دعوة للحوار الهادف .. في حب مصر

[طيور الجنه]

مصر

يا أغلى إسم فى الوجود

مصر ياأم الحضارة والعصر ......... مصر يا أم الطيابة والأصل
مصر يا أم النيل الجديد .......... مصر يا أم الوادي الجديد

مصر بلادي أحبها ........ من كل دمي وفؤادي

مصر ياأم الاراضي الخضراء....... مصر يا أم السماء الزرقاء
مصر يا أم العلم والعلماء....... مصر يا أم الفقه والفقهاء

مصر بلادي أحبها ...... من كل دمي وفؤادي

مصر يا أم الجبال الصفراء....... مصر ياأم النخيل الخضراء
مصر يا أم المياة العذباء....... مصر يا أم القلوب البيضاء

مصر بلادي أحبها....... من كل دمي وفؤادي

مصر يا أم الشعر والشعراء....... مصر يا أم أمير الشعراء
مصر ياأم المنيا عروس الصعيد في الدنيا
مصر يا أم الاسكندرية عروس البحر الأبيض

[المستشار محمد]

السلام عليكم

يا جماعة خلوانا نفكر بعقلانية شوية لبعيد بجد

والله العظيم انا لا مع مبارك ولا غيره

انا مع بلدى ومش عايزها تخرب

بس دلوقت لازم اقف مع الريس

عشان الراجل ده لو مشى دلوقت والله العظيم هتخرب

انا وكيل نيابة

وكنت مرة فى اثناء عملى فى الصعيد تحديدا محافظة اسوان

حققت مع 10 اشخاص ينتمون لحزب الله

والله العظيم الناس دى عايزة تخرب مصر

وايران دول كلاب ولاد كلاب

سامحونى بجد حزين اوى على بلدى وعلى اللى بيحصل

كله الوحشين يمشوا بمزاجنا بردو نمشيهم

وهنجيب الاحسن

بس بهدوء

عبرنا عن راينا

نهدى بقى ونشوف الدنيا هيحصل فيها ايه

ياناس واقسم بالله حرام والله العظيم حرام


يارب يارب يارب

يحميكى يامصر يارب


المستشار محمد

[abdoshow2007]

السلام عليكم ورحمة الله وبركاته 0000 والله ياجماعة انا معاكم فى كل كلمة ولكن الريس عمل كتير لمصر صحيح هناك اخطاء كثيرة ولكن الريس وعد بالاصلاح ووعد بما طلبه الشباب ليه منديش فرصة ال كام شهر دول وبلاش التخريب والدمار وسفك الدماء والله فلبى يبكى على كل نقطة دم ينزفها اولادنا حرام ..... جرام دى مصر ام الدنيا ارض الكنانة ياريت نحط ادينا فى ايد بعض وندعى لمصر امنا ونحافظ عليها بارواحنا مش ندمرها ونقتل بعض احنا كلنا اخوات كلنا مصريين لاتجعلوا الايدى الخبيثة بعبث بينكم وتشعل نار الفتنة .... احمو مصر من اعدائها الحقيسقيين اللى بيتسلقوا على اكتافكم ... ادعو لمصر ان ربنا يحفظها من الفتنة والدمار ويجعلها دائما ارض المحبة والسلام

[محمد210]

مش هؤول غير اني شايف شباب واعي ومدرك كل المايب اللي كانت هتخر على دماغنا كلنا لو سابنا الرمز المصري الخالد
الرئيس محمد حسني مبارك
احنا اسفين يا ريس يارب تسامحنا
والله احنا منستاهلش اللي عملته عشاننا
سامحنا يا ريس
ربنا يهدي مصر وشعب مصر ويحقق الامان والخير لكل المصريين ياااااااااااااااااااارب
قولوا أمين........,.

[abdoshow2007]

اللهم احفظ مصر الحبيبة من الخونة .. اللهم احفظ مصر وابنائنا من الفتنة والغدر ... مصر مهبط الاديان السماوية .. مصر الامن والامان ... مصر السلام والمحبة ..... ياشباب مصر الاعزاء انتم امل مصر لاتجعلوا الايدى الخبيثة تعبث بكم

[suzy]

عايزة اقول شيء في صدري بجد خانقني جداااااااااا
دلوقتي احنا شايفين المهزله اللي بتحصل.اولا الريس دا اب لينا كلنا حتي لو مش راضين عنه الناس اللي بتعارضه وتشتمه دي انا عايزة اقول ليهم هو برضه له عندك وصاحب فضل عليك من فضلك جاوبي يا اخي الكريم المعارض.......عيزاك قبل ما تجاوبني تعتبرني اخت ليك احنا عايشين في سلام مدته 30 سنه حتي لو كان وحش وفيه سلبيات في علي بلدك قواعد للامريكان .انت علي النت اهو بتقول كل اللي انت عايزة في ايه تاني.الشغل لو عايز تشتغل وتكون حاجه هاتكون حتي لو عايش في معتقل انا واحدة معايا بكالوريوس اشتغلت بايدي 4 سنين زي زي اي حد معندوش شهادة وبعد صبر ومجهود الحمد لله عرفت اكون بشهادتي ليا مركز انت عملت ايه لنفسك عشان تقف وتحاكم الدنيا كلها وتحملها نتيجه كسلك عايز تقعد علي مكتب وتحكم وتتحكم في مخاليق ربنا هو دا الشغل اللي انت عايزة كل الانبياء وكل الصحابه كانو بيشتغلو بايديهم ولا كان عندهم سكرتاريه ولا مكاتب فقوا بقي شويه مصدقين اللي عايزين يخربها ويقعدو علي تلاها ليه
وكمان راجعو التاريخ.راجعوا تاريخ الدول دي يا ناس ..دول صهاينه دول واقفين علي حدودكم مستنين الفرصه عشان يفتكوا بيكم.......فكرو متضربش اخ ليك .......وكمان بتعمل كل دا مقابل ايه
50 جنيه ووجبه.يعني مايكملش 100 جنيه بجد حرام اوي اوي يا ناس اتقوا ربنا ب 100 جنيه تبيع بلدك.......يا بلاش مصر رخيصه اوي اوي كدا.....يا مصر قومي قومي وانهضي يا حبيبتي يا بلادي نفسي وروحي فدا ترابك يا بلدي
تحيا مصر في كل مكان تحيا مصر.تحيا مصر
ياريس عيزاك يا ريس ريس لينا يا بطل
كلمه اخيره .ليا سوال هم اللي في الجيش او الحكمه او الجيل اللي بيقولو عليهم عواجيز مخرفين دول
ابطال اكتوبر مش ملاحظين برضه ان دا حقد دفين مش كدا ولا كلامي غلط.اعرفو تاريخ بلدك كويس قبل ما تخرب اللي حققه الابطال

[دينارة]

تسلمي اختي لبني مصر باقية زي ربنا قال بلد الامن والامان والمصريين مش خونة ولا بينكروا الجميل وبيعترفوا بفضل اصحاب الفضل والريس ابو كل المصريين ربنا يحميه ويعدي بينا الازمة بسلام وتحيا مصر تحيا مصر وربنا هينصرنا

[دينارة]

اختي سوزي بارك الله فيكي وتحياتي ليكي كلامك صادق عشان من قلب مصرية بتحب مصر
انا معاكي انا زيك اشتغلت في محل وانا معايا بكالوريوس وبعمل دراسات عليا ولما كافحت وجتلي فرصة اشتغلت بمؤهلي وظيفة محترمة وده في عهد مبارك منمتش وقلت تعيين فين الشغل فيه بطالة اشتغلت ولما جتلي فرصة مسكتها وده في عهد مبارك برضو فيه سلبيات اه فيه نهب وخدع اه بس فيه وقت صحوة ومش كل الناس بتفهم وتحب بلدها فين العدو الي بنحاربه وبلدنا بتخسر وبتدمر بسببه اقتصاد وسياحة فين هنعد اد ايه نلم تاني الي اتكسر واحنا ومصر الي هندفع الفواتير ده كفاية بئا حرام عليكوا لو مفيش حرية مكنتوش تتجرئوا وتعملوا كدة ولا تتظاهروا وتتعدوا علي هرمنا الكبير رئيسنا العظيم مهما كانت سلبياته برضو رفع راسنا وسط الحاقدين وخلالنا كرامة بالنصر والسلام
كفاية افترا كفاية جحود ونكران جميل
شوفوا مصر بئت ازاي

[دينارة]

امين امين ربنا يستجيب ويهدي شعب مصر ويحقق الامان والخير لكل المصريين والرئيس ده ابن مصر ومننا اتعلم وحارب وانتصر وبنا وعمر فيها مش ممكن يتخلي عنها هتخرب اكتر واكتر ربنا حفظها وحماها وقال ادخلوا مصر ان شاءالله امنين وهتفضل امنة مهما حاربوها ودمروها
اضم صوتي لصوتك محمد احنا اسفين يا ريس

[دينارة]

سلمت سيادة المستشار بلدنا ليها اعداء كتير وفرقتنا بتحققلهم امنيتهم في عزل مصر ودبحها
وفعلا اتق شر من احسنت اليه كل الي ساعدناهم بيطعنونا
حسبنا الله ونعم الوكيل
مصر مش هتقع
مش هتكون تورتاية الكل ياخد منها ويتصارعوا عليها
مصر بتاعتنا احنا
مش بتاعة الغوغاء والعملاء والوصوليين
ربنا يحفظ مصر وشعبها وقائدها مبارك من كيد الاعداء ومن حقد الحاقدين
واصبر فأن نصر ربك لقريب