عشان مصر

**لبنى مصر** · 2 - 2 - 2011, 07:47 PM

بسم الله الرحمن الرحيم

الى كل من يحب مصر الى كل من ينتمى الى هذا الوطن العظيم ويعشق ترابه الى كل من هتف لمنتخب مصر عشان بيحب مصر الى كل من ادمع فرحا فى 2006و2008و2010عندما تسلم المنتخب المصرى كاس الامم الافريقيه عشان بيحب مصر الى كل من ادمع حزنا وندما وحصرة عندما خسرنا امام الجزائر ولم نصل الى كاس العالم عشان بيحب مصر

الى كل من كتب لهذا الوطن مفتخرا او فرحا او غضبان او متالم او معاتبا عشان بيحب مصر الى كل من غنى لهذا الوطن سعيدا او حزينا او لائما عشان بيحب مصر الى كل من هاجر هذا الوطن ياتى بعلم من الخارج يفيد به بلاده عشان بيحب مصر الى كل من اتت له فرصه ليسافر خارج البلاد وظل فى بلاده عشان بيحب مصر

الى كل من انحنى ليحمل قطعة ورق او قشرة موز او غيرها ويلقيها فى سلة مهملات حتى يكون وطنه نظيفا عشان بيحب مصر الى كل من رفع راسه يحيى علم بلاده ويردد نشيد مصر عشان بيحب مصر الى كل من رفع يديه تصفيقا لعالم او فنان او رياضى او مثقف او غيره شرف مصر داخلها او خارجها مفتخرا به عشان بيحب مصر

الى كل من خرج غاضبا يهتف مطالبا بحقوقه ليعيش بكرامة فى وطنه عشان بيحب مصر الى كل من هتف دون خروج عن الاخلاق ودون تجريح فى اى شخص هتف بحب عشان بيحب مصر الى كل من قال بنحبك يا مصر ، متخربش مصر ، وعشانك يا مصر ، تعيشى يا مصر ، وتحيا مصر تحيا مصر تحيا مصر عشان بيحب مصر

اتقوا الله احنا شعب الاخلاق والطيبه والحنيه والامان والصبر عشان مصر اصبرو يا شباب مصر نترقب هيحصل ايه يمكن مصر تتغير للاحسن وان شاء الله هتتغير وتبقى اقوى واحسن واكتر تماسك واكتر طيبه وحنان وامان عايزين نعطى الفرصه للحكومه الجديده والرئيس مبارك نفتكره اى حاجه حلوه عملها عشان مصر وهو عمل كتيييير مش قليل غلط نحاسبه نعاتبه ونلومه بس مش نهينه انتو بتحبو مصر متخلوش حد يسيطر على افكاركم اصبرو عشان مصر نصبر عشان مصر عشان بنحب مصر

تحياااااااااااااااااا مصر

**دموع الاقمر** · 2 - 2 - 2011, 07:54 PM

انا بقول كدة باردوا وانا معاكى في هذة الدعوة يارب يستجيبوا ليها ويصبروا
وتسلم ايدك علي طرح هذا الموضوع

**لبنى مصر** · 2 - 2 - 2011, 08:00 PM

المشاركة الأصلية كتبت بواسطة دموع الاقمر

انا بقول كدة باردوا وانا معاكى في هذة الدعوة يارب يستجيبوا ليها ويصبروا
وتسلم ايدك علي طرح هذا الموضوع

يارب وباذن الله مصر هتبقى احسن واقوى زى ما قال الريس
يارب يشيل عننا الغمه دى ويبعد عننا الاعداء والحاقدين والشمتانين يارب اكرمنا يارب ومصر ترجع من الاول جميله وحشتينا يا مصر وشكرا لمرورك حبيبتى

**لبنى مصر** · 2 - 2 - 2011, 09:48 PM

فينكم يا جماعه عشان مصر لازم نكون ايد واحده مستنيه ردودكم

**ران** · 4 - 2 - 2011, 09:53 PM

يمكن كلامك صح
واسفة ان تفكيرى مغاير لتفكيرك
اه لازم نفتكرله حاجة حلوة عملهالنا
بس لما بتعملى تورتة وبدل ماتزينيها تنسى وتحطى تراب عليها
تفتكرى هينفع انك تصلحيها
انا بقى مفتكرش
واللى عمله فينا اكبر بكتير من اللى عمله لينا

من حق مصر عليه انه يصونها وده هو عمله
بس فى حاجة تانية وهى من حق مصر برضه عليه انه يسمع شعبها ويصونه مش ليل نهار يذله ويهينه
اسفة اذا كنت طولت
بس حب بلدى خلانى اتكلم واقول اللى فى نفسى من غير ماأتألم
وعشان بنحب مصر يبقى لازم نغيرها وننهض بيها لفوق من غير ما نخسرها
دمتى بود وتقبلى مرورى

**asomaa** · 4 - 2 - 2011, 10:49 PM

ربنا يحميكي يا بلدي بجد ربنا يحميكي يا مصررررر يا ام الدنيا

**روكي** · 5 - 2 - 2011, 09:30 AM

انا معاك في كلامك ومصر هتفضل بخير بشعبها وتستقر ونصبح في امان والريس مش وحش وعمل كتير للبلد اصبروا يا جماعة
كلنا بنحب مصر اصبروا لحمايتها

*** حساسة ودمعتي الماسة *** · 5 - 2 - 2011, 02:32 PM

أنا معاكي ياران في كل كلمة بتقوليها وهو على قولك عمل فينا كتير بس احنا ان شاء الله هانعمل فيه أكتر لم يطلع قدام الناس كلها وراس في الارض ويقول فهمتكم زي ماقال رئيس تونس .. ويطلع ويفك الشعب منه .. وان شاء الله ربنا هايحفظ وينصر مصر بس مش مع مبارك مع رئيس أفضل منه ..

**زيرو كول** · 5 - 2 - 2011, 02:41 PM

تسلم ايديكى
بجدكلامك صح
جزاكى الله كل خير
تقبلى مرورى

**ايهاب رمزى** · 5 - 2 - 2011, 02:50 PM

بجد كلام فى جميل جدا

الموضوع: عشان مصر

أدوات الموضوع

عشان مصر

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة