دعوة للحوار الهادف .. في حب مصر

[koky lovers]

بس الريس برضوا عمل حاجات حلوة كتير لمصر مفيش حد مبيغلطش غير الانبياء و الرسل و احنا ولا انبياء ولا رسل يعنى لازم نغفر و بعدين هو لو ساب مصر دلوقتى مصر هتخرب

[abdoshow2007]

اللهم ارفع سخطك ومقتنا عنا .. اللهم ارحمنا برحمتك الواسعة .. اللهم ارحم ابنائنا وبناتنا والف بين قلوبهم ووحد صفوفهم واجعلهم على كلمة واحدة ( الله اكبر . الله اكبر ) اللهم اكفيهم شر الفتنة وشر الخونة ونور لهم قلوبهم وبصيرتهم

[فايز فتح الله]

اخوانى واخواتى السلام عليكم ورحمة الله وبركاته
أنا مصرى عشت عصرين من العصور عصر السادات وعصر مبارك ومن خلال تجاربى أقول
إن مصر بلد الوفاء ولم تأكل أبدا أبناءها فلماذا اليوم تريدون أن تنسوا ما فعله الرجل ، إن كانت له مساوئ فلكل إنسان مساوئه فلنقدر للرجل أعماله ويجب أن نستمع لصوت العقل فكل المطال باستجيبت فلماذا إضاعة ثروات البلاد فى مطالب استجيب لها اتركوا تنفيذ تلك المطالب للمتخصصين وثقوا فيهم فقد خرج المارد من القمقم ولن يعود
واعلموا أن ما سلب من الشعب المصرى فى سنوات حكم مبارك أضعتم أكثر منه فى أيام قليله فاحتكموا لصوت العقل ولله الموفق

[sumaiaabd]

السلام عليكم
ارجو من الله ان يحفظ مصر حرة مطمئنة انا لست مصرية بس ماما مصرية واحنا كلنا بنحبها وخيفيين عليها
ارجو من الله ان يهدينا واياكم يكفى ان نقراء كلما دخلنا مصر (ادخلوها امنيين )
وشكرا

[hugoboss]

اخوانى فى النتدى ..السلام عليكم ورحمة الله وبركاته
طبعا كلنا ملناش غير سيرة التطورات الرهيبة السريعة فى بلدنا الحبيبة مصر وكان لى رأى أحب أعرضه حتى لو خالف راى حد هنا فى النتدى
أولا انا لا أنتمى لاى حزب أو جماعة أو حركة أنا مصرى بعشق مصر وبس
ثانيا احنا شعب دائما ما غفر لفرعونه مهما عمل ودى طبيعة غريبة جدا وأعتقد ان ده بسبب أن غالبية أحكامنا عاطفية وليست عقلية ومافيش حاجة تدل على كده زى كلمة الست أمينة زوجة السيد أحمد عبد الجواد أعتراضا على طلب جلاء الانجليز قائلة بقى الناس قاعدين معانا العمر ده نقولهم أمشوا كده من غير مطرود !!!!!!!
ثالثا كلام أن السيد الرئيس مبارك هو الأب ده كلام مضحك حتى البكاء ..هى السياسة فيها أب وأبن ؟!!! الرئيس مبارك هو رئيس مجلس أدارة شركة ومفوض لأدارة الشركة اللى هى مصر يعنى الموضوع علاقة عمل بحتة يحق لاصحاب الشركة (المصريين ) محاسبته اذا لم يؤدى عمله كما يجب
رابعا موضوع أن الراجل زى ماله سيئاته له حسناته سهل تفنيده نحط حسناته فى كفة وسيئاته فى كفة وأشك أن كفة واحدة هاتقضيها
نبدأ بالحسنات : صاحب الضربة الجوية..ماشى على دماغنا بس لو الحرب كانت متكاملة يعنى مفروض جميع الاسلحة اللى شاركت والقادة على قدم المساواة لان الحرب ماكنتش ضربة جوية فقط واللى مش مصدقنى يقرأ كتاب ( حرب أكتوبر عبقرية الزمان والمكان ) للدكتور المؤرخ جمال حمدان رحمه الله
ناس تانية بتقول شوف تطور البلد والكبااااااااااااارى ومترو الانفاق والشوارع والطرق ( المكسرة ) والبنية الأساسية و......الخ الخ ياااااااااااجماعة ده أسمه التطور بالدفع الذاتى ..ايه المفروض تعمله حكومة دولة مش فى حالة حرب لمدة 30 سنة ؟؟!!!!!!!! دى مصيبة والله طيب قارنوا مابينه وبين مهاتير محمد اللى حكم ماليزيا فى نفس وقت تولى الريس السلطة وشوفوا ده عمل ايه لماليزيا وحولها من دولة متخلفة الى نمر أسيوى وساب الحكم بمزاجه لانه أدى واجبه
الأمن والأمان ماهو طلع فشنك وطلع لا فيه شرطة ولا مطافى ولا نجدة ولا مخابرات ولا يحزنون .. يمكن فيه شوية يحزنون !!!
السياسة الخارجية بعضها نجاح باهر وعقل وحكمة لا ننكرهما عليه والبعض الاخر فشل فظييييع
أما السيئات هافتح المجلد وهكتبها

[madanijaji]

يا أخت نمنمة : المسلمة وأخيراً فعلها الشعب المصري البطل وأسقط النظام العميل فلا يفوتني في هذه المناسبة العظيمة أن أتقدم الى الشعب المصري البطل بأحر التهاني وأخلص الأماني بإنجازه الذي تتطلع إليه كافة الشعوب المغلوبة على أمرها . فمن نصر إلى نصر حتى تصل مصر إلى أعلى المراتب بهمة شعبها الحر وسواعد أبنائها الشرفاء . وعن نفسي فلم أدعي بإني مصري وإن كنت أتمنى أن أكون مصرياً في هذه اللحظات المهيبة ولم أتحدث بأي لهجة غريبة عن مصر ولم أكن مندس ويكفي إني منتمي لهذا المنتدى قبلك . فكل ما فعلته في مشاركتي السابقة هو نقل صدى هتافات أحرار مصر التي كان يرج بها ميدان الشهداء ( التحرير ) وكانت ترعب كل عباد الكراسي في كافة أرجاء المعمورة . أكرر التهاني للشعب المصري وكافة الشعوب العربية والإسلامية على ثورة مصر المظفرة والله ولي التوفيق .  

[أحلى بنت ندى]

الريس دة عمره ما كان قلبه على البلد دة كان قاعد علشان ينهب منا احنا الشعب المصرى الفلوس وبس واهوا مشى وسبها تولع بجاز والفلوس بتاعت مصر خدها ومشى رساله الى صاحب الكافيه بليز عايزة اترقى وشكرا

[أحلى بنت ندى]

لو الرئيس يعرف حاجة فى الدين مكانش عاهد نفسه وربنا على اصلاح البلاد وهو مش قد المهمه ديه دة بالعكس افسد البلاد يبئى ملهوش لازمه فى البلد..........

[faraola]

التغيير لازم يكون من تحت وليس من فوق لازم تربي اولادك علي القيم والمبادء والاخلاق وتعلمه ميخدش رشوه وانو يكون رقيب علي نفسه ويعلم ان الله لا ينسحب ولا يتحرق له حزب ولا يتحرق له قسم لما تربي ابنك وانا اربي ابني والاخر يربي ابنه هيكون منا الريس وهيكون منا الوزير والضابط وهيكون منا الراجل الى بينظف الشارع ومش هيكون منا الحرامي ولا السارق ولا المرتشي فأرجو ان نعمل سوياااا من اجل مصر ومن اجل مشروع قومي والسلام