بتروح سيتي ستارز ليه ؟؟؟

[Hooba]

الناس الي بتروح سيتي ستارز
(ده مول كبير قوي في مصر)
بتروح

علشان :

* تدخل السينما

* تاكل في الفوود كورت

* علشان تفضل تلف وتدور ومتشتريش حاجه وفي الاخر تروح

*علشان لو حد سألك كنت فين .. تقول " اصلي كنت في سيتي ستارز " ..

*عشان تبحلق في البنات الحلوه الي رايحه وجايه

*تدخل فيرجين ميجا ستورز وتمسك ولا 30 سي دي وتفضل تقلبهم آل يعني بتقرا الكلام اللي عليهم وانت متعرفش يا عيني ولا مغني منهم اصلا

* تدخل سبينيز وتفضل ساعه تحط حاجات في العربيه وبعدين تلاقي الكاشيير زحمه اوي فتسيب العربيه مليانه قدام الكاشيير وتمشي وترجع تشتري من السوبر ماركت اللي تحت بيتكو

* علشان تفضل طالع نازل علي السلالم المتحركه وفي الاسانسير تلعب في الزراير

* علشان انت مزنوق وحمامات سيتي ستارز نضيفه

* علشان تقعد علي الموكيت الي قدام باب السينما

* علشان تضايق السيكيوريتي وبتوع الامن وتسند علي السور تتفرج علي الدور الارضي

* علشان ده أكبر موول في مصر

* علشان تطلب أكل وتفضل ساعتين تلف علي ترابيزه فاضيه لغايه ما الاكل يسقع ويبقي مالوش طعم

* علشان مش طايق تقعد في البيت

* علشان تجري من الأمن الساعه 2 الصبح لما ييجوا يقفلو الموول وانت مش عايز تروح

* عشان الدنيا بره حر موووت وجوه فيه تكييف

هاااااااااااا ؟؟؟ إنت بقي بتروح ليه ؟؟؟؟؟؟

[Essam Net]

انا ما برحوش اصلا .. انا بعدى من قداموا ..
شوفت انت طلمنى ازاى .. روح يا راجل منكـ لستى ستارز ..

[Hooba]

دا انا كنت فاكرك واخد لك جناح هناك يا عمي ....
لا حقك عليا بقي .... عموما تبقي نردها لك في حاجه احسن
ههههههه هههههههه ههههههههه ههههههه ههههههههه

[Hooba]

يلا اللي بعده ...up up

[أحمد عمر]

انت ف سيرك يابنى UP UP
انا زى عصام بس افرق شويه انى اصلا ما اعرفش هو فين ف مصر