قهوتنا على الانترنت
ابحث عن :  
النتائج 1 إلى 6 من 6
  1. #1
    تاريخ التسجيل
    1 - 7 - 2009
    ساكن في
    فى الدنيا
    العمر
    32
    المشاركات
    346
    مقالات المدونة
    1
    النوع : انثيEgypt الفريق المفضل  : الاهلي

    غضب وزعل عشانك يا أم الامم






    ياشعب كله حماس اياك فى يوم تنداس ولا توطى الراس لا خليها مرفوعة
    ده الظلم جاله يوم علشان يقوم ويغور والحق يتحكم
    ياشعب كله رجوله ولو هيضرب بشومه مش بالرصاص والنار
    ياللى بتقولي حرام تعمل فى سيدك كده بعد الامان والانجازات اللى عملهالك
    والحرب اللى عمره مدخلهالك والدم والارواح اللى حفظهالك وتقولى بنحبك ياريس ولا يوم هننسالك
    طابا وسينا اللى من غير حرب رجعوا ومعاهدات السلام اللى هناك بقيوا
    طب انا نفسى افهم انت بجد مصرى عايش فى مصر سنين صاحى ما بتنامش
    يابنى حرام الظلم فى المظلومين خلقه
    هلاقيها بس منك ولا من سيدك
    يابنى اصحى وفوق ده الظلم غمى عنيك
    خلاك تقول للظالم اهلا وتمد اديك والحق عند صار ظلم ومش عدل نقول على سيدك كده ماهو برضه من مصر
    يابنى زمان الظلم راح وراحت ايامه الحق جه يومه وهو ده زمانه
    ياتبدأ بقول الحقيقة ويكفيك ما قلته
    ياأما بقى تسكت وجنب الحيط روح امشى
    وخلى اللى بدأو يكملو مشوارهم الطويل

    ياللى بتقول بحبك ومالى غيرك ريس
    يابنى ياتسكت احسنلك يا هبطلك تهيس
    عايز تفهمنى انك بجد بتحبه والله ما اصدق
    ياأما انت منافق ياأما لسه خايف
    يابنى خلاص الخوف ولى زمانه وراح
    والظلم من انهارده ملوش مابينا مكان

    قالت كتب التاريخ عن عظمة شعب مصر
    شعب النيل العظيم لما قام التتار وقرر انه يجور قام المصرى الاصيل
    وقالوه لا لو عايز تجور امشى وغور عن ارضى وارحل ولاتعود
    جور فى بلاد تانيه دى مصر محمية
    ولما قرر انه يثور ويقلبها ظلام وغيوم
    قالوه انت اللى ابتديت والبادى فى امثال بلادى
    بيكون هو الاظلم وعليه فتح النار وقلبها عليه دمار
    وقالوه عنى تغور ولا تيجى فى يوم تزور
    حلف ساعتها بمصر وبنيلها العظيم وحياة شعب مصر والمصرى الاصيل
    مارجع لها تانى ولا حتى اكون مشتاق ومجرد التفكير راح انساه فى ثوانى
    والشعب بأيده حمى اراضيه من اى حد يوزه عقله او يغريه انه يفكر مجرد التفكير انه يبص فى مرة على حد ارض النيل

    ياللى بتطالبنى انى احترم وافتكرللريس يوم حلو فى حياتى وتقولى عيب ده الريس ومهما كان ده الريس اسمعنى فى ثوانى

    يا بنى الريس اللى بتقول عليه ريس عمره مكان هيبقى ريس الا بأمر من شعب الريس
    الشعب هو اللى عمله ريس
    ويوميها خلاه يحلف يمين الله مايبيع اراضيهاوانه بالعدل يحكم وللشعب يسمع وحلف يمين الله ليحافظ على اراضيها ويسمع كلام شعبها
    ويحافظ ع القانون لكن ياأبو قلب حنون ياللى بتقول ما يهون
    لا حافظ على قانون ولا للشعب بيسمع والظلم كان لحكمه هو الوحيد عنوان
    ونزل فى الشعب نهب وسلب وظلم وعرفه الحرمان
    فى الشاب بيقتل كل الطموح وينسيه حتى الامانى ويعلمه بشئ وشويات وبعدين ع الامم والقهاوى
    صاحبنا قاعد هناك لا بيه ولا عليه مش لاقى شغل حتى لويشتغل زبال ضرب الحيط بالشهادة وقال يارب عمل
    اقدر اجيب منه ولو جنيه يكفينى بالحلال وعن الحرام ابعد
    سيدك اللى بتحاميله منعه حتى يحلم وموت دعاه فيه وعلمه يندم

    ابويا وابوك عمرى ما شفت الضحكة على وشهم صادقة ياأما من همهم يا أما من البلوى
    ومن همهم نامو مفتحين العين والدمعة على خدهم
    لافى يوم فرحو فيه ولا من قلبهم ضحكو صابرين ع ظلم السنين وسنين بيتناسو
    ويقولو برضه الريس وخليها علينا بكره يفوق ويصحى ويسمع شكاوينا
    دى العشرة ماتهونشى وده برضه مازال مصرى
    والاصل من طبعنا ميهونشى دلوقتى هو هيفوق ويصحى من نفسه بس ياعينى على اللى حب ولا طالشى
    باتو فى هم كبير سنين وسنين كتيروهو ولا فى دماغه كل اللى فى دماغه ينهب وينهش فى لحم الغلبانين ازاى
    ويعيش ويتمرمغ فى العز ده لوحده وطز فى اللى شقى وماأخدش حتى رغيف
    بس خلاص فاض بيه وقال لازم نقوم ونواجه الظلم والظالم
    وصوتنا لازم يتسمع من انهارده يا تسمع ياترحل
    بس هو مين طز فى الشعب واللى يتجرأالسجن عملينه ليه والمعتقالات راحت فين
    ودرسنا وسائل التعذيب فى السجون ليه ماهو لازم يتعمل بيها
    والسجون الناس تمليها واللى ينطق فى يوم ويقول الحق فين فى المعتقل ارموه وع الجبل ودوه يشقى ويكسر

    لكن الظالم ما أخدش باله من حاجة ان اللى خلاه ريس هما اللى تاعبهم واللى خلاه سيد اللى معذبهم

    فى كلمة نفسى اقولها من زمان وارتاح ياظالم للظلم نهاية والحق لازم يبان
    انت ماصونتش العشرة يبقة احنا ليه نصون والعشرة اه تهون على ولاد الحرام بس افتكر ان انت اللى ماصونتش
    والاصل من طبعنا احنا ولاد النيل بس اللى يفكر يغدر هنغرقه فى النيل
    وقليل الاصل مش مننا حتى لو كان مصرى مصر بتتبرأ منه ولاتبكى فى يوم عليه
    اصل الندم ده بيكون على حد بيدى فى خير أما اللى بيخلصه وبيدى بداله الشر شكرا اوى ومرسى وبالشوز هنديه


    زمان الملك اللى احنا خليناه ملك حكم بظلم وجور ومنع عنا الاجور ودخل الامريكان
    فى شوؤنا يتحكموا وبقانونهم يحكموا اصله ياعينى حرام مشى فاضى بقى لينا هيفضى لينا ازاى
    مش لاقى وقت لينا الخزن مليانه ومش لاقى خزنة فاضيه من دمنا يمليها
    وداير يدور على كل الدور يريد بنت حلوة وأصيلة تكون بتجيب الولد علشان تجبهوله ومن بعده يحكم قوموا يلا وادعولوه
    بس ده بعنيه راح للى حاميينه واتجوز واحدة شبهه اللى على نهجه سايره
    وجابتلو الولد وياعينى ع الولد اللى كبر وظلم وبالجور حكم على اتولد من البلد
    بس النهارطلع عليه مش باين وابن البلدرفع الشعار بره يا خاين
    انته واعوانك ملكوش ما بينا مكان وان البلد لابن البلد مش للى جابتلو الولد
    والحكم بأدينا احنا واهالينا نحمى اراضينا بأرواحنا وعنينا
    ورفع الستار عن الظلم واعوانه وختم النهار بالمجد والفرحة
    ورفع الشعار لا للدمار والمملكة انهارت والجمهورية سادت
    والحكم بأدينا احنا ولاد البلد مش للى يعادينا
    ومن يوميها السيد هو الشعب مش اللى بنخليه سيد هو اللى يسقينا مر العذاب وهوانه ومنه يدينا

    وعشان كده يا ريس كفايه ظلم فينا ده انت ولا مؤاخذة من غيرنا ولا تسوى
    ولوفضلت تظلم صدقنى ياأما هنديك بالجزمة يا اما هتجيلك الازمة وساعتها تروح فيها

    ارحل وسيب الفجر يطلع
    ارحل وسيب النهار يعود
    روح يالا غور من وشنا انت واللى عايزينك
    ملكوش مكان على ارضنا ولا احنا عايزينك
    روح يالا غور من عندنا دى مصر اتعرت على ايدك
    وماعاش اللى يزل بلدى وانا هنا على ارضها
    عنها هدافع وعليها وفيها هموت
    يابلدى انتى الدافع انى عليكى اموت
    وعلشانك ابيع روحى ولا اشوفك فى يوم تنوحى
    ماتندميش على اللى ظلم ومتبكيش على اللى اتظلم
    فداكى روحى ودمى وابنى وابويا وامى
    يا مصر انتى العلم وانتى ام الامم
    واشرف تراب واعذب نيل ومجد اصيل
    فيكى بموت واللى يفكر فى يوم يهينك
    مالو مكان فى تراتيلك وفى داهية يلا يغور من وشنا
    ويا نعيش احرار يا نموت بعزنا

    خلص الكلام وماعدش فيه حتى السلام
    الا لما يعود السلام لموطنه على ارضى وفى بلدى
    ولما تغور يا حسنى عنها يومها هقول ده عيد80مليون
    ويوم النصر لبلدى مصر
    وده عشانك يا أم الامم
    اللهم وفقنى لما تحبه وترضاه
    اللهم نجحنى فى هذه السنه
    والهمنى الصبر على هذا الهيلوغريفى الذى ادرسه اللهم امين

    البحث على جميع مواضيع العضو ران

  2. افتراضي

    انا هقولك حاجة واحدة لما هو الريس سيئ بالدرجة دي ليه قبلت انه يبقي ريس كل ده ماعملتش ثورة ليه
    هتقولوا كنت خايفين طب خلاص فاضل كام شهر يبقي نطرده ونهينه ويبقي شكل شعبنا امام العالم كله سيئ كده احسن
    وبعدين انت نسيت الوزراء والناس اللي تحتهم مش هما اللي بيسرقوا برضوا الموظفين نفسهم لو انت واحد منهم اللي بيقعدوا نص الوقت ده لو اشتغلوا اصلا وبيذلونا عشان يعملوا المصلحة ومفيش مصلحة من غير ماتدفع وهم مصريين ومن الشعب مش كل حاجة علي الريس اتقي الله حتي لو غلط احنا كلنا مشتركين معاه كل واحد غلط في البلد دي
    انا اسفة لو الكلام مش عجبك بس دي الحياة اللي احنا عايشنها بس لكل حاجة حولك وبلاش انت كمان تظلم الظلم وحش

  3. #3
    تاريخ التسجيل
    1 - 12 - 2010
    ساكن في
    * مصرية وعايشة في عالم الحب والرومانسية*
    المشاركات
    349
    النوع : انثيEgypt

    افتراضي

    لو سمحتي ياروكي اسمعيني :
    انتي بتقولي لما هو سيئ استحملناه ليه كل ده يعني كان عندنا أمل ان يغير لما يشوف الشعب كل يوم بيجوع أكتر .. لما يشوف الشباب كل يوم البطالة بتزيد .. لما يشوف الناس بتخرج لبلاد بره عشان لقمة العيش .. لما يشوف البلطجية بيقتلو في اولادنا .. لما يشوف البنات بتتحرش كل يوم من شباب ماعندهوش ذمة ولاضمير .. لما يشوف اموال البلد بتنسرق وهو بيطفح وينام .. يعني قلنا يمكن يبقى عند دم ويفهم .. ولو على موضوع الوزراء ان هما كمان بيسرقوا مهو من تحت راس مبارك لان مش بيسأل عن اللي بيحصل في الشعب ولا اللي الوزراء بيعملوه في الناس لان اصلا كلمة الرئيس فوق الكل ..
    ان شاء الله هايخرج من البلد وهو مذلول ومتهان وراس في الارض ولو ما خرج من البلد بالادب هايخرج بقلة الادب هو دا مصير اللي زي .. وشكرااااااااااااااا ياحبيبتي ياران على الكلام الروعة وان شاء الله نفرح كدة عند خلع مبارك ..
    أحبك جدا رغم الجميع ... رغم الظروف دون البشر ... وفوق الرسائل أكتب بحبك وبين العواصف وتحت المطر ... أحبك همس رقيق كهمس البلابلفوق الشجر ... بحثت عنك كثير فوجدك داخل قلبي منذ الصغر ... وكيف أرى الأشياء بدونكفأنت المشاعر وأنت البصر ....أحبك جدا....
    (بحـــــــــــــMــــــــبـــــــــــك)
    محدش يفهمني غلط ياجماعةأنا مابحبش حد
    دا أخويا أنا بحبه أووووووووووي

    البحث على جميع مواضيع العضو * حساسة ودمعتي الماسة *

  4. افتراضي

    انت عندك حق في اللي انت قولته بس الشباب اول ما عملوا الثورة غيروا حاجات هو الريس اتاخر كتييير بس احنا اتاخرنا اكتر وبعدين عمر المصري الاصيل مايسمح باهانه رئيسه وبعدين هو مصري زبك يالضبط وحاسب نفسك الاول شوف انت عملت ايه عشان بلدك قبل ما تحسبه انه هو سبب المصايب اللي في البلد
    عشان كلنا لينا يد في خراب البلد مش هو لوحده انا وانت وكل مصري وكل واحد اذي البلد مش الانسان هو اللي هيحسبه ربنا فوق الكل وحسابه عند ربنا
    وشكرا علي كلامك واسفه لو الكلام ضايق حد

  5. #5
    تاريخ التسجيل
    1 - 7 - 2009
    ساكن في
    فى الدنيا
    العمر
    32
    المشاركات
    346
    مقالات المدونة
    1
    النوع : انثيEgypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة * حساسة ودمعتي الماسة * مشاهدة المشاركة
    لو سمحتي ياروكي اسمعيني :
    انتي بتقولي لما هو سيئ استحملناه ليه كل ده يعني كان عندنا أمل ان يغير لما يشوف الشعب كل يوم بيجوع أكتر .. لما يشوف الشباب كل يوم البطالة بتزيد .. لما يشوف الناس بتخرج لبلاد بره عشان لقمة العيش .. لما يشوف البلطجية بيقتلو في اولادنا .. لما يشوف البنات بتتحرش كل يوم من شباب ماعندهوش ذمة ولاضمير .. لما يشوف اموال البلد بتنسرق وهو بيطفح وينام .. يعني قلنا يمكن يبقى عند دم ويفهم .. ولو على موضوع الوزراء ان هما كمان بيسرقوا مهو من تحت راس مبارك لان مش بيسأل عن اللي بيحصل في الشعب ولا اللي الوزراء بيعملوه في الناس لان اصلا كلمة الرئيس فوق الكل ..
    ان شاء الله هايخرج من البلد وهو مذلول ومتهان وراس في الارض ولو ما خرج من البلد بالادب هايخرج بقلة الادب هو دا مصير اللي زي .. وشكرااااااااااااااا ياحبيبتي ياران على الكلام الروعة وان شاء الله نفرح كدة عند خلع مبارك ..
    شكرا حبيبتى على المشاركة تسلميلى
    اللهم وفقنى لما تحبه وترضاه
    اللهم نجحنى فى هذه السنه
    والهمنى الصبر على هذا الهيلوغريفى الذى ادرسه اللهم امين

    البحث على جميع مواضيع العضو ران

  6. #6
    تاريخ التسجيل
    1 - 7 - 2009
    ساكن في
    فى الدنيا
    العمر
    32
    المشاركات
    346
    مقالات المدونة
    1
    النوع : انثيEgypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة روكي مشاهدة المشاركة
    انت عندك حق في اللي انت قولته بس الشباب اول ما عملوا الثورة غيروا حاجات هو الريس اتاخر كتييير بس احنا اتاخرنا اكتر وبعدين عمر المصري الاصيل مايسمح باهانه رئيسه وبعدين هو مصري زبك يالضبط وحاسب نفسك الاول شوف انت عملت ايه عشان بلدك قبل ما تحسبه انه هو سبب المصايب اللي في البلد
    عشان كلنا لينا يد في خراب البلد مش هو لوحده انا وانت وكل مصري وكل واحد اذي البلد مش الانسان هو اللي هيحسبه ربنا فوق الكل وحسابه عند ربنا
    وشكرا علي كلامك واسفه لو الكلام ضايق حد
    حاسبو انفسكم قبل ان تحاسبو
    حبيبتى روكى لو انتى بتكلمى ع الاساس ده فمن الاولى انه يتوجه للريس
    ياحبيبتى اختلاف الرأى لايفسد للود قضية
    وكلامك مش هيزعل حد بس فيه حاجة انتى بتقولى كل واحد يحاسب نفسه الاول وكلنا السبب فى الخراب
    يابنتى هو مش مدينى حق ان احنا نفكر حتى
    انتى عارفة لو هو ريس صالح وله كلمة عدل وبيخاف من ربنا كان عمل حساب ليوم الدين لماربنا يسـأله مش عن نفسه بس لا
    عن 80مليون واحد
    انتى عارفه لو ثروة الريس بس من غير زوجته واولاده
    اتوزعت على الشعب المصرى كل واحد هياخد كام
    هياخد70000جنيه
    عارفة يعنى ايه كل المبلغ ده
    يابنتى دى فى ناس والله ما لاقية الورقة حتى تتغطى بيها مش مكان تنام فيه
    فى ناس بتدور على لقمة العيش الحاف مش لاقياها
    وهو مسؤول عن كل واحد فى الجمهورية كلها
    ومتقوليش ان الوزراء ورجال الاعمال هما اللى نهبين البلد
    ماهو لو الاب صالح وبيدور وراء اولاده ومش بيغفل عن الحق عمرهم ماكانو يعملو كده
    وع العموم لكل رأيه
    بس محاسبتنا ليه ممكن تخليه يراجع نفسه ويتوب يمكن ده يخفف من عذابه شوية
    (الظلم ظلمات يوم القيامة)وده مظلمش واحد ده ظلم 80مليون واحد
    اللهم وفقنى لما تحبه وترضاه
    اللهم نجحنى فى هذه السنه
    والهمنى الصبر على هذا الهيلوغريفى الذى ادرسه اللهم امين

    البحث على جميع مواضيع العضو ران

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©