بيان هام جدا ( ادخل وشوف )

[مصطفى ابوليله]

بسم الله الرحمن الرحيم

بالطبع...مش هقعد اعمل زي بيانات الريس ولا بيانات الجيش..واقعد اقولك ايها الاخوه المواطنون..

ومتفتركش في البيان ده اني هأيد او هعارض الريس ...ولكن

باستمرار الشكل الي موجود في التحرير...فواضح ان هناك ثلاث حاجات

1 – يا اما الي هناك جاهل واحمق..مش عارف هو عايز ايه...لان تمانين في الميه من الي مطالب اتحققت...والعشرين في الميه هتأتي الشهور القادمه..عن طريق انتهاء المده...والحوار الي دعى الريس ونائبه له

- يطلع واحد من الساده العاطفيين "لا استطيع ان اوصف اقل من ذالك" : لااااااااا ..ازاااااااااي..انت مشوفتوش وعوده ..من زماااان...مش مااااااااااشي من مدان التحرير الا لما يمشييييي .أنت فاكرها عزبه

ولنفترض جدلا ان الريس مشي..تنحي هو هو الشخص : لااااااا الحكومه الجديده اصلها مش عجباني..ريحتها وحشه...مش ماااااشي من مدان التحرير الا لما يمشوووو !!! انت فاكرها كنيف ! "حمام اعزكم الله"

ولنتفرض جدلا ان الحكومه الجديده مشيت ..وجه شخص معارض من بتاع زمان..بدون ذكر اسماء..مثلا البرادعي او ايمن نور "لاااااااااااع ..هما مين البرادعي وايمن نور دول ولا اخوان ولا الرشيدي....دول ولا يفهموا...مش ماااااااااااااشي من مدان التحرير الا لما يمشيييي..

------------------------------------

2 – الاحتمال الثاني وهو ..ان يكون هناك بقايا من الشعب حسن وطيب النيه الي لسه معرفش ايه الي حصل...هو كان عايز ينزل يعبر عن حقه وخلاص ...ولسه ميعرفش..هيجيب اخبار منين ولا هيتابع عمرو اديب علي الحياه اتنين منين مثلا

- فيطلع واحد منهم : والله احنا عايزين ولادنا يعيشوا كويسين "ازاي متعرفش"...والريس لسه ممشيش واحنا بقالنا تلااااتيييين سنه ..مش ماااااااااشي من مدان التحرير....اكمل

---------------------------------------

3 – الاحزاب والسياسيات الي بتزيط في الزيطه ..واحنا المعارضه احنا ..سكر نباته احنا...والذين لا يمت بصله للاخوه بتوع خمسه وعشرين يناير...عايزين اسقاط النظام اسقاط الريس....مش مااااااااااااااشيين من الميدان ...

- للاسف معاهم بعض الناس الي مش واعييه بردو ...وماشيين معاهم

--------------------------

النقطه الاهم والاقوى...: ولو اني مبحبش الفتي..ولكن في مليون واحد اكد ان في جنسيات اجنبيه في ميدان التحرير..

عليهم اشارات وعلامات...عاملين خييم..ناس بيتدفعلها فلوس..وتلت وجبات..يقال والله اعلم من كنتاكي عشان سر الخلطه

مش دي النقطه...النقطه الي حرقتني انا كاتب البيان – وانا مليش قيمه بالمناسبه يعني حيالله واحد – ان الشعب بيضرب نفسه.....الشعب بيضرب الشعب....بما يؤدي الي فتنه ..بما يؤدي الي حرب اهليه...بما يؤدي الي دمار النظام تماما...بما يؤدي الي انهيار مصر...بما يؤدي لدخول القوه الاجنبيه

قعدت تشتغلني..وايد واحده..والشرطه ووالجيش..واديك قاعد بتخبط في بعد

الراجل العاطفي الي فوق : لااااااااااااااااع دول خونه وعملاء ولاد بيتش " مصطلح اجنبي وحش " ..دول مش مصريين اصلا..لااااااازم نحاربهم

واحد تاني عاطفي : اساسا اساسا.....انتوا مش هتلاقوا زي الريس ده ..ربنا يستر علينا....ده الي بقاله تلاتين سنه ......وكمل انت اكيد انت عارفه

مش دي النقطه الله يكرمكم ركزوا معايا...

مش محتاج اقعد اناكف وأأكد ان في مليون دوله بره مستنيه وشغاله حقل استخباراتها علينا...

مصر دوله ضعيفه..ولم تكن قويه الا بشعبها..هاتلي دوله كانت عمله اللجان الشعبيه...دول غيرنا كانت البيوت اتخربت والدنيا اتهدت

فنحن الان..

محتاجين

1-...اخلاء ميدان التحرير تماما ...حتي يتدخل الجيش..في العناصر الغير مصريه..يمسكها ينفخها....

هيطلعلي واحد من اياهم : ازااااااااااي والشهدا الي مااااااتوا..زربن زربن حسني مبارك

اقوله يا سيدي..يا حبيبي..الي عرف يعمل جمعه الغضب..يعملها الجمعه الي بعد الجايه...مش لازم يغضب دلوقتي..مصر بتمر بموقف حرج !!

2- صد ونصح كل الي تعرفه والي متعرفوش..عن اشد قصوه اهميه "كلها تعبيرات فظيعه " عن عدم خناقه الشعب والشعب التاني...هتلاقي ناس غبيه...سيبهم يتغابوا وتجنبهم ..ومتضربوش..لان العند بيجيب عند...وهو هيلم نفسه

3 – التمسك بالمطالب وعدم تركها...ميبقاش كل الي حصل علي فشوش كده...ولكن بطريقه لا تسمح لجهات اجنبيه تدخل في شؤونا...زي ما هما عاملين..انت فاكر ان المصريين هما الي رامين مولتوف علي المصريين التانين :S

4 – لو جيت اتكلمت مع اي واحد من غير الي انا كاتبه ده ..بعقلانيه كده..مش هيسره حال البلد..ومش هينفع ناخدها بالعواطف..ويمشي ويمشي وخلاص..ومش مهم البلد تولع ..والي في التحرير يولعوا ونخبط في بعض مش مشكله بس يمشي

بالتالي توعيه كل من تعرفه ولا تعرفه بضروره التمسك بوحدتنا حاليا..ان شاء الله الاسبوع ده ..مجرد فقط الجيش يتدخل في العناصر الاجنبيه ..والدخلاء علينا..في بضعه مناطق عندنا في القاهره..كانت تيجي العربيه الجيب تطلع تلت رشاشات من ورا تضرب نار وتمشي...ليييييه..متعرفش هيا غباوه كده !!!

5 – الريس لو فرضا انه بينهب بقاله تلاتين سنه...بالعقل كده الراجل عنده 82 سنه داخل في 83 ...

واحد من الاخوه العاطفيين : ده في التسع شهور "فتره انتهاء مده الرئاسه الشرعيه للريس " هييييييينهب البلد !!!!

يا تيييت هو الراجل فيه حيل ينهب البلد ..ولو فرضا هينهب البلد..هل هو عارف انه مثلا عايز يستمتع بيهم العشر سنين الجايين ..لو فرضا انه هيعيش عشر سنين. كمان ..يعني تسعين سنه !؟!؟!

او مثلا ..عايز يأمن مستقبل ولاده..عشان يجوز جمال...ويحط وديعه في البنك لعلاء :S:S:S

هل تفتكر لو هو ناهب البلد ..بقاله تلاتين سنه...التسع شهور دول الي هيلم فيها الليله بقي ...ماهو كان سهل عليه جدا يقولك سلامو عليكو ويمشي..او يطلع يقولك " انا فهمت...فهمت عليكن .." ويروح علي جده.

ارجوكم...اعطوا فرصه ولو بسيطه للحكومه الجديده..ولو معجبتش...اعمل جمعه غضب تانيه..الايام مبتخلصشش..ولا بتيجي الشمس يوم الجمعه تقول مش طالعه عليكوا يا ولاد التييييييييييت !!!

6- والنقطه الاخيره ..حاول تنشر البيان ده .." لو فرضا سميناه بيان" او حاجه شبيهه ليه بنفس الوعي..وضعنا الاستراتيجي لم يعد يحتمل فرقه في صفوف الشعب تاني..بقينا مستهدفين جدا ...ومصلحه الدول الاخرى..هي مش طمعنا فينا لاننا حلوين ومقطقطين...لا ..لحمايه اسرائيل فقط!!! ....فانا لا استبعد وجود مايرنز عندنا هنا في مصر

اذا..بالله عليكم ...استحلفكم كمصريين..مسلمين ومسيحيين

لاننا المفروض زي ما كنا بنقول شعب واحد وايد واحد

دلوقتي الموضوع مبقاش موضوع مبارك وده الي حذرت منه قبل كده

مصر اصبحت في خطر !

احموها...

[* حساسة ودمعتي الماسة *]

طيب أنا مش فاهمة ليه ميارك مايمشيش من الحكم ويريح نفسه والشعب حرام عليه لو كان من أول يوم خرج ماكان حصل اللي قاعد يحصل دلوقتي في الميدان ... صراحة حاجة بقت تخلي الواحد راس تلف ألف لفة ومش فاهمة أي حاجة ولا مصر هاتوصل لحد فين ..

[حرف مشتعل]

فاضلى
اووكد لك انه لديه القوه
ليخطط ويفعل كل شىء
المشكله متشابكه
وكل يدلى بدلوه
جزاك الله خيرا
والله يحفظ مصر

[مصطفى ابوليله]

يا استاذه ( حساسه ) مبارك مش هيتنحى والله ما هيمشى بالطريقه دى
اولا ؟ الباشا بتعنا لو اتنحى هيتحاكم محكمه مدنيه
ثانيا ؟ ارصده هتتجمد زيه زى اللى رجعم من قفاهم ولا وايه واولاد وقرايبه و ..........
ثالثا ؟ مش معقوله واحد اشتغل شغلانه وقعد فيها 30 سنه وفى الاخر يقبل على نفسه كده ( والله لو شيخ منصر )
رابعا ؟ وهو ده المهم للاسف الشديد احنا شعب عنيد جدا يعنى لازم تمشى مش ماااااااااشى
الموضوع مش صغير زى ما احنا شايفينه لازم نفكر فى مصلحه البلد دلوقتى

[مصطفى ابوليله]

استاذى الفاضل ( المشتعل ) بسم الله الرحمن الرحيم ( و يمكرون ويمكر الله والله خير الماكرين )

[البنت الجديده 1]

مصر في خطر
ارحموووووا
المشكله اخي الفاضل اكبر من مبارك وغيره
المشكله اصبحت في بلد وشعب يحلم بامان واستقرار يعيش وشبح الجوع مسيطر عليه
رحمك الله ياعمربن الخطاب
ليت منك في زماننا واحد

[مصطفى ابوليله]

كل اللى بقيلنا يا اختى الفاضله اننا فعلا ندعى
يارب احفظ وطنى و وطن كل مصرى فينا