اعرف انجازات مبارك ... وقرر ؟؟؟؟؟؟

[هشام اللول1]

اعرف انجازات مبارك

1_مشروع توشكي
...2_تصدير الغاز للعدو
3_البطالة
4_الواسطة
5_غرق العبارة ومقتل اكثر من 1300 مصري
6_نظام التعليم الفاشل
7_قطار الصعيد
8_تزوير الانتخابات
9_ارتفاع الاسعار
10_ حوادث السيارات وحالة الطرق المصرية
11_سرقة اراضي الدولة
12_عمليات التجميل علي نفقة الدولة
13_حصار غزة
14_تردي الخدمة الصحية
15_خصخصة شركات القطاع العام وسرقة اموالها
16_المعتقلات السياسية
17_طوابير الخبز وانابيب البوتاجاز
18_اهمال العلااقات مع دول حوض النيل مما ادي الي قيامهم بتهديد مصر بمنع مياه النيل
19_هجرة الشباب وغرقهم في البحر المتوسط وامتهان كرامة المصريين في الدول العربية
20_احمد عز واحتكار صناعة الحديد وهشام طلعت مصطفي ومدينتي
21_اموال المصريين التي تذهب الي الطبقة الحاكمة وانا وانت لا نجد قوت يومنا
22_اللحمة ب 100 جنيه
23_الداخلية ومعاملتها للمواطنين
24_ غياب الدور المصري في المحيط العربي مما ادي الي تدخل ايران وازدياد نفوذها في المنطقة
25 ازمة السكن وارتفاع اسعار العقارات
26_المبيدات المسرطنة وخراب زراعة القطن المصري الشهير
27_احتكار نواب الحزب الحاكم لمجلس الشعب وتهميش الاحزاب الاخري
28_تقسيم اراضي سيناء لعدد من رجال الاعمال وتهميش الشعب الذي هو السبب في رجوعها الي مصر
29_ انقطاع الكهرباء والماء المتكرر في بلد توصف بانها هبة النيل
30 _العنوسة وظاهرة التحرش في الشارع المصري
31_قانون المرور الذي يهدف الي سرقة وليس حماية المواطنين
32_تهريب اموال مصر الي سويسرا
33_الضريبة العقاريةواموال التأمينات التي ضاعت في بورصات امريكا
34_ضياع الطبقة الوسطي التي هي عماد اي بلد محترم
35_تقسيم السودان وتدخل اسرائيل الواضح في القضية وغياب دو المخابرات المصرية والتي يبدو انها كانت نائمة
36_البناء علي الاراضي الزراعية الخصبة التي ورثناها عن اجدادنا الفراعنة والان نضيعها
37_انعدام الثقافة في المجتمع المصري واغاني العنب والحمار
38_اهمال اهل الصعيد وهم من حافظوا علي تراث الفراعنة مما ادي الي ضياع التراث المصري
39_انتشار المخدرات وضياع الشباب المصري من اجل قتل اي روح للتغيير
40_المنتجات الصيني المضروبة التي اغرقت الاسواق دون رقيب عن جودتها
41_ الرشاوي والفساد الاداري لاجهزة الدولة نتيجة لضعف المرتبات
42_ عدم محاسبة اي فاسد تفوح رائحته والاكتفاء بتغيير منصبه

حكم مبارك مصر 30 عام
لم ياخذ فرصه واحده فقط
بل اخذ الاف الفرصه
ولكنها كانت فرص شخصيه

وعندما يأتي الفرصه لشباب مصر
تحسدوا الشباب عليه
والله العظيم حرااااااااااااااااااااااا ااام
انه فرصه شباب مصر
لا تضيعوها عليهم
كم من وعود وتصاريح سمعنها من الرئيس
ولكن بالمرواغه والحنكه السياسيه يفلت من هذا الوعود

ما ادراكم ان هذه الوعود سوف تنفذ
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

[دره]

ربنا يكرمك يا هشام على اللى جبته من الانجازات
لا ولسه فيه كتير واكتر من اللى جبته
نفسى اعرف بقى اللى بيوافق وجوده وبيخاف على شعور الريس اوى كده بيكون على اى اساس؟
وواضح لهم ليه بس الفخ ومش واضح اللؤم
يلا ربنا يهدينا ويهديهم
جزاك الله خيرا هشام

[~ NORA ~]

وفقك الله وفعلا بمجرد الشعب ما يهدأ ويصدق وعوده الكاذبة سوف يحكم لمدة اطول ولن ولم ينفذ اي وعد من وعوده الكاذبة وسوف ترجع الشرطة كما كانت بل ستزداد قسوة وتعذيبا للشعب واذا سمحت يا هشام ممكن ازيد شوية حجات :
1/هل تعلمون أن هناك 18 مليون مصري مصابين بفيروس الكبد الوبائي c بسبب التلوث والمبيدات .
2/هل تعلمون ان هناك إنتشار كبير لمرض السرطان بسبب المبيدات الإسرائلية التي استوردها يوسف والي بعلم منه ولم يحاكم يوسف والي (وزير الزراعة).
3/ألم تسمعوا أن هناك 40% من المصريين تحت خط الفقر ولا يجدون قوت يومهم
4/هل تعلمون انه كان يرتب لابنه لتولي الحكم منذ عام 1998
5/ألم تسمعوا عن المصريين الذين ماتوا في العبارة غرقا ولم يعلن الحداد على ارواحهم وبعث الامن المركزي ليضرب أهاليهم في ميناء نوبيع وذهب ليشاهد مبارة لكره القدم وكانه لم يمت أحد من أبنائه
6/هل تعلمون أنه قال عندما أتى للحكم قال :ان الكفن ليس له جيوب وأنني لن أحكم اكثر من مرتين وهو الان يكمل 30 سنة في الحكم ولاولاده ثروات تقدر بالمليارات الان
مصر هي الباقية وكلنا إلى زوال
هل حسني مبارك أفضل من مصر ؟
هل تسمعون عن شخص يدعى مهاتير محمد الذي حكم ماليزيا في عام 1980 مثل الرئيس مبارك وانظري أين ماليزيا الآن وأين نحن كمصر أم البلاد ؟؟
ومع ذلك تنحى مهاتير محمد من نفسه بعد عشرين عاما بدون أن يطلب منه الشعب ذلك

إلى الامام يا شباب مصر إلى الامام وفقكم الله وليسقط الطاغية ولتنتصر مصر وتنهض ...وتقوم وترجع لها هيبتها وكرامتها وعزتها
شكرا ليك يا هشام ووفقك الله وسدد خطاك وحماك ورعاك ودمتم فخرا لمصر ولبلدك

[احمد 2229]

على فكرة يا جماعة اللى انتوا بتقولوا علية دة بيحصل فى جميع الدول من تصادمات القطر الى الغلاء الى الامراض بس مش معلنة اولا مشروع توشكى جميل بس تلاقى فية حرمية وراة مش شرط هوا يعنى انتا لو عملت مشروع مش ممكن اخوك يسرقك فى مشروعك دة لو انتا وقفتة معاة و البطالة دية من الزيادة السكانية دة احنا بقينا اكتر من 85 مليون نسمة دة لو انتا عندك 5 عيال مش تعرف تاكلهم وبعد غرق العبارة يعنى هوا اللى كان سايق ولا كانت المية اللى فيها ملك ابوة ولا اللى هوا كشف عن السفينة سليمة ولا لاءة طب اقلوكوا حاجة انا بعد ما تخرجت من الكلية قعدت خمس سنين و نص من غير ما اشتغل ولا شغلة هل دة عيب الدولة ولا عيب فيا انى معرفتش اعمل حاجة وبعدين موضوع اللحمة انا هقولك حاجة محدش يعرفها من ايام انور السادات لما غليت كيلوا اللحمة وبقت بجنية خرجوا فى ثورة وانقلاب على الحكم سنة 1971وكانوا بينادوا ويقولوا فيها سيد بية يا سيد بية كيلو اللحمة بقى بجنية وخرجوا من جامعة القاهرة الى ميدان التحرير و خربوا الدنيا فيها دة مش غريب على الشعب زى اى حد من ولادنا لما يبهدلك البيت معترض على رايك وبعدين الضرائب العقارية ليست هوا اللى وضعها ولا هيا النهضة قامت بين يوم وليلة كتوا فين قبل كدة ولا انتم مكتوش شايفين اى حد فجاة احمد عز بقة حرامى اللى كان اقرب يخلى سعر جرام الحديد زى جرام الذهب ودخل الحديد الصينى الجميل اللى بيبنى البيوت ويقوعها على دمغنا ان شاء اللة محدش اقلوة لاءة لية ولا الباشا طلعت مصطفى الكبير قوى محدش اكلم ولا النهضة متقومش الا عن طريق تخريب بيت ابوكوا و خلاص وبعدين تقعدوا تدفعوا التمن انتوا و اولادكوا التمن و تقعدوا تشدوا الحزام اظن اغلبكوا معش فترة شد الحزام والبهدلة اللى عاشوها اهل التمنينات كانوا بيقعدوا يقولوا امتى هنفك الحزام لغاية الحزام ما وقع من على البطلون و بان كل شئ وبالنسبة للتعليم اللى خربها من الاول فتحى سرور من ايام ما كان وزير التعليم فى التمنينات وغير الكتب ولغى مقررات وحذف حاجات غريبة ولغى مادة التربية الدينية من ايا مبتكر هذةالابداعات فتحى سرور محدش منكوا سألوا لية وبعدين العنسوة هوا سببها هوا مالوا بالبنت اللى تروح تخطبها تبقى عاوزة تتجوز تامر حسنى ولا تغالى فى المهر تجيب تامر حسنى يجوزها من مين ولا تحب تمشى وتلعب و خلاص من غير ما تحب تتجوز والبنات اللى ماشية على كوبرى قصر نيل وبيلعبوهم الصبيان حلوا دة هوا
دة الفكر وبعدين الرشاوى انتوا اللى فتحتولهم الباب يعنى البطاقة الصحية انا مش عارف اطلعها لابنى لا بالفلوس ولا عيرة هوا عندة ستة اشهر لما يجى واحد يديلوة 10جنية فى الدرج علشان يطلع البطاقة الصحية ترجع تلوموا نفسكوا بعد كدة انتوا السبب انتوا اللى خلقتوا الوحش و اكلتوة مش عيب بقى يكبر و يكولوا لو كول واحد راعى ضميرة فى الحديث كلكم راعى وكلكم مسؤل عن رعيتة وبعدين مخدرات اية اللى انتوا بتكلموا عليها دة اللجان الشعبية واقفة بتلف البانجوا والحشيش والسواقين على الصبح تلاقية لافف السجارة فيها بانجو و مقعد بت جنبة بيحك فيها يدة قبل ما تروح البت مدرستها وثقافة اية بتكلموا عليها فى ظل الجنس و الحشيش والنسوان اللى بترقص احلى من اي رقاصة فى احسن كازينو ولابسة بدى محزن ومبين جسمها من البدى ومدية رقمها لكل الشباب اللى حوليها هيا دية الانتفاضة انتافضة الدنيا زى المرجيحة يوم فوق و يوم تحت ولا شربت حجرين على الشيشة مع سوسو والزمن عويشة فوقوا بقى وبعدين هما مالهم وتقسيم السودان هنروح نقعد معاهم طب محد يجى يقعد معانا انتوا مش هتقبلوا حد يقعد معانا دلوقتى واحنا فى تلميح لوجود حاكم عسكرى علينا من الخارج هوا دة الوضوع لوا انتوا قبلتوا بالحاكم الخارجى احنا نروح السودان ونحكم فيها هيا هيا انظروا الى الامور من الخارج وليس من اعتراض الابن على ابوة وبعدين من منا لايفضل المنتج الصينى اهوا بيعيش بية حتى و لو فية اى حاجة هوا جميل كولنا عندنا محمول و كمبيوتر صينى اللى ناقص اللباس يكون صنع فى الصين حتى الفانوس صنع فى الصين اشمعنى دة السادات لما اقال انا هوقف الاستيراد الناس صوتت قال لما اكفنى نفسى و يعيش على حاجتى الاول ابقى استورد منتجات والناس حتى بعد ما مشى السادات اقعدوا يهاتوا مع مبارك علشان يفتح التصدير ولما فتحوا اقعتدوا تصرخوا ولا مش فكرين فى اول التمنينات الناس كانت تروح بورسعيد علشان تشترى كوباية ولا بلوفر مستورد ويجمركوا علية ولما فتح مبارك التصدير اقعتدوا تصوتوا تقولوا الصينى واللى منة اللى ميعرفوش الناس ان اكتر معيشة اهل سناء على مزروعات اسرائيل و منتجتها حتى الصابون بما فيها انابيب الغاز اسرائيلية صنعت فى اسرائيل واكترهم السيناوية بيحبوا اسرائيل دة بيعملوا ايهودى غير مايعملوا المصرى بيعملوا المصرى على انة اجنبى بينما بيعملوااليهودى على انة صاحب ارض حاجة مقرفة لدرجة انى زهقت من القاعدة فى سناء مع انها ارضنا وارض الانبياء وبعدين ظهور الامراض فى المستشفيات دة سببة الكاترة اللى فيها وبعدين محدش فكر اية اللى خرج 17 الف سجين من سجون مصر من سجن القطا الى سجن القناطر الى شبين الكوم الى سجون الاخرى والمذابح اللى حدثت فى سجن شبين الكوم حتى ان اب احد حراس السجن لازال حتى هذة اللحظة يبحث عن ابنة فى اى مكان فى سجن شبين الكوم حتى انة بحث عنة فى المشسرحة لم يجدة كول دة فى غياب الشرطة حتى و لو كان الامر فى منتهى العجب ان الشرطة كلها فى مصر تختفى فى يومين والناس يستولوا على الهراوات الا هذا الشئ يدعوا الى التسأول من هم ذو الالباب والعقول الواعية المبصرة وزجاجات الملوتوف على حد زعمهم وكمية الرصاص التى يضرب الهاربين والصدادات بتاعة الاقسام الشرطة استولوا عليها الناس حتى الذهب اللى فى الصاغة اتسرق هيا دية ثورة الشباب ولا كما قال السادات فى احداث 18 و 19 يناير 1977 دية ثورة الحرامية (اللصوص) هذا ليس تهميش لعمل الشباب لكن لما احب اقوم بثورة مخربش بيت اخويا ولا ابنى كل واحد حر فى التعبير عن رأية لكن العمل لما يوصل الى كدة دة شئ لا يطاق اللى محدش يعرفوة دة اكتر الناس اللى ملهاش مصدر رزق ثابت ضيعة دلوقتى لا اكل و لا شرب هل هذايرضى الشباب بارك اللة فيكم يا جيل مصر

[* حساسة ودمعتي الماسة *]

عندكم حق والله يا أستاذ هشام ويادرة ويا أهلاوية وأفتخر .. كل كلامكم صح 100% ربنا ان شاء الله هاينتقم منه هو وحكومته .. وعلى قول درة مش فاهمة اللي بيحبوه بيحبوه على إيه يحقلهم مهم شايفين الانجازات اللي حضرته بيعملها ربنا مايوفقه في حياته هو والشرطة والحكومة ويوريهم في حياتهم زي ماعملو في الشعب ..

[حرف مشتعل]

انجازات تكتب بالدم
بوركت هشام

[!!silent]

بصراحه كلامك صح 100% ا\هشام
فرص شخصيه و بصراحه ده رئيس ظالم لشعبه اذا كان
هو و لا حكومته الزباله و اكيد الاعمال المذكورة اهم اعمالهم
و كمان مفيش احساس حد يقول لحد بكرهك و يعد من غير دم كده
الشعب كله قالها كلمه صريحه (ارحل )
مش فاهمه لسه ماسك فيها علي ايه و ليه؟
و لكل مواطن حريه التعبير عن رايه
تحياتي

[yoyoesam]

برافو عليك يا هشام واللة هى دى فعلا انجازاتة وما عمل غييرها وبعدين الاخ اللى بيقول العالم كلة كدة
دا غلط دا فى السعودية الشاب اللى وصل سنة 21سنة ومش شغال بيجبولة شغل وشقة ادى بلد من ضمن العالم
شكرا على توضيح الصورة يا هشام

[roro_rawan]

ايه دا ما انجازاته كتير اهو طيب انت ليه زعلان منه يا استاذ هشام!!!
سيب الراجل يعيش شبابه
انا مش عارفه هوا لسه قاعد ليه ما يمشى بقا ايه دا هوا فى ناس كدا يا سااااتر
مشكور جدا على التوبيك الجامد دا

[الاميره ريتاج]

والله يا شباب الراجل ده عمل حجات كتير فى بداية حكمة مننسهاش ياريت منكونش جاحدين ونفتكر قوله صلى الله عليه وسلم ليس منا من لم يوقر كبيرنا