قول .. ماتخافش

[نور الحرف]

أوعى تخاف

قول وأتكلم يابن العمّ

خلى فى عينه حصوة ملح

شوية دمّ

خلى ليله يبقى نهار

لما يشوف أولاد ثوار

اللى بيفهم وإللى بيحلم

واللى ف مخه وعى وفهمّ

قول واتكلم يابن العمّ

علىِّ الصوت

علىِّ كمان

لما بيوصل كل مكان

وبيسمعنا كل جعان

أو طهقان

أو تعبان من شيل الهمّ

قول واتكلم آه ماتخافشّ

مش راح نسكت ولا ها نكشّ

مش راح نرضى الظلم كمان

أو نستحمل زى زمان

كلمة تدوى فى كل أوان

يلا فارقنا خلاص ماتباتشّ

لو هاناكلها حتى بمشّ

***
نور الحرف

[zezo1]

مش راح نسكت ولا ها نكشّ

مش راح نرضى الظلم كمان

أو نستحمل زى زمان
الله ينور
يانور

[ران]

الله عليكى يا نور
هو ده الكلام الصح
قولى كمان خلى اللى لسه نايم يفوق
دمتى بود وتقبلى مرورى

[Ali Pharouq Najar]

جميلة بجد
شكرا نور الحرف

[حرف مشتعل]

بالغت فى الاغداق من فيض حرفك
ايتها الرائعه
ننتظر مثل هذه الاشراقات
لقلبك اكليل من الورد النادر

[لبنى مصر]

انا حسيت انها ممكن تكون اغنيه تسلم ايدك يا نور بجد جميله مع اعتراضى مع المضمون تقبلى مرورى

[العاشقة المجروحة]

الله عليكى وعلى كلامك
بجد منتهى الروعة تسلمى ياقمر
دمتى متميزة
تحياتى وتقديرى

[رضا محمود]

قول واتكلّمْ..مُش هنسلّمْ
لو هنموت...وتعيشي يامَصرْ
إحنا ولادِكْ....دِرعِكْ...زادِكْ
وقت الشِدّة.. يبان الصبرْ
زيح الغُمّة...خلّي الأُمّةْ
تعرف معنى جمال النَصرْ
قول واتكلّم من إحساسكْ
اطلب حقكْ..وارفع راسكْ

الأخت الجميلة..نور..
ألف تحية لإبداعك....تقبلي مروري.

[محمد أبراهيم]

تحيه
لكل صوت
لكل
نبض حريه
نستنشقها من قهر
الدكتاتوريه
نسال الله الامن والامان
للجميع
ما أجمل هذه الليلة
ليلة حرية
ولا اروع
ولا أحلى
حمدا لله
على هذا النصر
فهو ليس نصرا
لمصر فقط
هو نصر لكل
الامة العربيه
نور الحرف
مودتى