صوت الثورة.دعوة للمشاركة

[رضا محمود]

لازم يكون للشعب صوت


والرأي شيئ من حقّنا


حتى الشوارع والبيوت


رافضين سكوتنا وذّلنّا


والثورة لمّا بتتّولِدْ


بتكون بداية للبـلدْ


والشعب بيكون المدد


علشان نطهّرْ أرضنا


....رضا محمود

[رضا محمود]

الثورة دي صوت الضميرْ


جوّة القلوب الطيّبةْ


من حقُّه يختار المصير


ويخوض بنفسه التجربةْ


والشعب.. بُركان انفجرْ

لمّا الفساد زاد وانتشّرْ


وامّا استجاب ليه القدرْ


كانت بداية...مُرعِبةْ

.....رضا محمود

[حرف مشتعل]

حملت القلم
ورسمت الحرف
ونبض بين تلك السطور
ذلك القلب
بحب الوطن
وانتظار اشراقه الفجر الجديد
لحرفك
ورود كل
مشاتل الارض
ودى

[آية الرحمن]

الثورة دى من حقنا
بس حرام ارضنا
خراب وحرب وفى لحظة ضعت
ثور يا شعب اطلب مطالبك
من غير خراب من غير ما اضرك
ثور وقول عايزين حاجات
بس حافظ على اغلى حاجة
حافظ عليها من الخراب
خلى بلدك فوق وصاحية
خلى صوتك بجد يوصل
من غير ما تضر بية بلدك

تسلم الايادى رضا على كلماتك الجميلة
وارجو ان تتقبل كلماتى من وحى ما يحدث الان
تقبل مرورى

[زيرو كول]

أخي الغالي

أبحرت بنا في عالم أبعاده الروعة

و جماليات تصويره لا تنضب

سلمت

لا حرمنا الله تواصلك

[Ali Pharouq Najar]

الثورة دى من حـــــقنا

علـــــشان نطهر أرضنا

أصلا بلــــدنا ف دمنــــا

خلوا التاريخ يوصف لنا

إن الظلام لازم يمـــوت

***************

قلم ماسى

يتقاطر منه جميل الكلمات

احساس دام

وظل و سيظل يدوم

بارك الله لك وبك وفيك و عليك

أ/ رضا

[رضا محمود]

خُدي كُلّ نقطة دَم ّفي وريدي...

خُدي نبض قلبي واقبليني شهيدْ

وخلّي يوم الثوّرة..... يوم عيدي

(وعِيشي حُرّة)... هتلاقيني سعيدْ

لو شُوفتي فوق أرض الميدان دَمّي

(بيسيل عشانك)...كَبّري وسَمّي..

وقولي للدنيا بصوت عالي..

إبني..حبيبي...جاي يشيل هَمّي..



...رضا محمود

[رضا محمود]

الشعب قال كلمتُهْ... والرأي ع المكشوفْ

هنموت ونحيا بشرف نِتحدّى أي ظروفْ

إحنا اللّي طول عُمرنَا..

صابرين بقالنا سنينْ..

والكلمة من حقّنَا....

بس اللي يسمع مينْ.؟؟

بُركان غضب وانفجر..ملعون أبوه الخوفْ..

.....رضا محمود

[thesniper_12007]

نور الثورة
الثورة نورها هل
لشبابنا في الميدان
والحب فينا طل
وكلنا كسبان
هو الوحيد فينا
داق العذاب ألوان
وبعد 30 سنه
هو الوحيد خسران
******
الثوره دي لشباب
صوت مصرنا النابض
واقف في وش الظلم
وعلى الحديد قابض
يحلم بمصر جديدة
لشعبها المظلوم
ويزول زمان الظلم
ويقف الزمان شاهد
*****
يشهد بعصر شباب
الكلمه جمعتهم
وف حب مصر الحبيبه
الدنيا سمعتهم
علشان شباب من دهب
قاموا في وسط النار
وكل ما يزيد لهيبيها
بتضوي لمعتهم
*****
يا ثورة نورك طل
محى الظلام فينا
وشبابنا زي الفل
بالحب يشجينا
عزفو على الأوتار
أحلى نغم ف الحب
ومصر غاليه أوي
والحب يكفينا

[العاشقة المجروحة]

بركان غضب وإنفجر ملعون أبوه الخوف
رضا تسلم كلماتك الرزينة الرصينة الرنانة
ويسلم احساسك الجميل واختيارك للكلمات
واسلوبك فتقبل وجودى على صفحتك هذه
وردى الذى لن يوفيك حقك
تحياااااتى لك سيدى