت مصرية عادية مش بنتمي لاي حزب ولا معارضة لا وطني ولا جمهوري ولا وفد ولا اخوان ولا اي من ال12 حزب الي وافق ع الحوار مجرد بنت مصرية اتولدت في بلد حرة مستقلة وبتعبر عن رايها بكل صراحة ووضوح مش صحفية ولا محامية ولا برتب الكلام وازوقه ولا بختار الفاظي بتكلم بلغة كل المصريين عشت 30 سنة في امن وامان وحرية وعشت اسبوع رعب وصراخ وخوف اخي واصحابة من العمرة بيباتوا كل يوم فوق السطح وجزء تحت عشان احنا نقدر ننام ومش بنام ابدا طول ما الامان راح مننا واحنا الي ضيعناه ايه كمية الجحود ده ايه كمية النكران ده خلاص مفيش لينا كبير هان علينا رمز بلدنا نسمح لبرادعي يهينه مين البرادعي ده ؟؟؟ ازاي يتكلم بلساني ولسانك ولسان مصر هو يعرف ايه عن مصر هو سلم العراق وكلنا عارفين ومتجراش يفتش اسرائيل وكلنا عرفين جي من اسبوع يركب الموجة عوز ايه
عوز يسلم مصر علي طبق رخيص لعدوه
بالله عليكم يلي بتكتبوا في الكافيه ده ايه شعوركو واحساسكوا وانتوا اعدين تسمعوا خطاب رئيسكوا امبارح وقبل كدة ازاي نلطخ تارخ بلد كاملة ورمز كبير زيه والله عمرنا ما هنعيش زيه عشنا ايام صعبة الفترة الاخيرة اه بس الاصعب لسة انا شيفة ادامي بلدي بتتوزع حتة حتة وكل واحد عوز ياخد مناب اكبر اخوان ...وفد...جزيرة تنال من سمعتنا والعدو المتربص الي مستني ع الحدود عوز يوقعنا عشان يرجع احلامه وطموحاته اسرائيل الكبري من النيل للفرات واحنا بنمهدله بفرقتنا لما يشفنا بنبيع رمزنا وقائدنا مستني نقدمله مصر ونحقق حلمه بلدي بتضيع ادامي مستقبلي الي كنت بتمناه شيفاه مظلم اسود ليه رجعونا لورا تاني هنشتغل ونحارب بطالة ونزود اجور ونخفض اسعار ازاي ؟؟؟؟
لما الاول نصلح الي دمرناه احنا الي هندفع التمن مش احنا بس والجيل الجي كمان
مصر مش ميدان تحرير مصر 85 مليون
كفاية يابرادعي كفاية يا اخوان كفاية يا وفد كفاية يا جزيرة كفاية يا شباب كفاية مصر متستهلش كدا مبارك ميستهلش كدا الاب الي ربا وعلم وحرر وبنا ميستحقش كدا
لكي الله يا مصر لك الله يا سيادة الرئيس
لو لم اكن بنت مصرية لوددت ان اكون مصرية
لو لم يكن مبارك رئيسي لوددت ان يكون رئيسي وقائدي وابي
بلادي بلادي بلادي لكي حبي وفؤادي مصر يا ام البلاد انتي غايتي والمراد وعلي كل العباد كم لنيلك من ايادي
قهوتنا على الانترنت
المشاركة الأصلية كتبت بواسطة * حساسة ودمعتي الماسة *
